అరసవల్లిలో కార్తీక సందడి

అరసవల్లిలో కార్తీక సందడి

అరసవల్లి: అరసవల్లి సూర్యనారాయణ స్వామి సన్నిధిలో కార్తీక మాసం తొలి ఆదివారం సందర్భంగా ప్రత్యేక సందడి కనిపించింది. వేకువజాము నుంచే భారీగా తరలివచ్చిన మహిళలు ఇంద్రపుష్కరిణిలో కార్తీక దీపాలను వదిలి ప్రత్యేక పూజలు నిర్వహించారు. భక్తులకు ఎక్కడా ఇబ్బందులు రాకుండా ఆలయ సూపరింటెండెంట్‌ కనకరాజు ఆధ్వర్యంలో తగు ఏర్పాట్లు చేశారు.

శ్రీకాకుళం డివిజనల్‌ ఆర్డీవో సాయి ప్రత్యూష తొలిసారిగా ఆదిత్యుడిని దర్శించుకోగా ఆమెకు ప్రత్యేక స్వాగతం పలికి అంతరాలయ దర్శనం చేయించారు. ఒక్కరోజులో వివిధ దర్శనాల టిక్కెట్ల ద్వారా రూ. 2.67 లక్షలు, విరాళాల ద్వారా రూ.77,166, ప్రసాదాల విక్రయాల ద్వారా రూ. 2.35 లక్షల వరకు ఆదాయం లభించినట్లుగా ఆలయ ఈఓ వై.భద్రాజీ తెలియజేశారు.