టాలీవుడ్ హీరో రానా నాయుడు యూఎస్‌లో సందడి చేశారు. ఇటీవల డబ్ల్యూడబ్ల్యూఈ రేజ్లింగ్‌ మేనియాలోనూ కనిపించారు. ప్రస్తుతం అమెరికాలో ఉన్న రానా మియామి గ్రాండ్ ప్రిక్స్ వీకెండ్‌ ఈవెంట్‌కు హాజరయ్యారు. అక్కడే హాలీవుడ్‌లో ప్రముఖ సంగీత దిగ్గజాలైన 50 సెంట్‌, ఆ‍స్కార్ విజేత అయిన గూడింగ్ జూనియర్‌తో ముచ్చటించారు. దీనికి సంబంధించిన ఫోటోలు సోషల్ మీడియాలో వైరల్‌గా మారాయి.ఇండియాకు చెందిన లోకా లోకా పార్టీ సంస్థ ఏర్పాటు చేసిన ఈవెంట్‌కు రానా హాజరయ్యారు. ఈ నేపథ్యంలోనే లోకా లోకా సంస్థకు సహా వ్యవస్థాపకుల్లో ఒకరైన రానా దగ్గుబాటి ఈవెంట్‌లో సందడి చేశారు. ఈ కంపెనీకి హర్ష వడ్లమూడి, సంగీత దర్శకుడు అనిరుధ్ రవిచందర్‌ కలిసి ముగ్గురు ఈ సంస్థకు కో ఓనర్స్‌గా ఉన్నారు. అమెరికా మార్కెట్లో తమ సంస్థ విస్తరణ కోసమే రానా అక్కడికి వెళ్లినట్లు తెలుస్తోంది. రానా చొరవతో అంతర్జాతీయ స్థాయిలో ప్రముఖ లైఫ్‌ స్టైల్‌ బ్రాండ్‌గా లోకా లోకా సంస్థ మరింత బలోపేతం కానుంది. ఈ సందర్భంగా వ్యాపారం, వినోదం, క్రీడల ప్రపంచానికి నిలయమైన మియామిలో రానా దగ్గుబాటి స్పెషల్‌ అట్రాక్షన్‌గా నిలిచారు.

వాషింగ్టన్‌: ఫెడరల్‌ వ్యవస్థ తగ్గింపుతో పొదుపు చేసిన డబ్బు ఖర్చుపై డిపార్ట్‌మెంట్‌ ఆఫ్‌ గవర్నమెంట్‌ ఎఫీషియెన్సీ (డోజ్‌) ప్రతిపాదనను అమెరికా అధ్యక్షుడు డోనాల్డ్‌ ట్రంప్‌ సమర్థించారు. వ్యయ తగ్గింపుతో మిగిల్చిన మొత్తంలోని కొంత డబ్బును అమెరికా పౌరులకు డివిడెండ్‌ రూపంలో తిరిగి ఇచ్చే ఆలోచన తనకు నచ్చిందన్నారు. మయామీలో జరిగిన ఇన్వెస్టర్స్‌ మీట్‌లో ఆయన మాట్లాడారు. అనంతరం విలేకరులు అడిగిన ప్రశ్నకు ఆయన సమాధానమిస్తూ.. మస్క్‌ ప్రతిపాదనకు మద్దతిచ్చారు. వ్యయ తగ్గింపులతో మిగిలే మొత్తంలో 20 శాతాన్ని అమెరికా పౌరులకు డివిడెండ్‌గా ఇవ్వాలని, మరో 20 శాతాన్ని జాతీయ రుణాలను చెల్లించడానికి ఉపయోగించాలని డోజ్‌ ప్రతిపాదించింది. ఈ సొమ్ము ప్రజల ఖాతాల్లోకి వెళ్లడం ద్వారా.. వృధాను అరికట్టేందుకు వారే ముందుకొస్తారన్నారు.

సాఫీగా వెళుతున్న విమానం ఒక్కసారిగా కుదుపులకు లోనవడంతో ప్రయాణికులు సీట్లలో నుంచి ఎగిరిపడ్డారు. స్వీడన్ నుంచి అమెరికాలోని మియామి వెళుతున్న విమానంలో ఈ ఘటన జరిగింది. దీంతో విమానాన్ని యూటర్న్‌ చేసుకొని తిరిగి యూరప్‌లో ల్యాండ్‌ చేశారు. విమానం కుదుపులకు లోనైన వీడియో ప్రస్తుతం సోషల్ మీడియాలో వైరల్‌గా మారింది.స్కాండినేవియన్ ఎయిర్ లైనస్‌కు చెందిన విమానం 254 మంది ప్రయాణికులు, సిబ్బందితో కలిసి గురువారం మధ్యాహ్నం స్వీడన్ లోని స్టాక్ హోం నుంచి మధ్యాహ్నం 12:55 గంటలకు ఫ్లోరిడాలోని మయామీకి బయలుదేరింది. షెడ్యూల్ ప్రకారం సాయంత్రం 5:45 గంటలకు ఈ విమానం మయామీలో దిగాల్సి ఉంది. ఇంతలో మార్గమధ్యంలో ఎయిర్ టర్బులెన్స్ కారణంగా భారీ కుదుపులకు లోనైంది. దీంతో ‍ప్రయాణికులు తీవ్ర భయాందోళనకు గురయ్యారు. గట్టిగా కేకలు వేశారు. సీట్లలో నుంచి కొందరు ఎగిరిపడగా.. మరికొందరైతే ఏకంగా ఫ్లైట్‌ పైకప్పుకు గుద్దుకున్నారు.చేతుల్లో ఉన్న వస్తువులు, పైన పెట్టిన బ్యాగులు, ఎయిర్ హోస్టెస్‌లు తీసుకొస్తున్న ఆహార పదార్థాలన్నీ చెల్లాచెదురుగా పడ్డాయి. ఉన్నట్టుండి విమానం కుదుపులకు లోనవడంతో ఏదో ప్రమాదం జరుగుతోందని భావించి, తాము చనిపోబోతున్నామని ప్రయాణికులు ఆందోళన చెందారు. గమనించిన పైలట్ అప్రమత్తమయ్యాడు. వెంటనే విమానాన్ని వెనక్కి తిప్పి తిరిగి స్టాక్ హోమ్‌లో ల్యాండ్‌​ చేశాడు. అయితే అదృష్టవశాత్తు ప్రయాణికులు, సిబ్బందిలో ఎవరికి ఎలాంటి తీవ్రమైన గాయాలు కాలేదని సంబంధిత స్కాండినేవియన్‌ ఎయిర్‌లైన్స్‌ ప్రతినిధి తెలిపారు. కాగా ప్రయాణీకులకు రాత్రిపూట హోటల్‌లో వసతి కల్పించామని, శుక్రవారం ఉదయం ఇతర విమానాలలో వియామికి వెళ్లేందుకు షెడ్యూల్‌ చేసినట్లు పేర్కొ​న్నారు.🚨 #BreakingNow A video from #SK957 cabin as extreme turbulence hit a SAS A330 over Greenland,throwing unbuckled passengers into the ceiling.This incident highlights how turbulence can occur without warning,making seatbelts essential for passenger safety. https://t.co/iYVA4IIUER pic.twitter.com/S4kCaKwnn0— Antony Ochieng,KE✈️ (@Turbinetraveler) November 15, 2024

డ్వేన్‌ డగ్లస్‌ జాన్సన్‌ అంటే గుర్తుపట్టకపోవచ్చేమో గానీ.. ‘ది రాక్‌’ అనగానే చాలా మందికి అతడి రూపం కళ్ల ముందు కదలాడుతుంది. ప్రొఫెషనల్‌ రెజ్లర్‌గా.. హాలీవుడ్‌ స్టార్‌గా అతడు సాధించిన.. సాధిస్తున్న విజయాలు స్ఫురణకు వస్తాయి. ఏకంగా ఎనిమిదిసార్లు వరల్డ్‌ రెజ్లింగ్‌ ఎంటర్‌టైన్మెంట్‌ చాంపియన్‌గా నిలిచిన ఘనత డ్వేన్‌ జాన్సన్‌ సొంతం. హాలీవుడ్‌లోనూ తన నటనతో స్టార్‌గా తనకంటూ అభిమానులను సంపాదించుకున్నాడతడు! కఠిన సవాళ్లను దాటుకుని కాలిఫోర్నియాలోని శాన్‌ ఫ్రాన్సిస్‌కోలో మే 2, 1972లో జన్మించాడు డ్వేన్‌ జాన్సన్‌. అతడి తల్లిండ్రులు అటా జాన్సన్‌, రాకీ జాన్సన్‌. రాకీ ప్రొఫెషన్‌ రెజ్లర్‌. తండ్రిని చూసి చిన్ననాటి నుంచే రెజ్లింగ్‌పై ఇష్టం పెంచుకున్నాడు డ్వేన్‌. డబ్ల్యుడబ్ల్యుఈ హాల్‌ ఆఫ్‌ ఫేమ్‌లో చోటు సంపాదించిన తండ్రి, తాత వారసత్వాన్ని పుణికిపుచ్చుకుని తానూ రెజ్లర్‌గా మారాలని నిర్ణయించుకున్నాడు. అయితే, తండ్రి సంపాదనలో నిలకడ లేకపోవడంతో చిన్నతనం నుంచే ఆర్థికంగా కష్టాలు చవిచూశాడు. అద్దె కట్టలేని కారణంగా ఎన్నోసార్లు ఇళ్లు మారాల్సి వచ్చేది. This man @TheAnswerMMA is a very special human being. Themba is committed to three things: His family, his village and people in Africa, and becoming world champion in the @ufc. What an inspiration he is. Rooting for him all the way. ❤️ https://t.co/ZOOfOZLka4 — Dwayne Johnson (@TheRock) February 28, 2024 ఫలితంగా అప్పటికి రెజ్లర్‌గా మారాలన్న కలకు విరామం ఇచ్చాడు. స్కూళ్లో చదువుతున్న సమయంలో ఫుట్‌బాల్‌ కోచ్‌ డ్వేన్‌లో దాగిన ప్రతిభను గుర్తించి అవకాశమిచ్చాడు. క్రమక్రమంగా స్టార్‌ ఫుట్‌బాలర్‌గా పేరొంది పెద్ద క్లబ్బులకు ఆడే అవకాశాలు వచ్చినా గాయాల కారణంగా చేజారిపోయేవి. దీంతో మళ్లీ కథ మొదటికే వచ్చేది. అలాంటి సమయంలో అనూహ్యంగా ప్రొఫెషనల్‌ రెజ్లింగ్‌లో అడుగుపెట్టాడు డ్వేన్‌ జాన్సన్‌. ఆరంభంలో తండ్రి, తాత పేరు కలిసి వచ్చేలా రాకీ మైవియా పేరుతో బరిలోకి దిగాడు. ఈ క్రమంలో కఠిన సవాళ్లు ఎదుర్కొని తనకంటూ ఫ్యాన్‌ బేస్‌ సొంతం చేసుకుని ‘ది రాక్‌’గా ఎదిగాడు. డబ్ల్యుడబ్ల్యుఈ సూపర్‌స్టార్‌గా క్రేజ్‌ సంపాదించాడు. అంతటితో సంతృప్తి చెందక హాలీవుడ్‌లో నటుడిగా అదృష్టం పరీక్షించుకుని అక్కడా విజయవంతమయ్యాడు డ్వేన్‌ జాన్సన్‌.  రెజ్లింగ్‌లోనే కాదు.. దయచూపడంలోనూ రాజే! ఇతరులకు సాయం చేయడంలోనూ తాను ముందే ఉంటానని నిరూపించాడు డ్వేన్‌ జాన్సెన్‌. అమెరికన్‌ మిక్స్‌డ్‌ మార్షల్‌ ఆర్ట్స్‌ను ప్రోత్సహించే అల్టిమేట్‌ ఫైటింగ్‌ చాంపియన్‌షిప్‌లో రాణించాలనుకుంటున్న ఆఫ్రికన్‌ వ్యక్తికి అందమైన ఇంటిని బహుమతిగా ఇచ్చాడు. తన అకౌంట్లో కేవలం ఏడు డాలర్లే ఉన్నాయంటూ ఆవేదన వ్యక్తం చేసిన అతడిని సర్‌ప్రైజ్‌ చేశాడు. ‘‘ఇతడు ఎంతో ప్రత్యేకమైన మనిషి. తెంబా జీవితంలో మూడు అత్యంత ముఖ్యమైనవి.  తన కుటుంబం, సౌతాఫ్రికాలోని తన గ్రామం, అక్కడి ప్రజలు.. ఇంకా యూఎఫ్‌సీలో వరల్డ్‌ చాంపియన్‌ కావడం. ఎంతో మందికి తను స్ఫూర్తి’’ అంటూ సదరు వ్యక్తిని ప్రశంసించిన డ్వేన్‌ జాన్సెన్‌.. అతడికి ఇంటి తాళాలు అందించిన వీడియోను పంచుకున్నాడు. ఈ వీడియో తాజాగా నెట్టింట వైరల్‌ అవుతోంది. తెంబా అంకితభావానికి ఫిదా అయి మియామిలో ఫుల్‌ ఫర్నిష్డ్‌ ఇంటిని కానుకగా అందించాడు. ఈ నేపథ్యంలో డ్వేన్‌ జాన్సన్‌ పెద్ద మనసు పట్ల ప్రశంసలు కురుస్తున్నాయి. The Rock gifted a UFC fighter a house after he tweeted he had $7 in his bank account pic.twitter.com/osT5Ve0GXC — Historic Vids (@historyinmemes) February 27, 2024

