గ్రామస్తులకు చిక్కిన దొంగ

గ్రామస్తులకు చిక్కిన దొంగ

● చితకబాది పోలీసులకు అప్పగింత

ఏటూరునాగారం: మండల కేంద్రంలో వరుస దొంగతనాలతో హడలెత్తిస్తున్న ఓ దొంగ గ్రామస్తులకు గురువారం చిక్కాడు. వివరాల్లోకి వెళ్తే.. మండల పరిధిలోని రామన్నగూడెం ప్రధాన రోడ్డు వెంట మద్యం బెల్ట్‌షాపులు ఉన్నాయి. ఆ షాపుల్లో ఇప్పటికీ మూడు మార్లు దొంగతనాలు జరిగాయి. ఇదే అదునుగా భావించిన ఆ దొంగ గురువారం తెల్లవారుజామున బెల్ట్‌షాపులోకి చొరబడడంతో ఆ షాపు యజమాని పసిగట్టి వాడిని గ్రామస్తుల సహకారంతో పట్టుకున్నాడు. దొంగను స్తంభానికి కట్టేసి దేహశుద్ధి చేసి పోలీసులకు అప్పగించారు. ఈ దొంగతనం కేసులో ఈ దొంగతో పాటు మరో ముగ్గురు గ్రామస్తులు కూడా ఉన్నారని తెలిపారు. ఈ వివరాల మేరకు కేసు దర్యాప్తు చేస్తున్నట్లు పోలీసులు తెలిపారు.