యాదగిరీశుడిని దర్శించుకున్న సినీ నటి వైష్ణవి చైతన్య

యాదగిరీశుడిని దర్శించుకున్న సినీ నటి వైష్ణవి చైతన్య

యాదగిరిగుట్ట: యాదగిరిగుట్ట లక్ష్మీనరసింహస్వామిని బేబీ సినిమా హీరోయిన్‌ వైష్ణవి చైతన్య కుటుంబ సభ్యులతో కలిసి మంగళవారం దర్శించుకుంది. ఈ సందర్భంగా ఆలయ అర్చకులు ఆమెకు సంప్రదాయంగా స్వాగతం పలికారు. గర్భాలయంలోని స్వయంభూ, ప్రతిష్ఠా అలంకారమూర్తులను దర్శించుకొని ప్రత్యేక పూజలు చేశారు. అనంతరం ముఖ మండపంలో సువర్ణ పుష్పార్చనమూర్తుల వద్ద అష్టోత్తర పూజల్లో పాల్గొని మొక్కులు తీర్చుకున్నారు. అర్చకులు వేద ఆశీర్వచనం చేసి స్వామివారి లడ్డూ ప్రసాదం అందజేశారు.

స్వర్ణగిరి క్షేత్రాన్ని దర్శించుకున్న సినీనటులు

భువనగిరి: భువనగిరి పట్టణ శివారులోని స్వర్ణగిరి వేంకటేశ్వరస్వామిని మంగళవారం సీనియర్‌ నటి శివపార్వతి, హీరోయిన్‌ వైష్ణవి చైతన్య తమ తమ కుటుంబ సభ్యులతో కలిసి వేర్వేరుగా దర్శించుకున్నారు. ఈ సందర్భంగా ఆలయంలో ప్రత్యేక పూజలు చేశారు. ఆలయ అర్చకులు వారిని శాలువాతో సన్మానించి స్వామివారి ప్రసాదాన్ని అందజేశారు.