అట్లాస్‌ ఎయిర్‌ బోయింగ్‌ కార్గో విమానం ఆకాశంలో ఉండగానే మంటలు చెలరేగాయి. దీంతో అమెరికాకు చెందిన ఆ విమానాన్ని అత్యవసరంగా ల్యాండింగ్‌ చేశారు. అట్లాస్‌ ఎయిర్‌ బోయింగ్‌ 747-8 కార్గో విమానం టేకాఫ్‌ అయి ఫ్యూక్టోరికాకు బయలుదేరింది. అయితే కొద్దిసేపటికే ఆకాశంలో ఉండగా ఇంజన్‌లో లోపం కారణంగా మంటలు చెలరేగాయి. దీంతో విమానాన్ని తిరిగి మియామి అంతర్జాతీయ  విమానాశ్రయంలో అత్యవసరంగా ల్యాండింగ్‌ చేశారు. 💥#BREAKING: Atlas Air Boeing 747-8 catches fire with sparks shooting out during mid flight.#Miami | #Florida #boeing7478 #atlasair pic.twitter.com/3IO5xFvMr6 — Noorie (@Im_Noorie) January 19, 2024 విమానంలో మంటలో చెలరేగటంతో ఆ విమానాన్ని వెంటనే  సురక్షింగా మియామి ఎయిర్ట్‌లోనే ల్యాడింగ్‌ చేయించామని అట్లాస్‌ ఎయిర్‌లైన్స్‌ పేర్కొంది. గురువారం జరిగిన ఈ ఘటనకు సంబంధించిన కారణంపై దర్యాప్తు చేస్తున్నామని తెలిపారు. అయితే ఈ ఘటనలో సిబ్బందికి ఎటువంటి ప్రమాదం జరగలేదని మియామి ఎయిర్‌ పోర్టు ఫైర్‌ సిబ్బంది వెల్లడించింది. ఆకాశంలో ఉ‍న్న విమానం మంటల్లో చిక్కుకున్నట్లు తెలిపే వీడియో ఒకటి నెట్టింట వైరల్‌గా మారింది. చదవండి: Israel Hamas War: గాజాలో పేలిన యూనివర్సిటీ భవనం

ఎయిర్‌పోర్టులో అంతర్జాతీయ ప్రయాణికులు అక్రమంగా బంగారం, డ్రగ్స్‌ తరలిస్తూ పట్టుబడ్డ ఘటనలు తరుచూ రావడం చూస్తూనే ఉన్నాం. అయితే తాజాగా ఎయిర్‌పోర్టు సిబ్బంది చేతివాటం చూపించారు. అది కూడా ప్రయాణికుడికి సంబంధించిన బ్యాగ్‌ నుంచి డబ్బులు, వస్తువులు కొట్టేశారు. ఈ షాకింగ్‌ ఘటన అమెరికాలోని మియామి ఇంటర్నేషనల్‌ ఎయిర్‌పోర్టులో జరిగింది. అయితే జూన్‌ 29న జరిగిన ఈ దొంగతనానికి సంబంధించిన దృశ్యాలు సోషల్‌ మీడియాలో వైరల్‌గా మారడంతో ఆలస్యంగా వెలుగులోకి చ్చింది. అసలేం జరిగిందంటే.. మియామి ఎయిర్‌పోర్టులోని చెక్‌ పాయింట్‌ వద్ద ట్రాన్స్‌పోర్టేషన్ సెక్యూరిటీ అడ్మినిస్ట్రేషన్ సిబ్బంది ప్రయాణికుల సామాన్లను భద్రపరుస్తున్నారు. ఈ క్రమంలో సెక్యూరిటీ స్కానర్‌ మెషిన్‌పై ఉంచిన బ్యాగ్‌లో నుంచి  600 డాలర్లను కాజేశారు. ప్రయాణికుల లగేజీని తనిఖీ చేస్తున్నట్లు నటిస్తూ.. ఎవరికి కనపడకుండా మెల్లగా ఆ డబ్బులను బ్యాగ్‌ నుంచి కాజేసి తన జేబులో వేసుకున్నారు. డబ్బులతోపాటు ఇతర వస్తులను సైతం దొంగిలించాడు. TSA Agents caught on surveillance video stealing hundreds of dollars in cash from passengers’ bags at Miami airport. pic.twitter.com/LhFW9yNRNV — Mike Sington (@MikeSington) September 13, 2023 ఈ దృశ్యాలన్నీ ఎయిర్‌పోర్టులోని సీసీటీవీ ఫుటేజీలో రికార్డయ్యాయి. ప్రయాణికుల వస్తువులు కనిపించకపోవడంతో.. అక్కడున్న సెక్యురిటీ కెమెరాలు పరిశీలించగా  దొంగతనం విషయం బయటకు వచ్చింది.  ప్రస్తుతం ఈ వీడియో నెట్టింట వైరల్‌గా మారింది. నిందితులను టీఎస్‌ఏ సిబ్బంది 20 ఏళ్ల జోస్యు గొంజాలెజ్, 33 ఏళ్ల లాబారియస్ విలియమ్స్‌గా గుర్తించారు. వారిని ఎన్‌ఫోర్స్‌మెంట్‌ అధికారులు  అదుపులోకి తీసుకొని దర్యాప్తు ప్రారంభించారు. ఇద్దరు నిందితులు కలిసి అనేక దొంగతనాలకు పాల్పడినట్లు పోలీసుల విచారణలో తేలింది. ఇప్పటి వరకు రోజు దాదాపు వెయ్యి డాలర్లు దొంగిలించినట్లు అంగీకరించారు. అలాగే విచారణ పూర్తయ్యే వరకు ముగ్గురిని స్క్రీనింగ్‌ విధుల నుంచి తొలగిస్తున్నట్లు ఎయిర్‌పోర్టు అధికారులు తెలిపారు. కాగా ఇలాంటి చర్యలను తాము ఉపేక్షించమని, చోరీకి పాల్పడిన వారిని ఆధారాలతో సహా పోలీసులకు అప్పగించామని టీఎస్‌ఏ ఓ ప్రకటనలో తెలిపింది.

పీఎస్‌జీని వీడి డేవిడ్‌ బెక్‌హమ్‌ ఇంటర్‌ మయామీ క్లబ్‌లో చేరిన ఫుట్‌బాల్‌ దిగ్గజం​ లియోనల్‌ మెస్సీ.. ఈ అమెరికన్‌ క్లబ్‌ తరఫున తన గోల్స్‌ పరంపరను కొనసాగిస్తున్నాడు. లీగ్స్‌ కప్‌లో భాగంగా ఫిలడెల్ఫియా యూనియన్‌తో జరిగిన మ్యాచ్‌లో మెస్సీ ఓ కళ్లు చెదిరే గోల్‌తో మెరిశాడు.  What can't he do?! 🐐 Make it NINE goals in six games for Leo Messi. pic.twitter.com/HLf3zBFTmV — Major League Soccer (@MLS) August 15, 2023 మ్యాచ్‌ 20వ నిమిషంలో పెనాల్టీ ఏరియా బయట 36 గజాల దూరం నుంచి మెస్సీ చేసిన గోల్ అందరినీ ఆశ్చర్యానికి గురి చేసింది. ఈ మ్యాచ్‌లో మయామీ ఆటగాళ్లు మార్టినెజ్‌, జోర్డీ అల్బా, డేవిడ్‌ రూయిజ్‌ కూడా గోల్స్‌ చేసినప్పటికీ.. మెస్సీ చేసిన గోలే మ్యాచ్‌ మొత్తానికి హైలైట్‌గా నిలిచింది. మెస్సీ కెరీర్‌లో ఇది సెకండ్ లాంగెస్ట్ గోల్ కావడం విశేషం. ఈ గోల్‌తో మెస్సీ ఇంటర్ మియామీ తరఫున తన గోల్స్‌ సంఖ్యను 9కి పెంచుకున్నాడు. ఈ వీడియో ప్రస్తుతం నెట్టింట వైరలవుతుంది. మెస్సీ, మార్టినెజ్‌, జోర్డీ, రూయిజ్‌ గోల్స్‌ చేయడంతో మయామీ.. ఫిలడెల్ఫియాపై 4-1 గోల్స్‌ తేడాతో గెలుపొంది, లీగ్స్‌ కప్‌ ఫైనల్స్‌కు చేరింది. ఫిలడెల్ఫియా తరఫున అలెజాండ్రో బెడోయా ఏకైక గోల్‌ చేశాడు. కాగా, మెస్సీ ఇంటర్‌ మయామీ తరఫున బరిలోకి దిగిన ప్రతి మ్యాచ్‌లోనూ గోల్‌ చేశాడు. మాయమీ తరఫున ఇప్పటివరకు 6 మ్యాచ్‌లు ఆడిన మెస్సీ మొత్తం 9 గోల్స్‌ చేశాడు. తద్వారా మయామీ తరఫున ఆరు మ్యాచ్‌ల తర్వాత అత్యధిక గోల్స్‌ చేసిన ఆటగాళ్ల జాబితాలో మూడో స్థానానికి ఎగబాకాడు. మెస్సీకి ముందు గొంజాలో హిగ్వేన్ (29), లియోనార్డో కంపానా (16) ఉన్నారు. 

విమానం గాల్లో ఉండగా బాత్రూమ్‌లో పైలట్‌ కుప్పకూలిపోయాడు. దీంతో అప్రమత్తమైన కో పైలట్‌  విమానాన్ని అత్యవసరంగా ల్యాండ్ చేశారు. అయితే అప్పటికే పైలట్ మృతి చెందినట్లు డాక్టర్లు తేల్చారు. ఫ్లోరిడాలోని మియామీ నుంచి చిలీకి వెళుతున్న లాటామ్ ఎయిర్‌లైన్స్ వాణిజ్య విమానంలో ఆదివారం రాత్రి జరిగిన ఈ విషాద ఘటన ఆలస్యంగా వెలుగులోకి వచ్చింది.  వివరాలు.. ఆదివారం రాత్రి మియామీ ఎయిర్‌పోర్టు నుంచి చిలీ రాజధాని శాంటియాగోకు బయల్దేరింది. విమానంలో 271 మంది ప్రయాణికులు ఉన్నారు. విమానం టేకాఫ్‌ అయిన మూడు గంటల తర్వాత 56 ఏళ్ల కెప్టెన్‌ ఇవాన్‌ అందౌర్‌ అస్వస్థతకు గురయ్యారు. బాత్రూమ్‌కు వెళ్లి అక్కడే కుప్పకూలిపోయారు. ఆయన ఎంతకూ తిరిగి రాకపోడంతో సిబ్బంది వెళ్లి చూడగా కిందపడిపోయి ఉన్నారు. సిబ్బంది వెంటనే అత్యవసర చికిత్స అందించినా ఫలితం లేకపోయింది. ఆయన ఆరోగ్య పరిస్థితి మరింత క్షీణించింది. వెంటనే కో పైలట్‌ విమానాన్ని పనామా సిటీలోని టోకుమెన్‌ ఇంటర్నేషనల్‌ ఎయిర్‌పోర్టులో అత్యవసర ల్యాండింగ్‌ చేశారు. ఎమర్జెన్సీ మెడికల్‌ సర్వీసెస్‌ డాక్టర్ల బృందం ఇవాన్‌ను పరిశీలించగా.. అప్పటికీ పైలట్‌ చనిపోయినట్లు ప్రకటించారు. మంగళవారం విమాన కార్యకలాపాలను తిరిగి ప్రారంభించారు. అప్పటి వరకు ప్రయాణికులకు పనామాలోని హోటల్‌లో వసతి కల్పించారు.  ఈదురదృష్టకర సంఘటనపై ఎయిర్‌లైన్స్‌ తీవ్ర విచారం వ్యక్తం చేసింది. కెప్టెన్ ఇవాన్ అందూర్‌ తమ ఎయిర్‌లైన్స్‌లో వెటరన్ పైలట్ అని.. అతడికి 25 ఏళ్ల అనుభవం ఉందని పేర్కొంది. అలాంటి గొప్ప వ్యక్తిని కోల్పోవడం బాధగా ఉందని తెలిపింది. కెప్టెన్ కుటుంబ సభ్యులకు ప్రగాఢ సానుభూతిని వ్యక్తం చేసింది. ఈ 25 ఏళ్ల కెరీర్‌లో తమ ఎయిర్‌లైన్స్‌కు ఎంతో సేవలు అందించారని పేర్కొంది. తాము ఎంత ప్రయత్నించినప్పటికీ ఇవాన్ అందూర్‌ను కాపాడుకోలేకపోయామని వెల్లడించింది.  చదవండి: వర్షం ఇంక లేదు.. వరదైంది..!

