10.18

10.18

4
నెలలు

లక్షల

ప్రయాణికులు

సాక్షి, విశాఖపట్నం : శీతాకాలం సీజన్‌లో ప్రయాణికులతో పాటు పర్యాటకుల తాకిడి పెరగడంతో విశాఖ అంతర్జాతీయ విమానాశ్రయం కళకళలాడుతోంది. విశాఖ నుంచి రాకపోకలు సాగించే వారి సంఖ్య ఊపందుకోవడంతో విమాన సర్వీసులు రివ్వురివ్వున సాగిపోతున్నాయి. 2024 జనవరితో పోలిస్తే.. 2025 జనవరి నెలలో దేశ, విదేశీ ప్రయాణికుల రాకపోకలతో పాటు విమాన సర్వీసుల్లోనూ గణనీయంగా వృద్ధి సాధించింది. గత నాలుగు నెలల్లో ఎయిర్‌పోర్టు నుంచి 10.18 లక్షల మంది ప్రయాణికులు రాకపోకలు సాగించడం విశేషం.

జనవరిలో అదరగొట్టింది..

జనవరి నెలలో విశాఖ ఎయిర్‌పోర్టు పనితీరుతో అదరగొట్టింది. ప్రయాణికుల రాకపోకలు, విమాన సర్వీసుల్లో మంచి ఫలితాలు రాబట్టుకుంది. స్వదేశీ ప్రయాణికుల రాకపోకల్లో 2024 జనవరితో పోలిస్తే ఈ సారి 32 శాతం వృద్ధి సాధించింది. అదేవిధంగా.. దేశీయ విమాన సర్వీసుల్లోనూ 32 శాతం వృద్ధి నమోదు చేసింది. అంతర్జాతీయ ప్రయాణికుల రాకపోకల్లో ఏకంగా 99 శాతం వృద్ధి నమోదవ్వగా.. అంతర్జాతీయ విమాన సర్వీసుల్లోనూ 110 శాతం నమోదైంది. అదనంగా సర్వీసులు పెరగడమే ఇందుకు ప్రధాన కారణం. గత నాలుగు నెలల కాలంలో ఎయిర్‌పోర్టు ప్రయాణికుల రాకపోకల వృద్ధి అద్భుతంగా ఉంది. స్వదేశీ ప్రయాణికుల విషయంలో 2023 అక్టోబర్‌తో పోలిస్తే 2024 అక్టోబర్‌లో 9 శాతం వృద్ధి సాధించగా.. నవంబర్‌లో 17 శాతం, డిసెంబర్‌లో 23, ఈ ఏడాది జనవరిలో 32 శాతం నమోదైంది. అదేవిధంగా.. అంతర్జాతీయ ప్రయాణికుల రాకపోకలను పరిశీలిస్తే.. 2023 అక్టోబర్‌తో పోలిస్తే 2024 అక్టోబర్‌లో 85 శాతం, నవంబర్‌లో 83, డిసెంబర్‌లో 115, ఈ ఏడాది జనవరిలో 99 శాతం వృద్ధి నమోదైందని ఎయిర్‌పోర్టు డైరెక్టర్‌ రాజారెడ్డి తెలిపారు. వింటర్‌ షెడ్యూల్‌ ప్రకారం సుమారు 70 విమాన సర్వీసులు విశాఖ ఎయిర్‌పోర్టు నుంచి రాకపోకలు సాగిస్తుండటంతో అన్ని విభాగాల్లో అద్భుత ఫలితాలు నమోదు చేసినట్లు పేర్కొన్నారు. సమ్మర్‌ షెడ్యూల్‌ టైమ్‌కు మరిన్ని సర్వీసులు తీసుకొచ్చేందుకు కృషి చేస్తున్నామన్నారు. ఎయిర్‌పోర్టుకు వచ్చే ప్రయాణికులకు మరిన్ని సౌకర్యాలు కల్పించేందుకు ప్రయత్నిస్తున్నామని వెల్లడించారు.

గత నాలుగు నెలల కాలంలో ప్రయాణికులు,

విమాన సర్వీసుల రాకపోకలు ఇలా...

దేశీయ ప్రయాణికుల రాకపోకలు

2023 అక్టోబర్‌లో– 2,32,004

2024 అక్టోబర్‌లో– 2,52,499 (9 శాతం వృద్ధి)

2023 నవంబర్‌లో– 2,06,213

2024 నవంబర్‌లో– 2,40,494 (17 శాతం వృద్ధి)

2023 డిసెంబర్‌లో – 2,13,711

2024 డిసెంబర్‌లో – 2,63,705 (23 శాతం వృద్ధి)

2024 జనవరిలో– 1,98,353

2025 జనవరిలో– 2,61,636 (32 శాతం)

దేశీయ విమాన సర్వీసుల రాకపోకలు

2023 అక్టోబర్‌లో– 1,732

2024 అక్టోబర్‌లో– 1,855(7 శాతం వృద్ధి)

2023 నవంబర్‌లో– 1,505

2024 నవంబర్‌లో– 1,775(18 శాతం వృద్ధి)

2023 డిసెంబర్‌లో – 1,546

2024 డిసెంబర్‌లో – 1,874(21 శాతం వృద్ధి)

2024 జనవరిలో– 1,462

2025 జనవరిలో– 1,932(32 శాతం)

అంతర్జాతీయ ప్రయాణికుల రాకపోకలు

2023 అక్టోబర్‌లో– 5,175

2024 అక్టోబర్‌లో– 9,576 (85 శాతం వృద్ధి)

2023 నవంబర్‌లో– 5,165

2024 నవంబర్‌లో– 9,475 (83 శాతం వృద్ధి)

2023 డిసెంబర్‌లో – 5,600

2024 డిసెంబర్‌లో – 12,042 (115 శాతం వృద్ధి)

2024 జనవరిలో– 5,583

2025 జనవరిలో– 11,107(99 శాతం)

అంతర్జాతీయ విమాన సర్వీసుల రాకపోకలు

2023 అక్టోబర్‌లో– 35

2024 అక్టోబర్‌లో– 77 (120 శాతం వృద్ధి)

2023 నవంబర్‌లో– 35

2024 నవంబర్‌లో– 77 (120 శాతం వృద్ధి)

2023 డిసెంబర్‌లో – 38

2024 డిసెంబర్‌లో – 82 (116 శాతం వృద్ధి)

2024 జనవరిలో– 41

2025 జనవరిలో– 86 (110 శాతం)

ప్రయాణికుల రాకపోకల్లో

వృద్ధి సాధిస్తున్న విశాఖ ఎయిర్‌పోర్టు

2024 జనవరితో పోలిస్తే 32 శాతం

పెరిగిన స్వదేశీ ప్రయాణికులు

దేశీయ విమాన సర్వీసుల్లోనూ

32 శాతం వృద్ధి

విదేశీ ప్రయాణికులు, సర్వీసుల్లో

ఏకంగా 110 శాతం పెరుగుదల

1/1

10.18