మెరుగైన ఫలితాలు రాబట్టాలి

మెరుగైన ఫలితాలు రాబట్టాలి

అనంతగిరి: ఇంటర్‌లో ఉత్తమ ఫలితాలు సాధించాలని ఇంటర్‌ ఎడ్యుకేషన్‌ ఆర్‌జేడీ జయప్రదబాయి అన్నారు. మంగళవారం వికారాబాద్‌ పట్టణంలోని ఇంటర్‌ బోర్డు జిల్లా కార్యాలయంలో ప్రభుత్వ జూనియర్‌ కళాశాలల ప్రిన్సిపాళ్లతో సమావేశం నిర్వహించారు. ఈ సందర్భంగా ఆమె మాట్లాడుతూ.. విద్యార్థుల సర్వతోముఖాభివృద్ధికి కృషి చేయాలని సూచించారు. అంతకుముందు పెద్దేముల్‌ ప్రభుత్వ జూనియర్‌ కళాశాలను ఆకస్మికంగా తనిఖీ చేశారు. తరగతి గదులకు వెళ్లి విద్యార్థులతో మాట్లాడారు. కాస్లుల నిర్వహణ, సిలబస్‌ తదితర విషయాలను అడిగి తెలుసుకున్నారు. అనంతరం అధ్యాపకులతో సమావేశమై విద్యార్థుల ప్రగతిపై ఆరా తీశారు. ఈ సారి మంచి ఫలితాలు రాబట్టాలని సూచించారు. కళాశాల రికార్డులను పరిశీలించి, విద్యార్థుల హాజరు శాతాన్ని నిరంతరం పర్యవేక్షించాలన్నారు. కార్యక్రమంలో ఇంటర్‌ బోర్డు జిల్లా అధికారి శంకర్‌నాయక్‌, ఆయా కళాశాలల ప్రిన్సిపాళ్లు నర్సింహారెడ్డి, కుమారస్వామి, సురేశ్వరస్వామి, రూపాలక్ష్మి, వెంకటేశ్వరరావు, స్వర్ణలత, సీనియర్‌ అసిస్టెంట్‌ వినోద్‌ తదితరులు పాల్గొన్నారు.

ఇంటర్‌ ఎడ్యుకేషన్‌ ఆర్‌జేడీ జయప్రదబాయి

జూనియర్‌ కళాశాలలప్రిన్సిపాళ్లతో సమావేశం