ఏడుసార్లు బాలన్ డి'ఓర్ విజేత, అర్జెంటీనా స్టార్‌ ఫుట్‌బాలర్‌ లియోనెల్ మెస్సీ ఇంటర్ మియామీ కొత్త కెప్టెన్‌గా ఎంపికయ్యాడు. ఈ నెల ప్రారంభంలో పీఎస్‌జీ నుంచి ఇంటర్‌ మియామికి మారిన మెస్సీ, మెక్సికన్ క్లబ్ క్రూజ్ అజుల్‌తో జరిగిన మ్యాచ్‌తో మియామి తరఫున అరంగేట్రం చేశాడు. కేవలం ఒక్క మ్యాచ్‌ ఆడగానే మెస్సీని కెప్టెన్‌ను చేసేశారు మియామి క్లబ్‌ నిర్వహకులు. ఈ విషయాన్ని మియామి క్లబ్‌ మేనేజర్‌ టాటా మార్టినో సోమవారం ప్రకటించారు. మెస్సీ మియామికి ఆడిన తొలి మ్యాచ్‌లోనే గోల్‌ కొట్టాడు. క్రూజ్ అజుల్‌తో జరిగిన మ్యాచ్‌లో మెస్సీ 25 గజాల దూరం నుండి ఫ్రీకిక్‌ గోల్‌ కొట్టి, తన జట్టును 2-1తో గెలిపించాడు. 54వ నిమిషంలో సబ్‌స్టిట్యూట్‌గా బరిలోకి దిగిన మెస్సీ ఈ గోల్‌ కొట్టాడు. కాగా, మెస్సీ.. అమెరికన్‌ ప్రొఫెషనల్‌ సాకర్‌ క్లబ్‌ అయిన ఇంటర్‌ మయామి క్లబ్‌తో 2025 సీజన్‌ పూర్తయ్యే వరకు ఆడేందుకు ఇటీవలే ఒప్పందం కుదుర్చుకున్నాడు. ఈ ఒప్పందం విలువ సీజన్‌కు రూ. 492 కోట్లు (60 మిలియన్‌ డాలర్లు) అని క్లబ్‌ వర్గాలు వెల్లడించాయి. మియామి ఆఫర్‌కు ముందు మెస్సీకి సౌదీ క్లబ్‌ అల్‌ హిలాల్‌, బార్సిలోనా క్లబ్‌ల నుంచి భారీ మొత్తంలో ఆఫర్లు వచ్చినా వాటిని తిరస్కరించాడు. మెస్సీకి మియామి క్లబ్‌పై ఉన్న ఆసక్తిని చూసి యాజమాన్యం కేవలం ఒక్క మ్యాచ్‌ ఆడగానే కెప్టెన్సీ కట్టబెట్టింది. బుధవారం (జులై 26) నుంచి ప్రారంభంకాబోయే లీగ్స్‌ కప్‌లో మెస్సీ మియామి నూతన సారధిగా బాధ్యతలు చేపడతాడు. ఈ లీగ్‌లో మియామి తమ తొలి మ్యాచ్‌లో ఆట్లాంటా యునైటెడ్‌తో తలపడుతుంది.

అర్జెంటీనా ఫుట్‌బాల్‌ స్టార్‌ లియోనల్‌ మెస్సీ ఏ క్లబ్‌కు ఆడినా తన జోరును చూపిస్తూనే ఉన్నాడు. అంతర్జాతీయ మ్యాచ్‌ నుంచి క్లబ్‌ మ్యాచ్‌ దాకా గోల్స్‌ కొడుతూనే ఉన్నాడు. ఇటీవలే పీఎస్‌జీ నుంచి ఇంటర్‌ మియామి(Inter Miami FC)కి రికార్డు ధరకు వెళ్లిన మెస్సీ క్లబ్‌ తరపున ఆడిన తొలి మ్యాచ్‌లోనే అదరగొట్టాడు. లీగ్స్‌ కప్‌ ప్లేలో భాగంగా డీఆర్వీ పీఎన్‌కే స్టేడియం వేదికగా శనివారం తెల్లవారుజామున(భారత కాలామాన ప్రకారం) ఇంటర్‌ మియామి, క్రజ్‌ అజుల్‌ మధ్య జరిగిన మ్యాచ్‌లో మెస్సీ గోల్‌తో మెరిశాడు. మ్యాచ్‌ అదనపు సమయం(ఆట 94వ నిమిషం)లో లభించిన ఫ్రీకిక్‌ను సద్వినియోగం చేసుకున్న మెస్సీ బంతిని నేరుగా గోల్‌పోస్ట్‌లోకి పంపించాడు. దీంతో ఇంటర్‌ మియామి జట్టు క్రజ్‌ అజుల్‌పై 2-1 తేడాతో విజయం సాధించింది. కాగా మ్యాచ్‌కు 22వేల మంది ప్రేక్షకులు హాజరయ్యారు. మెస్సీని చూడడానికే వచ్చిన అభిమానులకు ఆట ముగిసే సమయానికి నిరాశే మిగిలింది. మెస్సీ గోల్‌ చూడకుండానే వెళ్లిపోతామేమోనని ఫీలయ్యారు. కానీ 94వ నిమిషంలో లభించిన ఫ్రీకిక్‌ను మెస్సీ గోల్‌గా మలచడంతో స్టేడియం మొత్తం మెస్సీ నామస్మరణతో మార్మోగిపోయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక ఒక క్లబ్‌ తరపున అరేంగేట్రం​ మ్యాచ్‌లో ఫ్రీకిక్‌ను గోల్‌గా మలిచిన తొలి ఆటగాడిగా మెస్సీ రికార్డులకెక్కాడు. అమెరికన్‌ ప్రొఫెషనల్‌ సాకర్‌ క్లబ్‌ అయిన ఇంటర్‌ మయామి క్లబ్‌తో 2025 సీజన్‌ పూర్తయ్యే వరకు ఆడేందుకు మెస్సీ ఇటీవలే ఒప్పందం కుదుర్చుకున్నాడు. ఈ ఒప్పందం విలువ సీజన్‌కు రూ. 492 కోట్లు (60 మిలియన్‌ డాలర్లు) అని క్లబ్‌ వర్గాలు వెల్లడించాయి.  LIONEL ANDRÉS MESSI IS NOT HUMAN. pic.twitter.com/2mBDI41mLy — Major League Soccer (@MLS) July 22, 2023 చదవండి: దురదృష్టవంతుల లిస్ట్‌లో బెయిర్‌ స్టో.. ఏడో క్రికెటర్‌గా #Jadeja: ఔటయ్యింది ఒక బంతికి.. చూపించింది వేరే బంతిని

ఫోర్ట్‌ లాడెర్‌డేల్‌ (ఫ్లోరిడా): అర్జెంటీనా ఫుట్‌బాల్‌ సూపర్‌స్టార్‌ లయోనల్‌ మెస్సీ కొత్త గూటికి చేరాడు. అమెరికన్‌ ప్రొఫెషనల్‌ సాకర్‌ క్లబ్‌ అయిన ‘ఇంటర్‌ మయామి’ జట్టుతో ఆడేందుకు సోమవారం ఇక్కడికి వచ్చాడు. ఈ క్లబ్‌కు చెందిన స్టేడియంలో అతను ‘10 నంబర్‌ జెర్సీ’తో ప్రవేశించగానే క్లబ్‌ సహ యజమాని, ఇంగ్లండ్‌ సాకర్‌ స్టార్, మాజీ కెప్టెన్‌  బెక్‌హామ్‌ ఆలింగనం చేసుకొని అభిమానుల హర్షధ్వానాల మధ్య స్వాగతం పలికాడు. 2025 సీజన్‌ పూర్తయ్యే వరకు ఇంటర్‌ మయామితో ఆడేందుకు మెస్సీ ఒప్పందం కుదుర్చుకున్నాడు. ఈ ఒప్పందం విలువ సీజన్‌కు రూ. 492 కోట్లు (60 మిలియన్‌ డాలర్లు) అని క్లబ్‌ వర్గాలు వెల్లడించాయి.  View this post on Instagram A post shared by ESPN FC (@espnfc) చదవండి: Asian Games 2023: ఆసియా క్రీడల్లో ఆడనివ్వండి

మయామి (అమెరికా): ఈ ఏడాది ఫార్ములావన్‌ సీజన్‌లో ప్రపంచ చాంపియన్‌ మాక్స్‌ వెర్‌స్టాపెన్‌ మూడో విజయం సాధించాడు. అమెరికాలో జరిగిన మయామి గ్రాండ్‌ప్రి ప్రధాన రేసులో వెర్‌స్టాపెన్‌ (రెడ్‌బుల్‌) విజేతగా నిలిచాడు. నిర్ణీత 57 ల్యాప్‌ల రేసును వెర్‌స్టాపెన్‌ అందరికంటే వేగంగా గంటా 34 నిమిషాల 24.258 సెకన్లలో ముగించి అగ్రస్థానాన్ని దక్కించుకున్నాడు. ఫెరారీ జట్టు డ్రైవర్లు చార్లెస్‌ లెక్‌లెర్క్‌ రెండో స్థానంలో, కార్లోస్‌ సెయింజ్‌ మూడో స్థానంలో నిలిచారు. లూయిస్‌ హామిల్టన్‌ (మెర్సిడెస్‌)కు ఆరో స్థానం లభించింది. సీజన్‌లో ఐదు రేసులు ముగిశాక లెక్‌లెర్క్‌ 104 పాయింట్లతో టాప్‌ ర్యాంక్‌లో ఉండగా... వెర్‌స్టాపెన్‌ 85 పాయింట్లతో రెండో స్థానంలో ఉన్నాడు. సీజన్‌లోని తదుపరి రేసు స్పెయిన్‌ గ్రాండ్‌ప్రి ఈనెల 22న బార్సిలోనాలో జరుగుతుంది.

