సాయి డెంటల్‌ కళాశాల విద్యార్థుల ప్రతిభ

సాయి డెంటల్‌ కళాశాల విద్యార్థుల ప్రతిభ

శ్రీకాకుళం రూరల్‌: ఎన్టీఆర్‌ వైద్యవిశ్వవిద్యాలయం 2023–24 బ్యాచ్‌కు సంబంధించి నిర్వహించిన దంత వైద్య పరీక్షల్లో శ్రీకాకుళం పరిధిలోని పాత్రునివలస వద్ద ఉన్న సాయిడెంటల్‌ కళాశాల విద్యార్థులు 92 శాతం ఉత్తీర్ణత సాధించినట్లు కళాశాల యాజమాన్యం డీఎన్‌రెడ్డి, డాక్టర్‌ టి.బి.వి.జి.రాజు, ప్రిన్సిపాల్‌ డాక్టర్‌ కృష్ణప్రసాద్‌ తెలిపారు. ఈ మేరకు మంగళవారం విద్యార్థులను అభినందించారు. ఇందులో 11 మంది విద్యార్థులు డిస్టింక్షన్‌లో పాసైనట్లు తెలిపారు. విద్యార్థుల పట్టుదల, అధ్యాపకుల బోధన, ల్యాబ్‌లు, వైద్య సదుపాయాలు బాగా ఉండటంతో ఈ ఫలితాలు సాధించగలిగామని చెప్పారు. భవిష్యత్తులో నూటికి నూరుశాతం ఫలితాలు సాధించేందుకు కృషి చేస్తామన్నారు.