రోడ్డు ప్రమాదంలో ఒకరు మృతి

రోడ్డు ప్రమాదంలో ఒకరు మృతి

భువనేశ్వర్‌: సుందరగడ్‌ జిల్లాలో దురదృష్టకర ఘటన చోటు చేసుకుంది. ఈ ప్రాంతలో సోమవారం ఎదురెదురుగా వస్తున్న రెండు బైక్‌లు ఒకదానికొకటి ముఖాముఖి ఢీకొని మంటలు చెలరేగాయి. ఈ ఘటనలో ఒకరు ఘటనా స్థలంలో సజీవ దహనమయ్యారు. బీరమిత్రపూర్‌ కుద్దొపాణి ప్రాంతంలో ఈ విషాద సంఘటన సంభవించింది. బీరమిత్రపూర్‌, రాయిబోగ మార్గంలో ఉభయ దిశల్లో ఎదురెదురుగా వచ్చిన 2 బైక్‌లు ఢీకొనడంతో ప్రమాదం చోటు చేసుకుంది. ఈ సంఘటనలో ఢీకొన్న రెండు బైక్‌లు ధ్వంసం అయ్యాయి. మంటల్లో ఒకరు సజీవ దహనం అయ్యారు. మరో వ్యక్తి అర్ధ దగ్ధమై ప్రాణాపాయ పరిస్థితిలో కొట్టుమిట్టాడుతున్నాడు. ఇంకో వ్యక్తి తీవ్ర గాయాలపాలై రౌర్కెలా ఆస్పత్రిలో చికిత్స పొందుతున్నాడు. ఇతని పరిస్థితి ఆందోళనకరంగా ఉందని వైద్య వర్గాల సమాచారం. మృతుడు ఝార్కండ్‌ ప్రాంతానికి చెందిన అశోక్‌ అగర్వాల్‌గా గుర్తించారు. బాధితులకు తొలుత బీరమిత్రపూర్‌ ప్రభుత్వ ఆస్పత్రిలో చేర్చి చికిత్స ప్రారంభించారు. పరిస్థితి విషమించడంతో కటక్‌ ఎస్సీబీ మెడికల్‌ కాలేజి ఆస్పత్రికి తరలించారు.

1/1

రోడ్డు ప్రమాదంలో ఒకరు మృతి