World's Richest Dog: నిజానికి చాలామంది ఏంటీ ఈ జీవితం మరి విలువ లేకుండా పోయింది. మరీ కుక్క కన్న హీనంగా జీవిస్తున్నాం ఛీ అని అనుకుంటూ ఉంటాం. కానీ ఈ కుక్కని చూశాక అందరూ బతికితే ఈ కుక్కలా బతకాలి అని కచ్చితంగా అనుకుంటారు. ఏంటి ఇలా చెబుతున్నారు అని అనుకోకండి. ఇది నిజం యూఎస్‌లోని మియామిలో నివశిస్తున్న కుక్కను చూసి ఎవరైన ఇలానే అనుకుంటారు. (చదవండి: ఆ మూడు వ్యవసాయ బిల్లులు రద్దవ్వడంతో నాకు చాలా సంతోషంగా అనిపించింది) అసలు విషయంలోకెళ్లితే...యూఎస్‌లోని మియామిలో నివసిసున్న కుక్క ప్రపంచంలోనే అత్యంత సంపన్న కుక్క. పైగా దీనికి వందల కోట్లు విలువ చేసే భారీ బంగ్లా కూడా ఉంది. అయితే ఈ కుక్క పేరు గుంథర్ VI.  ఈ కుక్క తాత గుంథర్ IV అనే మరో కుక్క నుంచి 500 మిలియన్ డాలర్ల(రూ.3715 కోట్లు) సంపద వారసత్వంగా లభించింది. గత కొన్ని దశాబ్దాలుగా ఈ కుక్కలకు ఆస్తులు లభిస్తున్నాయి. ఈ కుక్క వంశానికి చెందిన గుంథర్ III 1992లో మరణించింది. దీంతో దాని చివరి యజమాని జర్మన్ కౌంటెస్ కార్లొట్టా లైబెన్‌స్టెయిన్ నుంచి ఈ కుక్కకు 58 మిలియన్ డాలర్లు (సుమారు రూ.431 కోట్లు) విలువ చేసే ట్రస్ట్‌ వారసత్వంగా లభించింది. అంతేకాదు రోజులు గడిచే కొద్ది ఆ ఆస్తుల విలువ పెరుగడం వల్ల గుంథర్ VI ప్రపంచంలోనే అత్యంత సంపన్న కుక్కగా రికార్డులకెక్కింది. ఈ కుక్కల ఆఖరి యజమాని చనిపోయిన తర్వాత హ్యాండర్ల బృందం వీటి బాధ్యతలు చూసుకుంటున్నారు. అయితే ఈ గుంథర్‌ VI తాను నివశిస్తున్న టుస్కాన్‌ విల్లాను అమ్మకానికి పెట్టింది.  ఈ మేరకు ఈ భారీ సౌధాన్ని 2000 సంవత్సరంలో మడొన్నా నుంచి కొనుగోలు చేశారు. అయితే అప్పట్లో ఈ బంగ్లా విలువ రూ.7.5 మిలియన్ డాలర్లు (సుమారు రూ.53 కోట్లు). కానీ ఇప్పుడు దీన్ని రూ.238 కోట్లకు అమ్మకానికి పెట్టారు. అంతేకాదు ఈ భవనాన్ని 1928లో నిర్మించారు. ఇందులో మొత్తం తొమ్మిది బెడ్‌రూమ్‌లు, ఎనిమిది బాత్‌రూమ్‌లు, ఔట్ డోర్ స్విమ్మింగ్ పూల్‌ ఉన్నాయి. పైగా ఈ ఇంటిని విక్రయించే బాధ్యతను ది అసోలిన్ టీమ్‌కు చెందిన ‘రూతీ అండ్ ఏతాన్ అస్సౌలిన్‌’ సంస్థ స్వీకరించింది. ఈ మేరకు ఆ సంస్థ నిర్వాహకురాలు రుతీ మాట్లాడతుతూ...అత్యంత ఖరీదైన ఈ భారీ సౌధానికి యజమాని కుక్క అని నేను ఆశ్చర్యపోయాను. అసలు నేను మొదట నమ్మలేకపోయాను. పైగా ఈ భవనానికి గొప్ప చరిత్ర ఉంది. అంతేకాదు గుంథర్ VIతో మేం సమావేశమైనప్పుడు ఆ కుక్క పరుగెత్తుకుంటూ వచ్చి నాకు ముద్దిచ్చింది. ఓహో ఇది మాతో తను ఒప్పందం చేసుకోవడం ఇష్టమే అన్నట్లుగా ఇలా ముద్దిచ్చినట్లుందని భావిస్తున‍్నా" అని అన్నారు. (చదవండి:  ఆ హోటల్‌లో దెయ్యాలు..! ‘ఎలిజిబెత్‌’.. అంటూ మగ గొంతుతో పిలిచి..)

వాషింగ్టన్‌: అమెరికా మాజీ అధ్యక్షుడు డొనాల్డ్‌ ట్రంప్‌ తన ట్విటర్‌ ఖాతాపై విధించిన నిషేధం తొలగించుకునేందుకు అష్టకష్టాలు పడుతున్నాడు. తాజాగా తన ట్విటర్‌ ఖాతాను పునరుద్ధరించాలని కోరుతూ న్యాయస్థానాన్ని ఆశ్రయించాడు. ఫ్లోరిడాలోని ఫెడరల్‌ కోర్టులో శుక్రవారం విచారణ జరిగింది. జూలైలో ట్విటర్‌, ఫేసుబుక్‌, గూగుల్‌పై న్యాయస్థానాన్ని ఆశ్రయించిన ట్రంప్‌ కేసు విచారణ కొనసాగుతోంది. చదవండి: ఎంఏ, బీఈడీ చదివి మేస్త్రీ పనికి యువతి  రాజకీయ దురుద్దేశంతోనే జనవరిలో తన సామాజిక మాధ్యమాలు నిషేధానికి గురయ్యాయని వాదించారు. వెంటనే తన ఖాతాను పునరుద్ధరణపై ట్విటర్‌కు ఆదేశాలు ఇవ్వాలని ట్రంప్‌ తరఫు న్యాయవాది విజ్ఞప్తి చేశారు. ట్విటర్‌పై ఒత్తిడి పెంచాలని కోరాడు. అయితే ఈ వాదనకు ట్విటర్‌ స్పందిస్తూ.. ‘మేము చేసిన విజ్ఞప్తిపై ట్రంప్‌ వెంటనే స్పందించలేదు’ అని పేర్కొంది. జనవరి 6వ తేదీన అమెరికాలో ట్రంప్‌ మద్దతుదారులు బీభత్సం సృష్టించిన విషయం తెలిసిందే. ఆ ఘటనకు ప్రేరేపించేలా ట్రంప్‌ పోస్టులు ఉన్నాయని ఆరోపిస్తూ ట్విటర్‌ అతడి ఖాతాను నిషేధించింది. ఆ తర్వాత ఫేస్‌బుక్‌, గూగుల్‌ కూడా ట్రంప్‌ ఖాతాలపై పలు చర్యలు తీసుకున్నాయి. చదవండి: తెలుగు బుక్‌ ఆఫ్‌ రికార్డ్స్‌లో పాలమూరు బుడ్డోడు

తమవాళ్లు ఏమైపోయారో అని కొందరి రోదనలు. తమవాళ్లు మృత్యుముఖం నుంచి బయటపడతారేమోనని ఆశతో మరికొందరు. ఇంకొందరు సహాయక బృందాలతో కలిసి వెతుకులాట.. మియామీ బిల్డింగ్‌ కూలిన ఘటనాస్థలంలో కనిపిస్తున్న దృశ్యాలివే. అయితే నిమిషాల వ్యవధిలో జరిగిన దుర్ఘటన వందకు పైగా కుటుంబాల్లో పెనువిషాదం నింపేలా కనిపిస్తోంది. అయితే ఇప్పటిదాకా 150 మందికిదాకా ఆచూకీ తెలియకపోవడంతో ఆందోళన నెలకొంది. మరోపక్క సహాయక చర్యలను నిలిపివేయాలన్న ఆదేశాలతో బాధిత కుటుంబాలు రోదనలు మిన్నంటుతున్నాయి.  ఫ్లోరిడా: మియామీ బీచ్‌ సమీపంలోని ఛాంప్లెయిన్‌ టవర్స్‌లో మొత్తం 136 అపార్ట్‌మెంట్లు ఉన్నాయి. వాటిలో 55 అపార్ట్‌మెంట్లు గత గురువారం రాత్రి(బుధవారం అర్థరాత్రి దాటాక 1గం.30ని. సమయంలో) కుప్పకూలిపోయాయి. ఆ మరుసటి ఉదయం నుంచి సహాయక చర్యలు కొనసాగుతూనే ఉన్నాయి. ఈ ఘటనను 9/11 విషాదంతో పోలుస్తున్నారు కొందరు. కాగా, ఈ ఘటనలో ఇప్పటిదాకా 18 మృతదేహాలను వెలికితీయగా(పిల్లలు కూడా ఉన్నారు).. గాయపడ్డ ఇరవై మందికి పైగా ఆస్పత్రికి తరలించారు. ఇంకా 145 మందికి పైగా ఆచూకీ తెలియాల్సి ఉంది. అయితే శిథిలాల కింద కొందరైనా ప్రాణాలతో ఉండొచ్చేమోనన్న ఆశతో గాలింపు చర్యలు చేపట్టారు. స్నిఫర్‌ డాగ్స్‌, రెస్క్యూ టీంలు సహాయక చర్యల్లో పాల్గొంటున్నాయి. ఈ సహాయక కార్యక్రమంలో సెలబ్రిటీలు, స్కూల్‌ పిల్లలు సైతం స్వయంగా వచ్చి పాల్గొనడం విశేషం. మరోపక్క అంతా క్షేమంగా బయటపడాలని ప్రార్థనలు చేస్తున్నారు. ఈ తరుణంలో.. శకలాల తొలగింపు నిలిపివేత మియామీ దుర్ఘటనలో శకలాల తొలగింపును నిలిపివేయాలని సర్ప్‌సైడ్‌ మేయర్‌ ఛార్లెస్‌ బర్కెట్‌ శుక్రవారం ఉదయం ఆదేశించాడు. ఓవైపు తుఫాన్‌ హెచ్చరికలు.. మరోపక్క శకలాలను తొలగించే క్రమంలో ఒరిగిపోయి ఉన్న మిగిలిన అపార్ట్‌మెంట్‌ భాగం కూలిపోయే ప్రమాదం ఉందని ఇంజినీర్‌లు హెచ్చరించారు. ఈ నేపథ్యంలో పనులు ఆపేయాలని నిర్ణయించుకున్నారు. దీంతో బాధిత కుటుంబాల్లో ఆశలు సన్నగిల్లుతున్నాయి. వాళ్ల రోదనలతో ఆ ప్రాంతంలో శోక మేఘాలు అలుముకున్నాయి. తమ వాళ్లను శకలాల కిందే చావనివ్వకండని అధికారుల్ని వేడుకుంటున్న దృశ్యాలు కనిపిస్తున్నాయి. బైడెన్‌ సంఘీభావం కాగా, ఘటనాస్థలాన్ని గురువారం అమెరికా అధ్యక్షుడు జో బైడెన్‌ సందర్శించాడు. బాధితుల కుటుంబాలను ఓదార్చడంతో పాటు సహాయక కార్యక్రమాలను పర్యవేక్షించాడు. కనీసం తమవాళ్ల శవాలైనాన అప్పగించాలని కొందరు బైడెన్‌ను వేడుకోవడం అందరినీ కలిచివేసింది. ఈమేరకు అక్కడి దీనగాథల్ని, పరిస్థితుల్ని వివరిస్తూ.. బైడెన్‌ ట్విటర్‌లో పోస్ట్‌లు చేశారు. కారణాలేంటసలు..  ప్రస్తుతం ఈ బిల్డింగ్‌ ఉన్న స్థలం ఒకప్పుడు సముద్రపు నీట మునిగి ఉన్న స్థలం అని.. 40 ఏళ్ల క్రితం ఈ బిల్డింగ్‌ను నిబంధనలకు విరుద్ధంగా కట్టారనేది నిపుణుల అభిప్రాయం. అంతేకాదు 2018లో బిల్డింగ్‌ బేస్‌మెంట్‌ బాగా దెబ్బతిందని, ఆ ప్రభావం గోడల మీద కూడా కనిపిస్తోందని ఓ ఇంజినీర్‌ రిపోర్ట్‌ ఇచ్చాడు కూడా. అయితే కుట్ర కోణాలను,  ఆరోపణలను, అభిప్రాయాలను అధికారులు ఖండిస్తున్నారు. దుర్ఘటన కారణాలపై ఇప్పుడు నిర్ధారణకే రాలేమని, ప్రస్తుతం దర్యాప్తు కొనసాగుతోందని అధికారులు చెబుతున్నారు. (ఫొటో గ్యాలరీ కోసం ఇక్కడ క్లిక్ చేయండి) చదవండి: మియామీ దుర్ఘటన.. కుట్ర కోణం?.. ఆయన సూసైడ్‌తో లింక్‌!

