సైనికుల బైక్‌ ర్యాలీ ●

● ర్యాలీ ప్రారంభించిన

కలెక్టర్‌ తమీమ్‌ అన్సారియా

ఒంగోలు అర్బన్‌: మాజీ సైనికులకు నిర్వహించిన అవగాహన కార్యక్రమంలో భాగంగా మంగళవారం ప్రకాశం భవనం వద్ద కలెక్టర్‌ తమీమ్‌ అన్సారియా జెండా ఊపి బైక్‌ ర్యాలీని ప్రారంభించారు. మద్రాస్‌ ఇంజినీరింగ్‌ గ్రూప్‌ 244వ వార్షికోత్సవాన్ని పురస్కరించుకుని ఆ గ్రూపునకు చెందిన సైనికులతో బైక్‌ ర్యాలీ నిర్వహించారు. ఈ సందర్భంగా కార్గిల్‌ యుద్ధంలో పాల్గొన్న మాజీ సైనికులకు జ్ఞాపికలు అందజేశారు. ఇటీవల వాయనాడులో మంద్రాసు ఇంజినీరింగ్‌ గ్రూపు సభ్యులు నిర్వహించి సాహసోపేతమైన బైక్‌ స్టంట్‌లను కొనియాడారు. దీనిలో సైనిక సంక్షేమ అధికారి రజనీకుమారి, మాజీ సైనిక సంఘం సభ్యులు నెప్పలి నాగేశ్వరావు, శ్రీరామమూర్తి, మాజీ సైనికులు, ఎన్‌సీసీ కాడెట్స్‌ పాల్గొన్నారు.