TV
రాష్ట్రస్థాయి బేస్‌బాల్‌ క్రీడాకారుల ఎంపిక
బాడంగి: విజయనగరం జిల్లాలోని బాడంగి జిల్ల్పారిషత్‌ హైస్కూల్‌లో రాష్ట్రస్థాయిలో స్కూల్‌గేమ్స్‌కు చెందిన అండర్‌–14, అండర్‌–17బేస్‌బాల్‌ ఎంపికలు సోమవారం జరిగాయి. స్కూల్‌గేమ్స్‌ సెక్రటరీ బి.శ్రీనివాసరావు ఆధ్వర్యంలో పోటీలు జరుగగా జిల్లా నలుమూలల నుంచి 16 పాఠశాలలకు చెందిన సుమారు 200 మందిక్రీడాకారులు పాల్గొన్నారు. ఈ పోటీలను బ్యాటింగ్‌చేసి ఎంఈఓ–2 రాజేశ్వరి, హెచ్‌ఎం. సత్యనారాయణ ప్రారంభించారు. జిల్లా స్థాయి పోటీలలో పాల్గొన్న జట్ల నుంచి అంతర్‌ జిల్లాల పోటీలకు 4 క్రీడాజట్లను ఎంపిక చేశామని పీడీ జి.బంగారునాయుడు తెలిపారు. వారిలో అండర్‌–14 బాలికలు, బాలురు–2, అండర్‌–17 బాలికలు, బాలురు–2 జట్లుచొప్పున ఎంపిక చేశామని వారు నవంబరులో చిత్తూరు, గుంటూరు జిల్లాల్లో జరగనున్న రాష్ట్రస్థాయి పోటీలకు హాజరుకానున్నట్లు చెప్పారు. ఈ ఎంపికలో జిల్లా వ్యాయామ సంఘం అధ్యక్షుడు వెంకటనాయుడు, మన్యం జిల్లా ఆర్చరీ అధ్యక్షుడు గాంధీ, సత్యనారాయణ, అప్పల నాయుడు, స్వప్న, సత్య, కేజీబీవీ పాఠశాలల నుంచి 30మంది పీడీలు పాల్గొన్నారని చెప్పారు.
రాష్ట్రస్థాయి బేస్‌బాల్‌ క్రీడాకారుల ఎంపిక
Comments
Please login to add a commentAdd a comment