సంక్షేమ పథకాలు అందించేందుకే సర్వే..

సంక్షేమ పథకాలు అందించేందుకే సర్వే..

సిద్దిపేటరూరల్‌: ప్రతిష్టాత్మకంగా చేపట్టిన సమగ్ర సర్వే అర్హులైన ప్రజలకు సంక్షేమ పథకాలు అందించేందుకేనని మంత్రి పొన్నం ప్రభాకర్‌ అన్నారు. శుక్రవారం నారాయణరావుపేట మండలం జక్కాపూర్‌లో కొనసాగుతున్న సమగ్ర సర్వేను మంత్రి పరిశీలించారు. ఈ సందర్భంగా ఆయన ఎన్యుమరేటర్లతో మాట్లాడుతూ సర్వేలో ఏమైనా ఇబ్బందులు ఎదురవుతున్నాయా అని అడిగి తెలుసుకున్నారు. ఇప్పటివరకు రాష్ట్రంలో 35 శాతం సర్వే పూర్తియిందన్నారు. కానీ ప్రతిపక్షాలు మాత్రం సర్వేను తప్పుదోవ పట్టిస్తూ విమర్శలు చేయడం విడ్డూరంగా ఉందన్నారు. త్వరలో రూ.2లక్షలపైగా ఉన్న రైతుకు కూడా రుణ మాఫీ చేస్తామన్నారు. కార్యక్రమంలో తహసీల్దార్‌, ఎంపీడీఓ శ్రీరాములు, ఎంపీఓ శ్రీనివాస్‌రావు, నియోజకవర్గ కాంగ్రేస్‌ పార్టీ ఇన్‌చార్జి పూజల హరికృష్ణ, తదితర నాయకులు పాల్గొన్నారు.