ఉపాధి హామీ కూలి పెంచండి

హొసపేటె: ఉపాధి హామీ పథకంలో భూమి, ప్లాట్లు, ఇళ్లు లేని నిరుపేదలు, కౌలుదార్లకు 200 పని రోజులు, రోజుకు రూ. 600 వేతనం ఇవ్వాలని కోరుతూ ఉపాధి సంఘం ఆధ్వర్యంలో జిల్లా అధ్యక్షుడు హులికట్టి మైలప్ప తాలూకా ఉప తహసీల్దార్‌ అన్నదానేశ్‌ బి.పత్తర్‌కు వినతిపత్రం సమర్పించారు. ఈ సందర్భంగా ఆయన మాట్లాడుతూ... సన్నకారు రైతులకు మూడెకరాల వరకు ఆక్రమణలు 2015లోనే రాష్ట్ర ప్రభుత్వం క్లియర్‌ చేయకూడదని నిర్ణయం తీసుకుంది. భూ ఆక్రమణల ప్రక్షాళన లక్ష్యంతో ప్రజలను మభ్య పెట్టేందుకు ప్రభుత్వం ఈ చర్య తీసుకున్నట్లు అనుమానాలు వ్యక్తమవుతున్నాయని తెలిపారు. చట్టాన్ని సవరించడం వల్ల కలిగే సాధక బాధకాలపై సవివరంగా చర్చించిన తర్వాతే ప్రభుత్వం ఒక నిర్ణయానికి రావాలని తెలిపారు. ప్రతి గ్రామంలో సర్వే నిర్వహించి ఇల్లు, ప్లాట్లు, భూమి లేని వారికి ప్లాట్లు, భూమి లేని వారికి ప్లాట్లు, భూమి కేటాయించాలన్నారు. ఫారం నెంబర్‌.57 మళ్లీ దరఖాస్తు చేసుకునేందుకు అవకాశం కల్పించాలి. నిరుద్యోగులకు భృతి ఇవ్వాలి. అదే విధంగా వృద్ధాప్య వికలాంగ, వితంతువులు పెన్షన్‌ పెంచాలని డిమాండ్‌ చేశారు. ఈ సందర్భంగా ఎంబీ హాలయ్య, హెచ్‌ పరసప్ప, అజప్ప, బాలగంగాధర్‌, సంతోష్‌ వీరభద్రయ్య, ఉదయ్‌గౌడ, ఇబ్రామ్‌ సాబ్‌, సిద్దలింగప్ప, పూజార్‌, నాగరాజ్‌, బూదిహాల్‌, కాళప్ప తదితరులు పాల్గొన్నారు.