24న యూటీఎఫ్‌ జిల్లా మహా సభలు

వన్‌టౌన్‌(విజయవాడపశ్చిమ): యూటీఎఫ్‌ ఎన్టీఆర్‌ జిల్లా మహాసభలు ఈ నెల 24వ తేదీన నిర్వహించనున్నట్లు సంఘ జిల్లా అధ్యక్ష, ప్రధాన కార్యదర్శులు కె. శ్రీనివాసరావు, ఎ. సుందరయ్య తెలిపారు. ఆ సంఘం ఆధ్వర్యంలో విజయవాడ సమీపంలో జరిగిన కార్తిక వనసమారాధన కార్యక్రమంలో మహాసభల పోస్టర్‌ను రాష్ట్ర అధ్యక్షుడు నక్కా వెంకటేశ్వర్లు, ఎమ్మెల్సీ కేఎస్‌ లక్ష్మణరావు ఆవిష్కరించారు. ఈ సందర్భంగా వారు మాట్లాడుతూ కృష్ణా జిల్లా నుంచి ఎన్టీఆర్‌ జిల్లా ఏర్పడ్డాక జరిగే తొలి జిల్లా మహాసభలో పెద్ద ఎత్తున ఉపాధ్యాయులు పాల్గొని జయప్రదం చేయాలని కోరారు. పలు తీర్మానాలు ప్రవేశ పెట్టి చర్చిస్తామని తెలిపారు.