TV
అభివృద్ధి పనులకు భూమిపూజ
ఖానాపూర్‌: పట్టణంలోని పలు అభివృద్ధి పనులకు ఖానాపూర్‌ ఎమ్మెల్యే వెడ్మ బొజ్జు పటేల్‌ శుక్రవారం భూమిపూజ చేశారు. రూ.4.80 కోట్లతో చేపట్టనున్న సీసీ రోడ్లు, డ్రైనేజీ పనులను ప్రారంభించారు. అంతకుముందు పట్టణ పార్కుతోపాటు పార్కు ముందు ఏర్పాటు చేసిన ఐ లవ్‌ ఎంసీకే లోగోను ఆవిష్కరించారు. పార్కులోని ఓపెన్‌ జిమ్‌, యోగా శాల, వాకింగ్‌ ట్రాక్‌ను సందర్శించారు. అనంతరం అంబేద్కర్‌నగర్‌లో నిర్మించిన వైకుంఠధామాన్ని ప్రారంభించారు. కార్యక్రమాల్లో మున్సిపల్‌ చైర్మన్‌ చిన్నం సత్యం, వైస్‌ చైర్మన్‌ కావలి సంతోష్‌, కౌన్సిలర్లు, నాయకులు కిశోర్‌నాయక్‌, జన్నారపు శంకర్‌, నాయిని సంతోష్‌, పరిమి సురేశ్‌, అమానుల్లాఖాన్‌, తొంటి శ్రీనివాస్‌, షబ్బీర్‌పాషా, కాంగ్రెస్‌ పార్టీ మండల, పట్టణ అధ్యక్షుడు దయానంద్‌, నిమ్మల రమేశ్‌ తదితరులు పాల్గొన్నారు.
Comments
Please login to add a commentAdd a comment