‘మల్లన్న’కు ఎండోమెంట్‌ కమిషనర్‌ పూజలు

పార్కింగ్‌ స్థలాన్ని పరిశీలిస్తున్న డీసీపీ రవీందర్‌

ఐనవోలు : ఐనవోలు మల్లికార్జునస్వామి వారిని ఎండోమెంట్‌ కమిషనర్‌ అనిల్‌కుమార్‌ మంగళవారం దర్శించుకున్నారు. ఆలయంలో ప్రత్యేక పూజలు చేసిన అనంతరం సంక్రాంతి నుంచి ఉగాది వరకు జరగనున్న జాతరకు ఆలయంలో చేపడుతున్న ఏర్పాట్లను పరిశీలించారు. ఆలయం చుట్టూ తిరిగిన ఆయన.. భక్తుల సౌకర్యార్థం చేస్తున్న ఏర్పాట్లను ఈఓను అడిగి తెలుసుకున్నారు. ఈ సందర్భంగా పలు సలహాలు, సూచనలు చేశారు. భక్తులకు ఎలాంటి ఇబ్బందులు కలగకుండా ముందస్తు జాగ్రత్త చర్యలు తీసుకోవాలన్నారు. కార్యక్రమంలో డీసీ శ్రీకాంత్‌రావు, ఏసీ సునీత, పరిశీలకుడు సంజీవరెడ్డి, ఈఓ నాగేశ్వర్‌రావు, సూపరింటెండెంట్‌ కిరణ్‌, సిబ్బంది ఉన్నారు.

ఐనవోలు జాతర ఏర్పాట్ల పరిశీలన

సంక్రాంతి నుంచి ఉగాది పర్వదినం వరకు జరగబోయే ఐనవోలు మల్లికార్జునస్వామి జాతర ఏర్పాట్లను మంగళవారం ఈస్ట్‌జోన్‌ డీసీపీ రవీందర్‌, మామునూర్‌ ఏసీపీ సతీష్‌బాబుతో కలిసి పరిశీలించారు. ఈ సందర్భంగా ఆలయంలో ఏర్పాటు చేస్తున్న వీఐపీ, సాధారణ, ప్రత్యేక క్యూల ను ఆయన పరిశీలించారు. భక్తుల సౌకర్యార్థ్ధం చేపట్టాల్సిన చర్యలను అధికారులకు సూచించారు. అనంతరం చెక్‌పోస్టుల ఏర్పాటుపై చర్చించారు. పార్కింగ్‌ స్థలాలను పరిశీలించి భక్తులకు ఇబ్బంది కలుగకుండా సరైన వెలుతురు ఉండేలా చర్యలు తీసుకోవాలని స్థానిక సీఐ శ్రీనివాస్‌, ఎస్సై నవీన్‌కుమార్‌కు సూచించారు. ఈ సందర్భంగా పలుఅంశాలపై స్థానిక పోలీసులకు సలహాలు ఇచ్చారు.

1/1

స్వామి వారికి పూజలు చేస్తున్న ఎండోమెంట్‌ కమిషనర్‌ అనిల్‌కుమార్‌