ఫ్లోరిడా: మియామీలో బహుళ అంతస్తుల భవనం అపార్ట్‌మెంట్లు కుప్పకూలడం పెనువిషాదంగా మారే అవకాశాలు కనిపిస్తున్నాయి. గురువారం రాత్రి ఈ ఘటన చోటు చేసుకోగా.. ఇప్పటికే శకలాల నుంచి ఐదు మృతదేహాల్ని వెలికి తీశారు. మరో 156 మంది ఆచూకీని అధికారులు ధృవీకరించాల్సి ఉంది. అయితే ఈ విషాద ఘటనలో కుట్ర కోణం దాగుందని కొందరు భావిస్తున్నారు. టెక్‌ దిగ్గజం జాన్‌ మెక్‌అఫీతో ఈ ఘటనకు ముడిపెడుతూ.. పలు అనుమానాలు వ్యక్తం చేస్తున్నారు.   మెక్‌అఫీ యాంటీ వైరస్‌ సృష్టికర్త జాన్‌ మెక్‌అఫీ ఈమధ్యే జైల్లో ఆత్మహత్య చేసుకున్నాడనే విషయం తెలిసిందే. అయితే చనిపోయే ముందు ఆయనొక ఇంపార్టెంట్‌ ట్వీట్‌ చేశాడని.. దానిని తెరమీదకు తెచ్చారు కొందరు. ‘‘నాకేదైనా జరిగితే.. ఫ్లోరిడా సర్ఫ్‌సైడ్‌ మియామీ బీచ్‌  కొల్లిన్స్‌ అవెన్యూలో ఉన్న కాంప్లెక్స్‌లో 31 టీబీ సైజులో ఉన్న ఫైల్స్‌ ఉన్నాయని, అందులో అమెరికా ప్రభుత్వపు అవినీతి సమాచారం ఉంద’ని ఆ ట్వీట్‌లో జూన్‌ 8న పేర్కొన్నాడాయన. ఆ తర్వాత వారానికి ఆయన చనిపోయాడు. మెక్‌అఫీ చనిపోయిన రెండు రోజులకే 55 అపార్ట్‌మెంట్‌లతో కూడిన మియామీ బిల్డింగ్‌లో 55 అపార్ట్‌మెంట్ల భాగం కుప్పకూలింది. దీంతో ఆయన చావుకి.. ఆ దుర్ఘటనకు సంబంధం ఉందనే వాదన తెరపైకి వచ్చింది. ట్వీట్‌ ఫేక్‌? డిలీట్‌ చేశారా? నిజానికి మెక్‌అఫీ ఆ ట్వీట్‌ 2019లో చేశాడనేది కొందరి వాదన. ‘ప్రభుత్వ అవినీతికి సంబంధించిన సమాచారం నా దగ్గర ఉంది. సీఐఏలో ఉన్న అవినీతి ఏజెంట్‌, ఇద్దరు బహైమన్‌ అధికారుల పేర్లతో ఆ చిట్టాను రిలీజ్‌ చేస్తా. నేను కనిపించకుండా పోయినా.. అరెస్టయినా 31 టెర్రాబైట్స్‌ ఉన్న డేట్‌.. మీడియాకు రిలీజ్‌ అవుతుందని చెబుతూ 2019లో ఓ ట్వీట్‌ చేశాడని కొందరు అంటున్నారు. ఈ విషయాన్ని జాన్‌ సిల్వా ఎన్‌బీసీటీ ట్విటర్‌ అకౌంట్‌ నుంచి పోస్ట్‌ చేశారు. అలాగే కుట్ర కోణంలో ఎలాంటి ధృవీకరణ లేదని, అసలు ఆ అపార్ట్‌మెంట్‌లో మెక్‌అఫీకి ఎలాంటి అపార్ట్‌మెంట్‌ లేదని వెల్లడించాడు. అయితే 2020కి ముందు మెక్‌అఫీ అకౌంట్‌లోని ట్వీట్లన్ని డిలీట్‌ అయ్యి ఉన్నాయి. మరి అవి ఆయన డిలీట్‌ చేశాడా? లేదంటే నిజంగానే ఎవరైనా ఇన్‌వాల్వ్‌ అయ్యారా? నిజంగానే కుట్ర కోణం ఉందా? అనేది నిర్ధారణ కావాల్సి ఉంది.  ఐదు మృతదేహాల వెలికితీత ఇక మియామీ అపార్ట్‌మెంట్‌లో ఓ పోర్షన్‌ కుప్పకూలిన ఘటనలో ఐదు మృతదేహాలను రెస్క్యూ టీంలు వెలికితీశాయి. మరో 156 మంది ఆచూకీని నిర్ధారించాల్సి ఉంది. ప్రమాదానికి కారణాలు తెలియరాలేకపోయినా.. భూమిలో సముద్రపు అలల వల్ల పునాదులు కొట్టుకుపోయాయని గతంలో నివేదికలు ఇచ్చాయని పలువురు ప్రస్తావిస్తున్నారు. అయితే అధికారులు మాత్రం ప్రమాదపు కారణాల్ని దృవీకరించాల్సి ఉంది. చదవండి: మెక్‌అఫీ మరణం.. ముందే అనుమానించిన ఆమె

వాషింగ్టన్‌: బాగా చీకటి పడిపోయింది. మియామీలో రూట్‌ 27 సమీపంలోని నిర్మానుష్య ప్రదేశంలో కారును ఆపేశాడు సామ్యూల్‌ లిటిల్‌. అప్పటికే తన మాటలతో మాయ చేసిన మేరీ బ్రోస్లేను దగ్గరికి తీసుకున్నాడు. తన నెక్లెస్‌తో ఆటాడటం మొదలుపెట్టాడు. మేరీకి మద్యం సేవించడం అంటే మహా ఇష్టం. ఆ అలవాటును వదల్లేక కుటుంబ సభ్యులను కూడా దూరం చేసుకుంది. మనసుకు నచ్చిన వ్యక్తితో మందు తాగుతూ బార్‌లో ఎంజాయ్‌ చేయడమంటే తనకు ఉన్న సరదానే మేరీని, సామ్యూల్‌తో మాటలు కలిపేలా చేసింది. మేరీ కాస్త పొట్టిగానే ఉన్నా.. చూడగానే ఆకట్టుకునే రూపం తనది. సుమారు 80 పౌండ్ల బరువున్న తన శరీరం ఆమె భోజనప్రియురాలు అన్న సంగతిని చెప్పకనే చెబుతుంది. మేరీకి దగ్గరగా జరుగగానే సామ్యూల్‌ ఒక విషయాన్ని గమనించాడు. ఆమె ఎడమ చేతికి చిటికిన వేలు లేదు. వంట చేస్తున్న చేస్తున్న సమయంలో వేలు తెగి పడిపోయిందన్న విషయం అప్పుడు మేరీ అతడికి చెప్పింది. జారి పడటం మూలాన తన నడుము భాగంలో సర్జరీ అయిన విషయాన్ని కూడా అతడితో పంచుకుంది. ఇద్దరూ కలిసి సరదాగా గడుపుతున్న సమయంలో తన గతం గురించి సామ్యూల్‌కు చెప్పింది. తనకు ఎవరూ లేరని, ఒంటరి మహిళనే విషయాన్ని తెలియజేసింది. మేరీని తదేకంగా చూస్తున్న సామ్యూల్‌కు ఈ మాట ఎంతో ఆనందాన్నిచ్చింది. పున్నమినాటి చంద్రకాంతి, అప్పటికే మెరిసిపోతున్న మేరీ మెడ సౌందర్యాన్ని ద్విగుణీకృతం చేస్తోంది. పచ్చని పసిమి ఛాయ, మెడకు సరిపడా నెక్లెస్‌ సామ్యూల్‌ను ఆకర్షించాయి. అతడిలో దాగున్న రాక్షసుడు నిద్రలేచాడు. ఇంక ఆలస్యం చేస్తే లాభం లేదనుకున్నాడు. తనను తాను తమాయించుకోలేకపోయాడు. వెంటనే మేరీ మెడ చుట్టూ చేతులు వేసి గట్టిగా గొంతు నులిమి చంపేశాడు. ఊహించని పరిణామానికి కంగుతిన్న మేరీ గిలగిలా కొట్టుకుంటూ ప్రాణాలు విడిచింది. 1970 నాటి ఘటన ఇది. అప్పటికి సామ్యూల్‌కు ఇంచుమించు 30 ఏళ్లు ఉంటాయి. మేరీకి 33. సైకో కిల్లర్‌ సామ్యూల్‌ బారిన పడ్డ మొదటి బాధితురాలు ఆమె. మేరీ తర్వాత సుమారు 93 మంది మహిళలను అలాగే చంపేశాడు సామ్యూల్‌. అందులో ఓ ట్రాన్స్‌జెండర్‌ కూడా ఉంది. ముప్పై ఏళ్లలో 19 రాష్ట్రాల్లో అతడు అనేక ఘాతుకాలకు పాల్పడ్డాడు. అయితే ఒక్కచోట కూడా తన వేలిముద్రలు గానీ, ఇతర సాక్ష్యాధారాలేవీ చిక్కకుండా జాగ్రత్తపడ్డాడు. డ్రగ్‌ బానిసలు, సెక్స్‌ వర్కర్లు, ఒంటరి మహిళలే అతడి లక్ష్యం. ఎవరూ లేని అనాథలు, అందునా నల్లజాతి మహిళలైతే మరీ మంచిది. ఎందుకంటే వారిని ఏం చేసినా అడిగే వారు ఎవరూ ఉండరనే ధైర్యం అతడిది.  ఇక హత్యలతో పాటు చిన్నా చితక దొంగతనాలు, దోపిడీలు చేసే సామ్యూల్‌ అప్పుడప్పుడూ అరెస్టైనా వెంటనే బెయిలు మీద బయటకు వచ్చేవాడు. కానీ పోలీసులు మాత్రం అతడిపై నిఘా వేసే ఉంచారు. అలా ఒకానొక హత్య కేసులో లభించిన ప్రాథమిక ఆధారాలతో 2014లో అతడిని అరెస్టు చేశారు. డీఎన్‌ఏ టెక్నాలజీని ఉపయోగించి నేరాన్ని రుజువు చేయడంతో స్థానిక కోర్టు అతడికి యావజ్జీవ కారాగార శిక్ష(లు) విధించింది. అప్పటి నుంచి కాలిఫోర్నియాలోని జైలులో సామ్యూల్‌ శిక్ష అనుభవిస్తున్నాడు. అమెరికా చరిత్రలోనే అత్యంత ప్రొఫెషనల్‌ సీరియల్‌ కిల్లర్‌గా పేరొందిన సామ్యూల్‌ కేసుకు సంబంధించిన వివరాలు, అతడి గతం గురించి తెలుసుకునేందుకు వార్తా మాధ్యమాలు ఇంటర్వ్యూ అడుగగా అతడు నిరాకరించాడు. అయితే ఇటీవల బయటకు వచ్చిన సుమారు 700 గంటల వీడియోటేప్‌ ఇంటర్వ్యూ(పోలీసులతో)ల్లో సామ్యూల్‌ నేరం చేసిన విధానం గురించి ఒళ్లు గగుర్పొడిచే విషయాలు పంచుకున్నట్లు స్థానిక మీడియా పేర్కొంది. చిన్న తనంలోనే తల్లి వదిలేసింది.. దక్షిణ అట్లాంటాకు సుమారు 100 మైళ్ల దూరంలో గల రెనాల్డ్స్‌(జార్జియా)లో 1940, జూన్‌ 7న సామ్యూల్‌ లిటిల్‌ జన్మించాడు. టీనేజర్‌ అయిన అతడి తల్లి పసివాడుగా ఉన్నపుడే తనను బంధువుల ఇళ్లలో వదిలివెళ్లింది. అప్పటి నుంచి ఒహియోలో పెరిగిన సామ్యూల్‌కు ఒంటరితనం అలవాటైంది. ఐదో తరగతిలో ఉన్నపుడు ఓ టీచర్‌ తన మెడను రుద్దుకున్నపుడు గమనించిన అతడికి అప్పటి నుంచి ఎవరి మెడను చూసినా గట్టిగా నొక్కిపట్టాలని, గొంతు నులమాలనే కోరిక పుట్టిందట. అప్పటి నుంచి తన పక్కనే ఉన్న సహ విద్యార్థినిని చంపడానికి అనేకసార్లు ప్రయత్నించి విఫలం అయినట్లు సామ్యూల్‌ వెల్లడించాడు. ఇక పదమూడేళ్ల వయస్సులో తొలిసారిగా ఓ సైకిల్‌ను దొంగతనం చేయడం సహా పలుమార్లు దొమ్మీలకు పాల్పడటంతో అతడు జువైనల్‌ జైలులో జీవితం గడపాల్సి వచ్చింది. ఆ తర్వాత సీరియల్‌ కిల్లర్‌గా మారి పదుల సంఖ్యలో హత్యలు చేశాడు. మృతుల ఒంటిపై ఉన్న బంగారం వంటి విలువైన వస్తువులు లాక్కోవడం, మృతదేహాలను పొదల్లో పడేసి అక్కడి నుంచి జారుకునేవాడు.  ఈ విషయం గురించి అతడు మాట్లాడుతూ.. ‘‘గతంలో నాకు మజా దొరికిన ప్రదేశాలకు వెళ్లి మళ్లీ మళ్లీ అదే తరహాలో హత్య చేయాలని ఉండేది. ఎన్నిపళ్లు కోసుకుని తింటే అంత మజా కదా. దానిని వదులుకోవడానికి ఎవరు మాత్రం ఇష్టపడతారు. శ్వేతజాతి టీనేజర్‌ను నేనెప్పుడూ వేధించలేదు. ఎవరూ లేని వాళ్లే నా టార్గెట్‌’’ అని పేర్కొన్నట్లు వాషింగ్టన్‌ పోస్టు పేర్కొంది. ప్రస్తుతం 80 ఏళ్ల వయస్సున్న సామ్యూల్‌, 2005లో చివరిసారిగా టుపెలోలో హత్య చేసినట్లు రికార్డుల్లో ఉన్నట్లు తెలిపింది. మేరీ బ్రెస్లీ(శ్వేతజాతి మహిళ‌), మార్తా కన్నింగ్‌హాం(బ్లాక్‌ మదర్‌), మేరీ ఆన్‌ జెంకిన్స్, జొలాండా జోన్స్‌ సహా ఎంతో మంది సామ్యూల్‌ బాధితుల్లో ఉన్నారు. వీరిలో చాలా మంది మృతదేహాల్లో కొకైన్‌ వంటి మత్తుపదార్థాల నమూనాలు లభించడం గమనార్హం. అంతేగాక వారందరినీ అయితే కొంతమంది మాత్రం ఎంతోకాలంగా పెండింగ్‌లో ఉన్న కేసులు ఛేదించలేక ఇప్పుడు సామ్యూల్‌తో ఆ నేరాలు చేసినట్లు ఒప్పిస్తున్నారంటూ విమర్శలు గుప్పిస్తున్నారు. కానీ సామ్యూల్‌ మాత్రం తాను యువకుడిగా ఉన్న సమయంలో ఎలా హత్యలు చేశానన్న అంశం గురించి ఈ వయస్సులో కూడా పూసగుచ్చినట్లు వివరించడం శోచనీయం. 

