అర్ధరాత్రి వేళ.. ఎందుకబ్బా?

అర్ధరాత్రి వేళ.. ఎందుకబ్బా?

మార్కాపురం: పట్టణ నడిబొడ్డులో టీటీడీ కల్యాణ మండపం ఎదురుగా ఉన్న అర్బన్‌ ఫ్యామిలీ వెల్ఫేర్‌ సెంటర్‌ భవనాన్ని అధికారులు గురువారం రాత్రి వేళ కూల్చివేశారు. శిథిలావస్థకు చేరిన ఈ భవనాన్ని రాత్రి వేళ మున్సిపల్‌ అధికారులు కూల్చివేయడం చర్చనీయాంశమైంది. సుమారు 50 ఏళ్లపాటు ఈ భవనంలో వైద్య సిబ్బంది సేవలు అందించారు. గతంలో గర్భిణులు, బాలింతలు, చిన్నారులకు టీకాలు వేసేవారు. కాలక్రమేణా శిథిలావస్థకు చేరడంతో ప్రస్తుతం ఈ భవనం నిరుపయోగంగా ఉంది. వైద్యారోగ్య శాఖ సిబ్బంది తమ రికార్డులు భద్రపరిచేందుకు ఉపయోగించుకుంటున్నారు. అర్ధరాత్రి కూల్చివేతల కార్యక్రమం చేపట్టడంతో పట్టణ వాసులతోపాటు వ్యాపార వర్గాల్లో మళ్లీ ఆందోళన మొదలైంది.

మార్కాపురంలో పాత అర్బన్‌ ఫ్యామిలీ వెల్ఫేర్‌ సెంటర్‌ కూల్చివేత