కడప ఏఆర్‌ డీఎస్పీగా కె. శ్రీనివాసరావు

– ఏఆర్‌ డీఎస్పీ మురళీధర్‌ జెన్‌కోకు బదిలీ

కడప అర్బన్‌ : రాష్ట్ర వ్యాప్తంగా ఏఆర్‌ విభాగంలో వివిధ కేటగిరిలలో పనిచేస్తున్న 29 మంది ఏఆర్‌ డీఎస్పీలను బదిలీ చేస్తూ రాష్ట్ర డీజీపీ ద్వారకాతిరుమల రావు ఉత్తర్వులను జారీ చేశారు. ఈక్రమంలో కడప ఏఆర్‌ డీఎస్పీగా పనిచేస్తున్న బి. మురళీధర్‌ను జెన్‌కోకు బదిలీ చేశారు. జెన్‌కోలో పనిచేస్తున్న కొల్లూరు శ్రీనివాసరావును కడప ఏఆర్‌ డీఎస్పీగా నియమితులయ్యారు.

32 ఎర్రచందనం దుంగలు స్వాధీనం

ముద్దనూరు : స్థానిక జగనన్న కాలనీలో నిర్మాణంలో ఉన్న ఓ ఇంట్లో దాచివుంచిన 32 ఎర్రచందనం దుంగలను టాస్క్‌ఫోర్స్‌ అధికారులు శుక్రవారం తెల్లవారుజామున స్వాధీనం చేసుకున్నారు. ఫారెస్టు రేంజి అధికారి అశోక్‌కుమార్‌ యాదవ్‌ సమాచారం మేరకు.. తిరుపతి అటవీశాఖ టాస్క్‌ఫోర్స్‌ అధికారులు జమ్మలమడుగు రహదారిలో కొండదిగువన ఉన్న జగనన్న కాలనీలో ముందస్తు సమాచారం మేరకు తనిఖీ చేశారు. తనిఖీలో ఓ ఇంట్లో 32 దుంగలను స్వాధీనం చేసుకున్నారు. దుంగలు లభించిన ఇంటి వివరాలు సేకరిస్తున్నారు. వీటి విలువ సుమారు రూ.4లక్షల వరకు ఉంటుందని అంచనా. తిరుపతిలో పట్టుబడిన దుంగల దొంగలను విచారిస్తుండగా ముద్దనూరులో దాచిన దుంగల విషయం బయటపడినట్లు సమాచారం.