TV
కరాటే పోటీల్లో నగర విద్యార్థులకు పతకాలు
విజయనగరం: ఇంటర్‌ స్టేట్‌ కరాటే చాంపియన్‌ షిప్‌ – 2024లో విజయనగరం పట్టణానికి చెందిన పలువురు విద్యార్థులకు పతకాలు లభించాయి. ఈ మేరకు పట్టణానికి చెందిన కరాటే కోచ్‌ కానూరు సంతోష్‌కుమార్‌ శుక్రవారం విడుదల చేసిన ఒక ప్రకటనలో ఈ విషయం వెల్లడించారు. విశాఖ సిటీ వేపగుంటలో గల శ్రీకృష్ణ దేవరాయ కమ్యూనిటీ హాల్‌లో అక్టోబరు 27 నుంచి మూడు రోజుల పాటు జరిగిన శ్రీ గంటా కనకారావు మెమోరియల్‌ రాష్ట్ర ఓపెన్‌ కరాటే ఛాంపియన్‌షిప్‌ వివిధ విభాగాల్లో విద్యార్థులు ప్రతిభ కనబరిచారని తెలిపారు. పి.హేమంత్‌ – కుమిటీ విభాగంలో బంగారు పతకం, కాటాలో వెండి పతకం సాధించాడు. బి.రేష్వంత్‌ – కాటా, కుమిటీ రెండింటిలో కాంస్యం గెలుచుకున్నాడు. కె.శివగణేష్‌ – కుమిటీలో బంగారు, కాటాలో వెండి, బి.షణ్ముఖ శ్రీకర్‌ – కుమిటీలో వెండి, బి.శివశ్రీ హర్షవర్థన్‌ – కాటాలో వెండి, ధనుష్‌ కృష్ణతేజ కాటాలో వెండి పతకాలు సాధించారని తెలిపారు. వీరిని శుక్రవారం గురుదత్త పాఠశాల కరస్పాండెంట్‌ పి.పద్మ, కోచ్‌ కె.సంతోష్‌కుమార్‌ అభినందించారు.
Comments
Please login to add a commentAdd a comment