ఘనంగా ఎన్‌సీసీ దినోత్సవం

ఘనంగా ఎన్‌సీసీ దినోత్సవం

బాన్సువాడ రూరల్‌: మండలంలోని శ్రీరాం నారాయణ ఖేడియా ప్రభుత్వ డిగ్రీకళాశాలలో శనివారం ఎన్‌సీసీ దినోత్సవాన్ని ఽప్రిన్సిపాల్‌ వేణుగోపాల స్వామి ఆధ్వర్యంలో ఘనంగా నిర్వహించారు. కళాశాల ఆడిటోరియంలో సాంస్కృతిక కార్యక్రమాలు ఏర్పాటు చేశారు. ప్రిన్సిపాల్‌ మాట్లాడుతూ.. ఎన్‌సీసీలో చేరితో క్రమశిక్షణ, దేశభక్తి పెంపొందుతుందన్నారు. అలాగే ఆర్మీ, నేవీ తదితర కేంద్ర ప్రభుత్వ ఉద్యోగాల్లో అవకాశం లభిస్తుందన్నారు. కార్యక్రమంలో సీటీవో కృష్ణ, 20మంది కొత్త ఎన్‌సీసీ క్యాడెట్లు, అధ్యాపకులు పాల్గొన్నారు.

మహనీయులను

ఆదర్శంగా తీసుకోవాలి

బాన్సువాడ రూరల్‌: మహనీయులను ఆదర్శంగా తీసుకుని వారు చూపిన మార్గంలో నడవాలని ఎస్టీ హాస్టల్‌ వార్డెన్‌ విజయభారతి అన్నారు. పట్టణంలో ని ఎస్టీ బాలికల సంక్షేమ వసతిగృహంలో బిర్సా ముండా జయంతిని శనివారం నిర్వహించారు. సాంస్కృతిక కార్యక్రమాల్లో విద్యార్థులు ఉత్సాహంగా పాల్గొన్నారు. ఉపాధ్యాయులు విజయలక్ష్మి,శిరీష, సంధ్య, భారతి, బిందు, కవిత పాల్గొన్నారు.