మియామీ : వయసు అయిపోయిందని కొందరు బాధపడుతూ కూర్చుంటారు. ఇంకొందరు మాత్రం వయస్సును లెక్క చేయకుండా ఇష్టమైన పనులు చేసుకుంటూ ఆనందిస్తారు. పైన ఫోటోలో యువతిలా కనిపిస్తున్న బామ్మపేరు విరా వాంగ్‌. ఈ మాజీ ఫిగర్‌ స్కేటర్‌ ప్రస్తుతం పెళ్లి దుస్తుల డిజైనర్‌గా విధులు నిర్వర్తిస్తున్నారు. మియామిలో ఉంటున్న ఈ బామ్మ లాక్‌డౌన్‌తో అనేక స్టైలిష్‌ దుస్తులను తానేధరించి సామాజిక మాద్యమాల్లో పోస్ట్‌ చేసేది. పొడగాటి కాళ్లు, సన్నటి నడుము, నాజూకైన చర్మ సౌందర్యాన్ని చూసి నెటిజన్లు ఫిదా అవుతున్నారు. ఈమెకి నిజంగానే 70 ఏళ్ల వయస్సా అంటూ ఆశ్చర్యానికి లోనవుతున్నారు. విరా వాంగ్‌  జూన్‌ 27న 71వ జన్మదినాన్ని జరుపుకోనుంది. పారిస్‌ ఫ్యాషన్‌ వీక్‌ ముగిసిన వెంటనే తన వర్క్‌ డే ఫ్యామిలీ టీమ్‌తో కలిసి  లాక్‌డౌన్‌లోకి వెళ్లాల్సి వచ్చిందని వాంగ్‌ అన్నారు. అయితే వారంతా చాలా ఫిట్‌గా ఉండేవారని, దీంతో వాళ్లను చూసి చాలా వర్క్‌అవుట్‌లు చేశానన్నారు. ఇక ఫ్యాషన్‌ గ్రూపులతో ఎక్కువగా సంబంధాలుండటం వల్ల ఎన్నో ఏళ్లుగా మంచి దుస్తులతో అధరగొట్టాలని అనుకున్నానని, ఇప్పుడు ఆ అవకాశం దొరికిందని అంటున్నారు విరా వాంగ్.

‘కోడలికి నీతుల చెప్పి అత్త ఏదో చేసిందంట’ అన్నట్లు ఉంది బాలీవుడ్‌ హీరోయిన్‌ ప్రియాంక చోప్రా తీరు. ‘ధూమపానం ఆరోగ్యానికి హానికరం.. దీపావళిని దీపాలతో జరుపుకోవాలి కానీ.. పటాసులు కాల్చి కాలుష్యానికి కారణం కావద్దు’ అంటూ నీతులు చెప్పిన ఈ బాలీవుడ్‌ బామ ప్రస్తుతం సోషల్‌ మీడియా వేదికగా తీవ్ర ట్రోలింగ్‌ను ఎదుర్కొంటుంది. జులై 18న జన్మదినం జరుపుకున్న ప్రియాంక.. భర్త నిక్‌ జోనస్‌తో కలిసి పుట్టిన రోజు సంబరాలను ఘనంగా జరుపుకుంటుంది. ప్రస్తుతం ఫ్లొరిడాలోని మయామిలో ప్రియానిక్‌ జోడి సేద తీరుతుండగా.. ప్రియాంక తల్లి మధు చోప్రా కూడా వారితోనే ఉన్నారు. అయితే తాజాగా ఈ ముగ్గురు కలిసి ధూమాపానం చేస్తున్న ఓ ఫొటో నెట్టింట హల్‌చేస్తోంది. ఈ ఫొటోలో ప్రియాంక చోప్రా సిగరేట్‌ను ఆస్వాదిస్తుంది. ఇక ఈ ఫొటోను చూసిన అభిమానులు.. ఒక్కసారిగా ఆమె గతంలో చెప్పిన నీతులని ప్రస్తావిస్తూ.. ‘అప్పుడు ఏం చెప్పి.. ఇప్పుడు ఏం చేస్తుందో చూడండి’  అంటూ సెటైరిక్‌ కామెంట్స్‌ చేస్తున్నారు. సిగరేట్‌ కాల్చిన ఫొటోలతో మీమ్స్‌ను ట్రెండ్‌ చేస్తున్నారు. అంతే కాకుండా ఆస్తమ రోగులకు అవగాహన కార్యక్రమాన్ని ఉద్దేశించి ప్రియాంక చేసిన వ్యాఖ్యలను కూడా గుర్తు చేస్తున్నారు. ఐదేళ్లప్పుడు తాను ఆస్తమ వ్యాధితో బాధపడ్డానని, ఆ వ్యాధి తన కలలకు అడ్డుగా నిలవలేదని ఆస్తమ వ్యాధిగ్రస్తులను చైతన్య పరిచే వ్యాఖ్యలు చేశారు. ఆస్తమా రోగులు ఈ ఫొటో చూడొద్దంటూ నెటిజన్లు సెటైర్లేస్తున్నారు.  Hypocrite 😂 pic.twitter.com/Qn0regDCJn — ᴀʙʜᴀʏ (@abHayKhiladii) July 21, 2019

మిచిగాన్‌కు చెందిన యూదు దంపతులకు అమెరికన్‌ ఎయిర్‌లైన్స్‌కు చెందిన విమానంలో చేదు అనుభవం ఎదురైంది. శరీరం నుంచి దుర్వాసన వస్తోందన్న కారణంగా 19 నెలల చిన్నారితో సహా ఆ దంపతులను అత్యవసరంగా విమానం నుంచి దించేశారు. బుధవారం చోటుచేసుకున్న ఈ ఘటన ఆలస్యంగా వెలుగులోకి వచ్చింది. వివరాలు.. మిచిగాన్‌కు చెందిన యోసి ఆడ్లర్‌ అనే వ్యక్తి భార్య, తన చిన్నారితో కలిసి హాలిడే ట్రిప్‌ కోసం మియామీ వచ్చాడు. ట్రిప్‌ ముగిసిన తర్వాత ఇంటికి వెళ్లేందుకు అమెరికన్‌ ఎయిర్‌లైన్స్‌లో టికెట్లు బుక్‌ చేసుకున్నారు. ఈ క్రమంలో బుధవారం విమానం ఎక్కిన కొద్ది సేపటి తర్వాత.. ఆడ్లర్‌ దంపతులు అత్యవసరంగా విమానం దిగిపోవాలంటూ  అనౌన్స్‌మెంట్‌ వచ్చింది. ఈ క్రమంలో తమను దించేయడానికి గల కారణమేంటని అడగగా.. ‘మీ శరీరం నుంచి దుర్వాసన వస్తోందని ప్రయాణికులతో పాటు, మా సిబ్బంది కూడా ఫిర్యాదు చేశారు. కాబట్టి మీరు దిగిపోవాల్సిందే’ అంటూ క్రూ మెంబర్‌ ఇచ్చిన సమాధానం విని షాక్‌కు గురయ్యారు. యూదులం అయిన కారణంగానే ఇలా.. తమకు జరిగిన అవమానం గురించి ఆడ్లర్‌ మీడియాతో మాట్లాడుతూ...‘ యూదులమనే కారణంగానే మాకు చేదు అనుభవం ఎదురైంది. మమ్మల్ని ఎందుకు దించేస్తున్నారని అడిగినపుడు..మీ మతస్తులు స్నానం చేయరు కదా.. అలాగే మంచి దుస్తులు ధరించరు అంటూ వారు ఇచ్చిన సమాధానం కలచివేసింది. నిజంగా సాటి మనుషులమనే భావన ఉంటే మంచి దుస్తులు ఇచ్చి, సువాసనలు వెదజల్లే సెంట్‌ ఇచ్చి ఉండవచ్చు కదా. కానీ అసలు కారణం అది కాదు. అందుకే మమ్మల్ని నిర్దాక్షిణ్యంగా దింపేసారు. అయితే నాకు సంబంధించిన వస్తువులు మాత్రం కార్గోలో వెళ్లిపోయాయి. మరుసటి రోజు విమానం ఎక్కేవరకు హోటల్‌లో బస చేసేందుకు చాలా ఖర్చయింది. అది ఎవరు కడతారు. మాకు జరిగిన అవమానానికి ఎవరు సమాధానం చెబుతారు. ఇంటి దగ్గర నా ఎనిమిది పిల్లలు ఎదురుచూస్తూ ఉంటారు’ అంటూ ఆవేదన వ్యక్తం చేశాడు. కాగా ఈ ఘటనపై స్పందించిన అమెరికన్‌ ఎయిర్‌లైన్స్‌ .. ‘ఆడ్లర్‌ శరీర దుర్వాసన వల్ల మా సిబ్బంది, ప్రయాణికులు తీవ్ర ఇబ్బందులు ఎదుర్కొన్నారు. అందుకే అతడిని దింపేశాం. జాతి వివక్ష చూపలేదు. మియామీ ఎయిర్‌పోర్టులో అతడికి కావాల్సిన సదుపాయాలు కల్పించాం. అయితే మేము ఇచ్చిన వాచర్లు పనిచేయలేదని ఆడ్లర్‌ చెప్పాడు. ఈ విషయంపై మేము విచారణ చేశాం. ఆ తర్వాత గురువారం ఉదయం టికెట్లు బుక్‌ చేసి పంపించేశాం’ అని ఓ ప్రకటన విడుదల చేసింది. ఇక.. ఈ విషయం సోషల్‌ మీడియాలో ప్రచారం కావడంతో ఎయిర్‌లైన్స్‌ తీరుపై విమర్శలు వెల్లువెత్తుతున్నాయి.

లక్నో : అమెరికా మియామి ఎయిర్‌పోర్ట్‌ని పేల్చేస్తానంటూ బెదిరింపు ఫోన్‌ కాల్స్‌ చేస్తోన్న 18 ఏళ్ల ఉత్తరప్రదేశ్‌ యువకున్ని ఆ రాష్ట్ర యాంటీ టెర్రర్‌ స్క్వాడ్‌(ఏటీఎస్‌) అధికారులు అరెస్ట్‌ చేశారు. వివరాలు.. యూపీకి చెందిన సదరు నిందుతుడు కొన్ని రోజుల క్రితం 1000 అమెరికన్‌ డాలర్లు విలువ చేసే బిట్‌ కాయిన్స్‌ని కొన్నాడు. ఈ క్రమంలో అతడు మోసపోయాడు. దాంతో ఈ విషయం గురించి అమెరికా దర్యాప్తు సంస్థ ఎఫ్‌బీఐకి ఫిర్యాదు చేశాడు. కానీ వారి నుంచి అతనికి సరైన సమాధానం లభించలేదు. దాంతో విసుగు చెందిన సదరు యువకుడు మియామి విమానాశ్రయానికి బెదిరింపు ఫోన్‌ కాల్స్‌ చేయడం ప్రారంభించాడు. గత నెల 2, 31 తేదీలలో వరుస కాల్స్‌ చేశాడని అధికారులు తెలిపారు. ‘నేను మియామి విమానాశ్రయాన్ని పేల్చేస్తాను. నా దగ్గర ఏకే 47 గన్‌, గ్రెనేడ్‌, సూసైడ్‌ బెల్ట్‌ ఉన్నాయి. వాటితో మీ అందరిని చంపేస్తాను’ అంటూ మియామి విమానాశ్రయ అధికారులకు ఇంటర్నెట్‌ ద్వారా వాయిస్‌ కాల్స్‌ చేస్తూ బెదిరింపులకు పాల్పడ్డాడు. ఈ విషయం గురించి ఎయిర్‌పోర్ట్‌ అధికారులు యూపీ పోలీసులకు ఫిర్యాదు చేశారు. దర్యాప్తు ప్రారంభించిన పోలీసులు ఐపీ అడ్రెస్‌ ట్రేస్‌ చేసి నిందితున్ని గుర్తించారు. బిట్‌కాయిన్స్‌ కొని మోసపోయిన తాను ఆ కోపంలో విమానాశ్రయానికి ఫోన్‌ చేసి బెదిరించినట్లు నిందుతుడు విచారణలో ఒప్పుకున్నట్లు అధికారులు వెల్లడించారు. సీఆర్‌పీసీ సెక్షన్‌ 41ఏ కింద సదరు యువకుడి మీద కేసు నమోదు చేసినట్లు ఏటీఎస్‌ అధికారులు తెలిపారు.

