‘గోపాత్రుడు’ సామాజిక అంశాల సమాహారం

‘గోపాత్రుడు’ సామాజిక అంశాల సమాహారం

విజయవాడ కల్చరల్‌: గోపాత్రుడు నవల సమాజిక అంశాల సమాహారమని చినుకు మాసపత్రిక సంపాదకుడు నండూరి రాజగోపాల్‌ అన్నారు. విజయవాడ బుక్‌ ఫెస్టివల్‌ సొసైటీ ఆధ్వర్యాన గ్రంథాలయ వారోత్సవాల సందర్భంగా గవర్నర్‌పేటలోని సొసైటీ కార్యాలయంలో సీనియర్‌ సంపాదకుడు కేఎస్‌వై పతంజలి రచించిన గోపాత్రుడు నవల అంశంగా కార్యక్రమం జరిగింది. రాజగోపాల్‌ మాట్లాడుతూ సమాజంలో నాటి కులవ్యవస్థ, మనుషుల మధ్య ఐక్యత లేకపోవడం, బలవంతులు బలహీనులను దోచుకోవడం అంశంగా నవల సాగుతుందన్నారు. గోళ్ల నారాయణరావు మాట్లాడుతూ ‘సాక్షి’లో తన సంపాదకీయాల ద్వారా సంచలనాలకు వేదికగా నిలిచినట్లు తెలిపారు. కార్యక్రమంలో శ్రీశ్రీ ప్రింటర్స్‌ అధినేత విశేశ్వశ్వరరావు, ప్రజాశక్తి బుక్‌ హౌస్‌ బాధ్యుడు లక్ష్మయ్య పాల్గొన్నారు.