క్రీడలతో దివ్యాంగుల్లో మనోధైర్యం

క్రీడలతో దివ్యాంగుల్లో మనోధైర్యం

సూర్యాపేటటౌన్‌ : క్రీడలతో దివ్యాంగుల్లో మనోధైర్యం పెరుగుతుందని జిల్లా సంక్షేమ అధికారి కె.నర్సింహారావు అన్నారు. అంతర్జాతీయ దివ్యాంగుల దినోత్సవాన్ని పురస్కరించుకుని మహిళ, శిశు, వికలాంగుల, వయోవృద్ధుల శాఖ ఆధ్వర్యంలో మంగళవారం సూర్యాపేట జిల్లా కేంద్రంలోని ప్రభుత్వ జూనియర్‌ కళాశాల మైదానంలో దివ్యాంగులకు క్రీడా పోటీలు నిర్వహించారు. ఈ సందర్భంగా ఆయన మాట్లాడుతూ ఆటలు ఆడటం ద్వారా దివ్యాంగుల్లో మానసిక ఉల్లాసం కలుగుతుందన్నారు. దివ్యాంగులు క్యారం బోర్డ్‌, చెస్‌, పరుగుపందెం, షార్ట్‌ పుట్‌లో ఉత్సాహంగా పాల్గొన్నారు. క్రీడా పోటీల్లో ప్రతిభ కనబర్చిన వారికి డిసెంబర్‌ 3న జరిగే జిల్లా స్థాయి కార్యక్రమంలో బహుమతులు ప్రదానం చేయనున్నట్టు తెలిపారు. ఈ కార్యక్రమంలో సీడీపీఓలు, కార్యాలయ సిబ్బంది, దివ్యాంగులు తదితరులు పాల్గొన్నారు.

1/1

క్రీడలతో దివ్యాంగుల్లో మనోధైర్యం