పనామా సిటీ: అమెరికాలోని ఫ్లోరిడా తీరంలో మైఖేల్‌ హరికేన్‌ తీవ్రరూపం దాలుస్తోంది. అత్యంత ప్రమాదకర కేటగిరీ–4 తుపానైన మైఖేల్‌ ధాటికి గాలులు ఉధృతంగా వీస్తుండటంతోపాటు సముద్రంలో అలలు భారీ ఎత్తున ఎగసిపడుతున్నాయని అధికారులు చెప్పారు. బుధవారం సాయంత్రానికి (అమెరికా కాలమానం ప్రకారం) తుపాను తీరాన్ని తాకే అవకాశం ఉందని మయామిలోని జాతీయ తుపాను కేంద్రం అంచనా వేసింది. ప్రస్తుతం గంటకు 230 కి.మీ. వేగంతో గాలులు వీస్తున్నాయనీ, పరిస్థితి మరింత ప్రమాదకరంగా మారొచ్చని తుపాను కేంద్రం హెచ్చరించింది. సముద్రపు అలలు 14 అడుగుల ఎత్తు వరకు ఎగసిపడొచ్చనీ, కొన్ని ప్రాంతాల్లో 30 సెంటీ మీటర్ల వర్షపాతం నమోదవ్వొచ్చని తెలిపింది. ఇలాంటి తుపానును గతంలో తామెప్పుడూ చూడలేదని స్థానికులు కొందరు చెబుతున్నారు. మైఖేల్‌ హరికేన్‌ అత్యంత విధ్వంసకరంగా మారొచ్చనీ, ఫ్లోరిడాకు తీవ్ర నష్టం కలిగించే అవకాశం ఉందని అంచనాలు ఉన్నాయి. 

వాషింగ్టన్‌ : పైలట్‌ శిక్షణలో ఉండగా రెండు విమానాలు ఆకాశంలో ఢీకొని ముగ్గురు మృతిచెందిన ఘటన అమెరికాలోని ఫ్లోరిడా రాష్ట్రంలో చోటుచేసుకుంది. మంగళవారం జరిగిన ఈ ప్రమాదంలో భారత్‌కు చెందిన నిషా సెజ్వాల్‌(19) అనే యువతితో పాటు జార్జ్‌ శాన్‌చెజ్‌(22), రాల్ఫ్‌ నైట్‌(72)లు మరణించారు. వీరితో పాటు ఉన్న మరోవ్యక్తి ఆచూకీ లభ్యం కాలేదు. డీన్‌ ఇంటర్‌నేషనల్‌ ఫ్లైట్‌ స్కూల్‌కు చెందిన రెండు శిక్షణ విమానాలు ఆకాశంలో ఉన్నప్పుడు ఒకదానికొకటి తాకడంతో ఈ ప్రమాదం జరిగిందని అమెరికా విమానయాన శాఖ తెలిపింది. విమానాలు కూలిన ప్రాంతమంతా పూర్తిగా పొడవాటి గడ్డి ఉండటంతో అక్కడికి చేరుకోవడం కష్టతరంగా మారిందని విమానయాన శాఖ అధికారులు తెలిపారు. కేవలం ఎయిర్‌బోట్స్‌ ద్వారా మాత్రమే అక్కడికి చేరుకోగలమన్నారు. సహాయక చర్యలకు వాతావరణం కూడా అనుకూలించడం లేదని పేర్కొన్నారు. సోషల్‌ మీడియా అకౌంట్‌ ఆధారంగా నిషాను గుర్తించామన్నారు. మరో వ్యక్తి ఆచూకీ కోసం గాలింపు చేపట్టామని వెల్లడించారు. కాగా 2007 నుంచి 2017 మధ్య కాలంలో ఈ స్కూలుకు చెందిన రెండు డజన్లకు పైగా విమానాలు ప్రమాదానికి గురైనట్టు మియామి మేయర్‌ తెలిపారు. కాగా, నిషా సెజ్వాల్‌కు సంబంధించిన పూర్తి వివరాలు వెంటనే తెలియరాలేదు.

మయామి: అమెరికాలోని మయామిలో వారం క్రితమే నిర్మాణం పూర్తయిన పాదచారుల వంతెన కూలిన దుర్ఘటనలో ఆరుగురు మృతిచెందారు. ఫ్లోరిడా ఇంటర్నేషనల్‌ యూనివర్సిటీని విద్యార్థుల వసతి గృహంతో కలుపుతున్న ఈ బ్రిడ్జి గురువారం రద్దీగా ఉన్న రహదారిపై అమాంతం కుప్పకూలింది. దీని కింద పలు కార్లు, వాహనాలు నలిగిపోయాయి. ఇప్పటి వరకు ఆరుగురి మృతదేహాలు లభించాయని, రక్షణ చర్యలు కొనసాగుతున్నాయని స్థానిక అధికారులు వెల్లడించారు. మరో పది మంది ఆసుపత్రిలో చికిత్స పొందుతున్నట్లు వెల్లడించారు. బ్రిడ్జి రెండు చివరలకు మద్దతుగా ఉన్న నిర్మాణాలు కూడా ఏ క్షణమైనా కింద పడిపోవచ్చని ఆందోళన వ్యక్తం చేశారు. బ్రిడ్జి ఉన్నపళంగా నేలకొరుగుతున్న వీడియోను సీఎన్‌ఎన్‌ విడుదల చేసింది. సుమారు 950 టన్నుల బరువున్న బ్రిడ్జి కింద కనీసం 8 కార్లు, రెండు ట్రక్కులు చిక్కుకున్నట్లు తెలిసింది. వంతెన కూలిపోయినప్పుడు పెద్ద శబ్దం వచ్చిందని, తొలుత బాంబు పేలిందని అనుకున్నామని ప్రత్యక్ష సాక్షులు చెప్పారు. బ్రిడ్జిని మోస్తున్న కేబుల్స్‌ వదులయ్యాయని, వాటిని బిగుతు చేస్తుండగా అది కూలిపోయిందని ఫ్లోరిడా సెనేటర్‌ మార్కో రూబియో ట్వీట్‌ చేశారు. ప్రమాదం జరిగిన వెంటనే అటుగా వెళ్తున్న వారు వెంటనే స్పందించి శిథిలాల్లో చిక్కుకున్న బాధితులను బయటికి తీసుకొచ్చేందుకు సాయం చేసినట్లు తెలిపారు. గత శనివారమే పూర్తిస్థాయిలో సిద్ధమైన ఈ బ్రిడ్జిని 2019లో పాదచారులకు అందుబాటులోకి తేవాల్సి ఉంది. ఈ ఘటనపై అమెరికా అధ్యక్షుడు డొనాల్డ్‌ ట్రంప్‌ విచారం వ్యక్తం చేశారు.  

ఫ్లోరిడా :  మియామిలో ఘోర ప్రమాదం చోటు చేసుకుంది. కొత్తగా ప్రారంభమైన ఫుట్‌ ఓవర్‌ బ్రిడ్జి కూలిపోయిన ఘటనలో నలుగురు దుర్మరణం పాలయ్యారు. 9 మందికి తీవ్ర గాయాలుకాగా వారిని ఆస్పత్రికి తరలించారు. భారత కాలమానం ప్రకారం గురువారం సాయంత్రం ఈ ప్రమాదం చోటు చేసుకుంది.  బ్రిడ్జి కింద పదుల సంఖ్యలో వాహనాలు చిక్కుకుని ఉండటంతో మృతుల సంఖ్య పెరిగే అవకాశం ఉందని అధికారులు చెబుతున్నారు. ఫ్లోరిడా ఇంటర్నేషనల్‌ యూనివర్సిటీ, సిటీ ఆఫ్‌ స్వీట్‌వాటర్‌ను అనుసంధానించి విద్యార్థులు దాటేందుకు ఈ బ్రిడ్జిని నిర్మించగా.. తాజాగా దీనిని ప్రారంభించారు. సెల్ఫ్‌ ప్రొపెల్డ్‌ మాడ్యూలర్‌ ట్రాన్స్‌ పోర్టేషన్‌ విధానంలో అమెరికాలో నిర్మించిన తొలి బ్రిడ్జి ఇదే కావటం గమనార్హం. ప్రస్తుతం సహాయక చర్యలు ఇంకా కొనసాగుతూనే ఉన్నాయని, ఘటనపై దర్యాప్తు చేపట్టామని అధికారులు తెలిపారు. మరోవైపు ప్రమాదంపై అధ్యక్షుడు డొనాల్డ్‌ ట్రంప్‌ దిగ్భ్రాంతి వ్యక్తం చేశారు. Continuing to monitor the heartbreaking bridge collapse at FIU - so tragic. Many brave First Responders rushed in to save lives. Thank you for your courage. Praying this evening for all who are affected. — Donald J. Trump (@realDonaldTrump) March 15, 2018

సాక్షి : గ్రహాంతర వాసులు ఉన్నయా? అన్న చర్చ జరిగినప్పుడల్లా... జరిగిన ఘటనలు.. సాక్ష్యాలు మాత్రం అది నిజమేమోనన్న వాదనను తెరపైకి తెస్తుంటాయి. దీనికితోడు స్టీఫెన్‌ హాకింగ్ లాంటి శాస్త్రవేత్తలు ఈ విశ్వంలో మనకు తెలియని ప్రపంచాలు బోలెడు ఉన్నాయని.. ఎలియన్లతో చాలా జాగ్రత్తగా ఉండాలని హెచ్చరించారు కూడా. అదే సమయంలో రాజకీయ వేత్తలు, మేధావులు, సెలబ్రిటీలు కూడా తామూ ఫ్లైయింగ్‌ సాసర్‌(ఏలియన్లు వాడే వాహనాలు) లాంటి వాటిని చూశామని చెప్పటం చూశాం.  అయితే అమెరికాలోని మియామి కి చెందిన ఓ పొలిటీషియన్‌ మాత్రం ఏలియన్లు ఏకంగా తనను కిడ్నాప్‌ చేశాయని వెల్లడించటం ఇప్పుడు అక్కడ చర్చనీయాంశంగా మారింది. 59 ఏళ్ల  బెట్టినా రోడ్రిగుజ్‌ అగులెరా మియామి స్థానానికి రిపబ్లికన్‌ పార్టీ తరపున అమెరికా కాంగ్రెస్‌కు పోటీ చేస్తోంది. ఈ నేపథ్యంలో ప్రచారంలో భాగంగా ఆమె ఏలియన్‌ ఇంటర్వ్యూలు చక్కర్లు కొడుతున్నాయి.  తనకి ఏడేళ్ల వయసులో ఉన్న సమయంలో ఆడుకోమ్మని తల్లిదండ్రులు బయటకు పంపించగా.. ఏలియన్లు తనను తమ వెంట తీసుకెళ్లాయని ఆమె చెప్పారు. ‘మొత్తం మూడు ఏలియన్లు అక్కడ ఉన్నాయి. అవి నన్ను స్పేస్‌ షిప్‌లోకి తీసుకెళ్లి కాసేపు మాట్లాడాయి. ఓ విమానం లాగే అది ఉన్నప్పటికీ గుండ్రటి ఆకారంలో ఉంది. లోపల సీట్లు.. ఇతర పరికరాలు చాలా తేడాగా ఉన్నాయి. వాటి భాష నాకు అర్థం అవుతోంది. రియో డి జనెరియోలోని జీసస్‌ విగ్రహం గురించి అవి ప్రస్తావించాయి. భగవంతుడు అంటే మనిషి కాదు.. ఓ శక్తి మాత్రమేనని అవి నాతో చెప్పాయి. దేవుడు మనుషులతో మాట్లాడుతూనే ఉంటాడు. కానీ, అది అర్థం చేసుకునే శక్తి మనుషులకు లేదు. ఈ విశ్వంలో ఒక్క మతం మాత్రమే ఉంది’ అని అవి నాకు వివరించాయి అని ఆమె తెలిపారు. ఆపై అవి తనని ఇంటి వద్ద వదిలేశాయని ఆమె అన్నారు. ఆ తర్వాత కూడా టెలీపతి విధానం ద్వారా అవి తరచూ తనతో మాట్లాడేవని.. ఏఎస్‌ఐఎస్‌(ఉగ్రవాద సంస్థ కాదు) అనే ఈజిప్ట్ దేవత గురించి చెప్పాయని.. మాల్టా దీవుల్లో 30 వేల అస్థిపంజరాల గురించి.. సౌత్‌ ఫ్లోరిడాలోని కొరల్‌ కాస్ట్లే పిరమిడ్‌ చరిత్ర గురించి తనతో చర్చించాయని బెట్టినా చెప్పుకొచ్చింది.  ఆమె వాదన అసంబద్ధం...  రోడ్రిగుజ్‌ చెప్పే వాటిని కొట్టిపడేసే వాళ్లు లేకపోలేదు. ఆమె చెప్పేది చాలా అసంబద్ధంగా ఉంది. ఇలాంటి ప్రకటనల ద్వారా ఆమె గెలుస్తుందన్న నమ్మకం నాకు లేదు. ప్రజలు ఆమెను గుడ్డిగా నమ్మే ప్రసక్తే లేదు అని రిక్‌ యాబొర్‌ అనే రాజకీయ విశ్లేషకుడు చెబుతున్నారు. దీనికి తోడు ఆమెకు పోటీ ఇస్తున్న రిపబ్లికన్‌ అభ్యర్థులు బ్రూనో బార్రిరో, రఖ్యూల్‌ రెగలదో.. ట్రాక్‌ రికార్డుల ఆధారంగా ప్రజలు వారిపై ప్రగాఢ విశ్వాసంతో ఉన్నారని రిక్‌ అంటున్నారు.     డొరల్‌ సిటీ కౌన్సిల్‌ సభ్యురాలిగా పని చేసిన ఆమె.. తర్వాత వైస్‌ మేయర్‌గా కూడ ఆకొంత కాలం విధులు నిర్వహించారు. రెండేళ్ల క్రితం మహిళల కోసం నెలకొల్పిన ఓ ఇనిస్టిట్యూట్‌లో సహ భాగస్వామిగా ఉన్న ఆమెకు.. రాజకీయంగా మంచి పరపతి ఉంది. అయితే ఎటొచ్చి ప్రచారం కోసం బెట్టినా ఏలియన్ల కథను మళ్లీ తెరపైకి తీసుకురావటంతో.. అది ఆమె విజయానికి ఏ మేర సహకరిస్తుందన్నది అనుమానమేనన్న అభిప్రాయం వ్యక్తమవుతోంది.


