మట్టి తరలిస్తున్న టిప్పర్ల పట్టివేత

మట్టి తరలిస్తున్న టిప్పర్ల పట్టివేత

నవాబుపేట: మండల పరిధిలోని ఆర్కతల గ్రామంలో అక్రమంగా మట్టి తవ్వకాలు చేస్తున్న వ్యక్తులను మంగళవారం రాత్రి నవాబుపేట పోలీసులు అదుపులోకి తీసుకున్నారు. నాలుగు టిప్పర్లు, ఒక జేసీబీని స్వాధీనం చేసుకున్నారు. అందులో రెండు టిప్పర్లు మట్టితో ఉండగా, మిగతావి ఖాళీగా ఉన్నాయి. ఈ మేరకు వికారాబాద్‌ మైన్స్‌ అధికారులకు అప్పగించి కేసు నమోదు చేసినట్లు ఎస్‌ఐ అరుణ్‌ కుమార్‌ తెలిపారు.

తాండూరు రూరల్‌

సీఐ బదిలీ

తాండూరు: తాండూరు రూరల్‌ సీఐ శ్రీనివాస్‌రెడ్డి విధుల్లో చేరిన నెలరోజులకే బదిలీ అయ్యారు. రూరల్‌ నుంచి పరిగి ఠాణాకు బదిలీ చేస్తూ బుధవారం ఉన్నతాధికారులు ఉత్తర్వులు జారీ చేశారు. గత నెల 3న ఉన్నతాధికారులు తాండూరు సబ్‌ డివిజన్‌ పరిధిలోని రూరల్‌ సీఐ అశోక్‌, పట్టణ సీఐ సంతోష్‌, యాలాల ఎస్సై శంకర్‌, పెద్దేముల్‌ ఎస్సై గిరిలను అటాచ్‌ చేస్తూ ఉత్తర్వులు జారీ చేశారు. అయితే రూరల్‌ సీఐ అశోక్‌ స్థానంలో సీఐగా శ్రీనివాస్‌రెడ్డిని నియమిస్తూ ఉత్తర్వులు జారీ చేయడంతో గత నెల 19న రూరల్‌ సీఐగా బాధ్యతలు చేపట్టారు. నెల రోజుల వ్యవధిలోనే బదిలీ చేయడం స్థానికంగా చర్చనీయాంశమైంది.

గుండెపోటుతో మున్సిపల్‌ మాజీ చైర్మన్‌ మృతి

తాండూరు: తాండూరు మున్సిపల్‌ మాజీ చైర్మన్‌ నాగారం నర్సింహులు బుధవారం గుండెపోటుతో మరణించారు. విషయం తెలుసుకున్న పలు రాజకీయ పార్టీల నాయకులు సంతాపం తెలిపారు. తాండూరు మున్సిపల్‌ కౌన్సిలర్‌ సభ్యుడిగా 1981లో, తర్వాత రెండు దఫాలుగా కౌన్సిలర్‌గా పనిచేశారు. 1995 ఎన్నికల్లో బీజేపీ నుంచి గెలుపొందిన అనంతరం చైర్మన్‌గా బాధ్యతలు నిర్వహించారు.

1/1

మట్టి తరలిస్తున్న టిప్పర్ల పట్టివేత