TV
రోడ్డు ప్రమాదాల్లో ఇద్దరు..
ఆర్మూర్‌టౌన్‌: ఆర్మూర్‌ మున్సిపల్‌ పరిధిలోని మామిడిపల్లి శివారులో యానం గుట్ట సమీపంలో శుక్రవారం సాయంత్రం ట్రాక్టర్‌ ఢీకొని సోలం గంగాధర్‌(35) మృతిచెందాడు. వివరాలు.. సోలం గంగాధర్‌ కొన్ని నెలలుగా బతుకు దెరువు కోసం జాక్రన్‌పల్లి మండలం కేశ్‌పల్లి గ్రామంలో ఉంటున్నాడు. ఆర్మూర్‌లో తన పని ముగించుకొని కేశ్‌పల్లి వెళ్తుండగా యానం గుట్ట ఎక్స్‌ రోడ్డు వద్ద ట్రాక్టర్‌ ఢీకొంది. గంగాధర్‌ అక్కడిక్కడే మృతిచెందాడు. పోలీసులు ఘటన స్థలానికి చేరుకొని ప్రమాదం జరిగిన తీరును పరిశీలించారు. మృతుడి భార్య సావిత్రి ఫిర్యాదు మేరకు కేసు నమోదు చేశామని ఎస్సై ఇంద్రకరణ్‌రెడ్డి తెలిపారు.
లారీ ఢీకొని ఒకరు..
నిజామాబాద్‌ రూరల్‌/బాన్సువాడ రూరల్‌: రూరల్‌ పోలీస్‌స్టేషన్‌ పరిధిలోని మల్లారం అటవీ ప్రాంతంలో ధాన్యం బస్తాల లారీ ఎదురుగా వస్తున్న వ్యాన్‌ను ఢీకొనడంతో గోపాల్‌(55) అనే వ్యక్తి మృతిచెందినట్లు రూరల్‌ ఎస్‌హెచ్‌వో మహ్మద్‌ఆరీఫ్‌ తెలిపారు. వివరాలు. బాన్సువాడ మండలం బోర్లం గ్రామానికి చెందిన అన్నం గోపాల్‌ శ్రీవాణి బీడీ కంపెనీ నిర్వహిస్తున్నాడు. ఆయన శుక్రవారం బీడీలను తీసుకొని వ్యాన్‌లో నిజామాబాద్‌ వైపు వస్తుండగా మల్లారం గండి వద్ద ధాన్యం లోడ్‌తో వెళ్తున్న లారీ ఢీకొంది. ప్రమాదంలో వ్యాన్‌లో ఉన్న గోపి అక్కడికక్కడే మృతి చెందాడు. మృతుడి బంధువుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌హెచ్‌వో తెలిపారు.
రోడ్డు ప్రమాదాల్లో ఇద్దరు..
Comments
Please login to add a commentAdd a comment