24న ఉమ్మడి కృష్ణాజిల్లా బాడీబిల్డింగ్‌ జట్టుకు ఎంపికలు

పెనమలూరు: బాడీ బిల్డింగ్‌ పోటీల్లో పాల్గొనటానికి క్రీడాకారులను ఎంపిక చేస్తామని జిల్లా బాడీ బిల్డింగ్‌ అసోసియేషన్‌ ప్రధాన కార్యదర్శి తాళ్లూరి అశోక్‌ తెలిపారు. ఉమ్మడి కృష్ణాజిల్లాకు సంబంధించి ఈ నెల 24వ తేదీన కానూరు అశోక్‌ జిమ్‌లో జరగనున్న జిల్లా జట్టు ఎంపిక కార్యక్రమంలో పాల్గొనాలన్నారు. ఈ నెల 30న గుంటూరు జిల్లా రామన్నపేటలో రాష్ట్ర జట్టును ఎంపిక చేస్తారని, రాష్ట్ర జట్టుకు ఎంపికైన క్రీడా కారులు వచ్చే నెల 13, 14 తేదీల్లో తమిళనాడులో జరిగే సౌత్‌ ఇండియా బాడీబిల్డింగ్‌ పోటీల్లో పాల్గొంటారని తెలిపారు. ఈ నెల 24న జిల్లా జట్టు ఎంపికకు వచ్చే క్రీడాకారులు ఆధార్‌కార్డు జిరాక్స్‌ తీసుకురావాలని సూచించారు. మరిన్ని వివరాలకు 86867 71358 ఫోన్‌లో సంప్రదించాలని అన్నారు. సంఘ అధ్యక్షుడు బత్తుల మనోహర్‌, గోల్డ్‌ ఫిట్‌నెస్‌ రాజు పాల్గొన్నారు.