28న తిరుక్కురల్‌ క్విజ్‌ పోటీలు

28న తిరుక్కురల్‌ క్విజ్‌ పోటీలు

కొరుక్కుపేట: తమిళనాడు ప్రభుత్వం తరఫున కన్యాకుమారిలో జనవరి 1న తిరువళ్లువర్‌ విగ్రహ ప్రతిష్టాపన 25వ రజతోత్సవం సందర్భంగా వివిధ కార్యక్రమాలు నిర్వహిస్తున్నారు. ఈ సందర్భంగా ఈనెల 28న తిరుక్కురల్‌ పోటీని నిర్వహించనున్నారు. ఈ పోటీల్లో పాల్గొనాలనుకునే ప్రభుత్వ ఉద్యోగులు, ఉపాధ్యాయులు శుక్రవారంలోపు దరఖాస్తు చేసుకోగలరని చైన్నె జిల్లా కలెక్టర్‌ రష్మీ సిద్ధార్థ్‌ ఒక ప్రకటనలో తెలిపారు. ఇందులో విరుదునగర్‌ జిల్లా యంత్రాంగం ఆధ్వర్యంలో 28న ప్రభుత్వ ఉద్యోగులు, ఉపాధ్యాయులకు రాష్ట్ర స్థాయి తిరుక్కురల్‌ క్విజ్‌ పోటీలు నిర్వహించనున్నారు. దీనికి సంబంధించిన ప్రాథమిక పరీక్ష 21వ తేదీన చైన్నె జిల్లాలోని అన్ని కేటగిరీల ప్రభుత్వ ఉద్యోగులు, ఉపాధ్యాయులకు జిల్లా స్థాయిలో మధ్యాహ్నం 2 గంటలకు చైన్నె నగరంలో క్రిస్టియన్‌ కాలేజీ హయ్యర్‌ సెకండరీ స్కూల్‌లో నిర్వహించనున్నారు. పోటీలో పాల్గొనే పోటీదారులు తమ వివరాలను శుక్రవారం సాయంత్రం 5 గంటలలోపు Goofe For nhtt pr://gormrf e/DWC bùG-r7 nh1rtd Mm8లో సమర్పించవచ్చని ఆయన ప్రకటనలో కోరారు.

బస్సు డ్రైవర్‌కు ఛాతినొప్పి

– 44 మంది ప్రయాణికులను కాపాడి మృతి

అన్నానగర్‌: కదులుతున్న బస్సులో అకస్మాత్తుగా ఛాతీ నొప్పి రావడంతో 44 మంది ప్రయాణికులను కాపాడి ఓ ప్రభుత్వ బస్సు డ్రైవర్‌ మృతిచెందాడు. వివరాలు.. తెన్కాసి జిల్లా పులియరై అంబాల వీధికి చెందిన శివకుమార్‌ (51). తమిళనాడు ప్రభుత్వ ట్రాన్స్‌పోర్ట్‌ శివకుమార్‌ క్యాన్సిలేషన్‌ కార్పొరేషన్‌లో డ్రైవర్‌గా పనిచేస్తున్నాడు. ఇతనికి భార్య సూర్యకళ (44), ఇద్దరు కుమారులు కార్తికేయన్‌ (21), బాలకృష్ణన్‌ (19) ఉన్నారు. శివకుమార్‌ బుధవారం మధ్యాహ్నం 3 గంటలకు సెంగోటై నుంచి తిరుపూర్‌కు ప్రభుత్వ బస్సులో బయలుదేరారు. అదే బస్సులో తెన్‌కాశికి చెందిన బాలసుబ్రమణి కండక్టర్‌గా ఉన్నారు. రాత్రి 9 గంటలకు మదురై అరపాళయం బస్‌ స్టేషన్‌కి బస్సు వచ్చింది. ఆ తర్వాత 11 గంటలకు అక్కడి నుంచి బయలుదేరి వడ్డిపట్టి సమీపంలోని నాలుగు లైన్ల రోడ్డులో ఉన్న ఆండిపట్టి బంగ్లా అనే ప్రాంతానికి వెళ్తోంది. బస్సులో 44 మంది ప్రయాణికులు ఉన్నారు. అప్పుడు శివకుమార్‌కు ఒక్కసారిగా ఛాతి నొప్పి వచ్చింది. వెంటనే తేరుకుని బస్సును స్లో చేసి రోడ్డుపక్కన బస్సును ఆపాడు. వైద్యుడు బాలసుబ్రమణి శివకుమార్‌ను ప్రభుత్వాస్పత్రికి తరలించారు. ఆసుపత్రిలో శివకుమార్‌ను పరీక్షించిన డాక్టర్‌ ముందుగానే మృతిచెందినట్లు తెలిపారు.

జెడ్‌ఆర్‌యూసీసీ సభ్యుడిగా సురేష్‌బాబు

కొరుక్కుపేట: భారత ప్రభుత్వ సదరన్‌ రైల్వే జెడ్‌ఆర్‌యూసీసీ సభ్యుడిగా సురేష్‌ ఎక్స్‌పోర్ట్‌ సంస్థ మేనేజింగ్‌ డైరెక్టర్‌ కేఎల్‌ సురేష్‌బాబు నియమితులయ్యారు. ఆయన గురువారం ఒక ప్రకటనలో పేర్కొంటూ 2024–26 కాలానికి తనను సభ్యులుగా నియమించడం సంతోషంగా ఉందన్నారు.