రాష్ట్రస్థాయి బాక్సింగ్‌ పోటీల విజేత విశాఖ

రాష్ట్రస్థాయి బాక్సింగ్‌ పోటీల విజేత విశాఖ

విశాఖ విద్య: కృష్ణా జిల్లా మచిలీపట్నం కేంద్రంగా జరిగిన స్కూల్‌ గేమ్స్‌ ఫెడరేషన్‌ రాష్ట్ర స్థాయి బాక్సింగ్‌ పోటీల్లో ఉమ్మడి విశాఖ జిల్లా జట్టు విజేతగా నిలిచింది. ఈ నెల 19 నుంచి 21 వరకు జరిగిన రాష్ట్ర స్థాయి పోటీలకు అండర్‌–14, అండర్‌–17 కేటగిరీల్లో జిల్లా నుంచి ప్రాతినిథ్యం వహించిన బాల, బాలికల జట్లు ప్రతిభ చూపాయి. అండర్‌–17 బాలికల పోటీల్లో 13, బాలురు 9 బంగారు పతకాలు, అండర్‌–14లో బాలికలు 10 బంగారు పతకాలు సాధించారు. దీంతో జిల్లా జట్లు ఓవరాల్‌ చాంపియన్‌గా నిలిచాయి. రాష్ట్ర స్థాయి పోటీల్లో ప్రతిభ చాటిన విద్యార్థులను, వారిని ప్రోత్సహించిన ఎస్జీఎఫ్‌ జిల్లా కార్యదర్శి దేముడును డీఈవో ప్రేమ్‌కుమార్‌ అభినందించారు.