ధర్మయుద్ధ మహాసభను జయప్రదం చేయండి

షాద్‌నగర్‌రూరల్‌: ఎస్సీ వర్గీకరణ చేపట్టే వరకు ఉద్యోగ నియామకాలు చేపట్టొద్దని బుధవారం తుక్కుగూడలో నిర్వహించనున్న మాదిగల ధర్మయుద్ధ మహాసభను విజయవంతం చేయాలని ఎమ్మార్పీఎస్‌ జిల్లా అధ్యక్షుడు పెంటనోళ్ల నర్సింహ మంగళవారం ఒక ప్రకటనలో కోరారు. తుక్కుగూడలోని కళాశ్రీ ఫంక్షన్‌హాలులో ఉదయం 10:30గంటలకు ప్రారంభమయ్యే ఈ మహాసభకు ఎమ్మార్పీఎస్‌ వ్యవస్థాపక అధ్యక్షుడు మందకృష్ణమాదిగ హాజరు కానున్నారని తెలిపారు. ఈ మహాసభకు రానున్న మాదిగలు డ్రెస్‌కోడ్‌ను పాటించాలని కోరారు. ఈ ధర్మయుద్ధ మహాసభకు మదిగలు, మాదిగ ఉపకులాలు, మాదిగ మేధావులు, ఉద్యోగులు, విద్యార్థులు, రాజకీయ, ప్రజా సంఘాల నాయకులు అధిక సంఖ్యలో తరలివచ్చి జయప్రదం చేయాలని కోరారు.

ఎమ్మార్పీఎస్‌ జిల్లా అధ్యక్షుడు నర్సింహ