జవాబు పత్రాలు దగ్ధం

జవాబు పత్రాలు దగ్ధం

ఓడీచెరువు: మండల కేంద్రంలోని జిల్లా పరిషత్‌ ఉన్నత పాఠశాలలోని ఉపాధ్యాయుల గది తాళం పగలగొట్టి బీరువాలోని విద్యార్థుల జవాబు పత్రాలకు దుండగులు నిప్పు పెట్టారు. ఈ ఘటనలో కొన్ని జవాబు పత్రాలు కాలిపోయాయి. విషయం తెలిసిన వెంటనే ఎస్పీ రత్న.. డీఎస్పీ విజయ్‌కుమార్‌, స్థానిక మల్లికార్జునరెడ్డితో కలసి ఆదివారం ఘటనా ప్రాంతాన్ని పరిశీలించారు. సంఘటనకు సంబంధించి పాఠశాల హెచ్‌ఎంతో వివరాలు ఆరా తీశారు. వెంటనే ఈ కేసు దర్యాప్తును ముమ్మరం చేయాలని ఎస్పీ రత్న సిబ్బందిని ఆదేశించారు. ఇలాంటి దుశ్చర్యకు పాల్పడిన వారు ఎవరైనా సరే వదిలిపెట్టేది లేదని హెచ్చరించారు. కేసులు నమోదు చేసి కఠిన చర్యలు తీసుకుంటామని ఎస్పీ స్పష్టం చేశారు.