ప్రయాణికులతో మర్యాదగా ప్రవర్తించాలి

ప్రయాణికులతో మర్యాదగా ప్రవర్తించాలి

యాదగిరిగుట్ట: యాదగిరిగుట్ట శ్రీలక్ష్మీనరసింహస్వామి వారి దేవస్థానానికి వచ్చే ప్రయాణికులతో మర్యాదగా ప్రవర్తించాలని ఆర్టీసీ నల్లగొండ రీజనల్‌ మేనేజర్‌ జానిరెడ్డి సూచించారు. మంగళవారం ఆయన యాదగిరీశుడిని దర్శించుకొని, ప్రత్యేక పూజలు చేసి, పట్టణంలోని ఆర్టీసీ డిపోను సందర్శించారు. ఈ సందర్భంగా బస్టాండ్‌, గ్యారేజీలను పరిశీలించారు. అనంతరం డిప్యూటీ రీజనల్‌ మేనేజర్‌ శివశంకర్‌తో కలిసి డిపో ఆవరణలో మొక్కలు నాటారు. అంతకు ముందు రీజనల్‌ మేనేజర్‌ జానిరెడ్డిని డిపో మేనేజర్‌ శ్రీనివాస్‌, ఉద్యోగులు, సిబ్బంది సన్మానించారు. కార్యక్రమంలో అసిస్టెంట్‌ మేనేజర్‌ ప్రవీణ్‌ రెడ్డి, శ్రీనివాస్‌, జాకబ్‌, ముత్యాలు, నరసింహ పాల్గొన్నారు.