 మియామి ఓపెన్ మహిళల డబుల్స్ టోర్నమెంట్లో సానియా మీర్జా-బార్బోరా స్టికోవా ద్వయం ఫైనల్లోకి ప్రవేశించింది. శనివారం జరిగిన సెమీ ఫైనల్లో సానియా జోడి 6-7(8) 6-1, (10-4) తేడాతో మార్టినా హింగిస్(స్విట్జర్లాండ్)-చెన్ యంగ్ జన్(తైవాన్) జంటపై గెలిచి తుది పోరుకు అర్హత సాధించింది.తొలి సెట్ ను కోల్పోయిన సానియా ద్వయం.. రెండో సెట్ను సునాయాసంగా దక్కించుకుంది. ఆ తరువాత నిర్ణయాత్మక మూడో సెట్ సూపర్ టై బ్రేక్ కు దారితీసింది. అందులో సానియా జోడి పైచేయి సాధించి ఫైనల్ రౌండ్ కు చేరింది.
 
 ఇది  2017లో  సానియా జోడికి రెండో ఫైనల్. అంతకుముందు సానియా-స్ట్రికోవా సిడ్నీ ఇంటర్నేషనల్ టోర్నీలో ఫైనల్ రౌండ్ కు చేరారు. అక్కడ ఈ జోడి రన్నరప్ గా సరిపెట్టుకుంది.


 మియామి: అమెరికాలో దొంగలు బరితెగించారు. డోనాల్డ్ ట్రంప్ నగ్న విగ్రహాన్ని మాయం చేశారు. మియామి పోలీస్ శాఖ ట్విట్టర్ ద్వారా ఈ విషయాన్ని వెల్లడించింది. వివరాల్లోకి వెళితే..
 
 మియామి సిటీకి సమీపంలోని వెయిన్ వుడ్ లో ఉన్న ట్రంప్ నగ్న విగ్రహాన్ని గురువారం దొంగలు ఎత్తుకెళ్లారు. నలుగురైదుగురు వ్యక్తులు వచ్చి విగ్రహాన్ని ట్రక్కులోకి ఎక్కించడం చూశామని స్థానికులు పోలీసులకు చెప్పారు. ఒకరు మాత్రం అడుగు ముందుకేసి ట్రక్కు తాలూకు ఫొటోను తీసినట్లు చెప్పాడు. ట్రక్కు రిజిస్ట్రేషన్ నంబర్ ఆధారంగా దాని యజమాని అలెజాండ్రో కోసం పోలీసులు గాలిస్తున్నారు. విగ్రహం చోరీలో ఇతని పాత్రకూడా ఉందని అనుమానిస్తున్న పోలీసులు అలెజాండ్రో ఫోటో, చిరునామాను ట్విట్టర్ లో ఉంచి 'ఇతణ్ని ఎక్కడైనా చూస్తే సమాచారం ఇవ్వండి' అంటూ ప్రజలకు సూచించింది.
 
 అమెరికా అధ్యక్ష పీఠం కోసం పోటీపడుతున్న రిప‌బ్లిక‌న్ అభ్య‌ర్థి డొనాల్డ్ ట్రంప్‌ వ్యవహారశైలి నచ్చని కొందరు ఆయన నగ్న విగ్రహాలు తయారుచేసి ప్రధాన నగరాల్లో ప్రదర్శించిన సంగతి తెలిసిందే. తమనుతాము 'ఇన్‌డిక్లైన్ గ్రూప్'గా చెప్పుకున్న కొందరు చేపట్టిన వెరైటీ నిరసనను గంటల వ్యవధిలోనే పోలీసులు అడ్డుకున్నారు. న్యూయార్క్‌లో బిజీగా ఉండే యూనియ‌న్ స్క్వేర్‌ సహా సీటెల్‌, క్లీవ్‌లాండ్‌, లాస్ ఏంజిల్స్‌, శాన్‌ఫ్రాన్సిస్కో న‌గ‌రాల్లోనూ ట్రంప్‌కు వ్య‌తిరేకంగా ఏర్పాటుచేసిన నగ్న విగ్రహాలను తొలిగించారు. చట్టవ్యతిరేక చర్య కాబట్టి నగ్న విగ్రహాల్లో చాలా వాటిని స్థానిక అధికారులు ముక్కలు చేశారు. కానీ ఒక్క విగ్ర‌హాన్ని మాత్రం పగలగొట్టలేదు. ఇప్పుడు దొంగలు ఎత్తుకెళ్లింది దానినే!
 
 సదరు ట్రంప్ విగ్రహాం అక్టోబర్ 22న వేలం వేయనున్నారు. దాని విలువ 10 వేల నుంచి 20 వేల డాల‌ర్లు పలకవచ్చని జూలియ‌న్ ఆక్ష‌న్స్ అంచ‌నా వేస్తోంది. వేలం ద్వారా వ‌చ్చిన డ‌బ్బుల‌ను వ‌ల‌స వాదుల హ‌క్కుల కోసం పోరాడుతున్న గ్రూప్‌న‌కు అంద‌జేయ‌నున్నారు. వ‌ల‌స‌ల‌ను అడ్డుకునేందుకు అమెరికా, మెక్సికో మ‌ధ్య గోడ క‌డ‌తానని అన‌డం, అమెరికాలో స‌రైన ప‌త్రాలు లేకుండా ఉన్న ల‌క్ష‌లాది మందిని బ‌య‌ట‌కు పంపించేస్తాన‌ని ట్రంప్ తరచూ వ్యాఖ్యానిస్తున్న సంగంతి విదితమే.
  
 
 If you know Pedro Rodriguez, contact us. He is being sought as a person of interest in the theft of a @realDonaldTrump statue in #Wynwood. pic.twitter.com/dTFjx1cxV9
 — Miami PD (@MiamiPD) 22 September 2016


 ఫ్లోరిడాలో పోలీసులకు దిమ్మతిరిగే దృశ్యం కనిపించింది. ఓ ఇంట్లో భద్రంగా దాచిన 24 బక్కెట్లలో కోట్ల కొద్దీ డబ్బు కనిపించడంతో  షాక్ అయ్యారు. అక్రమ వ్యాపారం నిర్వహించగా  వచ్చిన డబ్బును మియామీ ప్రాంతంలోని ఓ వ్యాపారి ఎవ్వరికీ తెలియకుండా దాచిపెట్టిన వార్త.. ఇప్పుడక్కడ  పెద్ద సంచలనంగా మారింది.
 
 అటకమీద ఎవ్వరికీ కనిపించకుండా దాచిన బక్కెట్లనిండా డబ్బుతోపాటు, కొన్ని డ్రగ్స్, ఓ గన్ కనిపించడంతో పోలీసులు అవాక్కయ్యారు. అమెరికా ఫ్లోరిడాలోని మియామీలోని ఓ ఇంట్లో  తన అక్రమ వ్యాపారంతో సంపాదించిన డబ్బును సదరు వ్యాపారి బక్కెట్లలో భద్రంగా దాచుకున్నాడు. ఇంటి అటకమీద 24 బక్కెట్లలో దాచిపెట్టిన 163 కోట్ల రూపాయలను (సుమారు 20 మిలియన్ డాలర్లు) పోలీసులు స్వాధీనం చేసుకున్నారు. సొమ్ముతోపాటు, అత్యంత ఖరీదైన తుపాకీ, కొన్ని డ్రగ్స్ ను స్వాధీనం చేసుకొన్న మియామీ పోలీసులు.. వ్యాపారిని సైతం అదుపులోకి తీసుకున్నారు. 44  ఏళ్ళ లూయిస్ హెర్నాండెజ్ గాంజలెజ్, ఆయన సోదరి 32 ఏళ్ళ సల్మా గాంజలెజ్ లను అక్రమ డ్రగ్స్ వ్యాపారం చేస్తున్న కేసులో అరెస్టు చేశారు.  
 
 గార్డెన్ సామాన్లు అమ్మే బిజినెస్ నిర్వహిస్తున్న నిందితులు, అక్రమంగా మాదక ద్రవ్యాల వ్యాపారం కూడ చేస్తున్నారన్న సమాచారంతో పోలీసులు.. వారి ఇంట్లో సోదాలు నిర్వహించారు. ఇంట్లోని అటకపై భద్రంగా దాచిపెట్టిన బక్కెట్ల కొద్దీ డబ్బును,  డ్రగ్స్ ను స్వాధీనం చేసుకోవడంతో పాటు వారిద్దరిపై మనీ ల్యాండరింగ్ కేసు నమోదు చేసినట్లు తెలిపారు. సెర్చ్ వారెంట్ తో నిందితుల ఇంట్లోకి ప్రవేశించిన పోలీసులు అటకపై ఉన్న బక్కెట్లు చూసి షాకయ్యారు. వాటితోపాటు ఎనబాలిక్ స్టెరాయిడ్లు, టీఈసీ-9 పిస్టల్ కనిపించడంతో వారి అనుమానాలు నిజమయ్యాయి. వెంటనే అలర్టయిన పోలీసులు... నిందితులను అదుపులోకి తీసుకొని  అనంతరం కోర్టులో ప్రవేశ పెట్టారు. ఇంత భారీ మొత్తంలో నగదు స్వాధీనం చేసుకోవడం ఇదే మొదటిసారి అని చెప్తున్నారు.


 ఇక్కడ కనిపిస్తున్న మినీబస్సు పేరు ‘ఒల్లి’. అమెరికాలోని వాషింగ్టన్‌లో గురువారం నుంచి రోడ్డుపై కెక్కింది. ఈ బస్సును కేవలం 11 గంటల్లో తయారు చేయవచ్చు! విద్యుత్తుతో పనిచేస్తుంది కాబట్టి మోటర్‌ను తెచ్చుకుంటే చాలు.. మిగిలిన పనంతా త్రీడీ ప్రింటర్ చూసుకుంటుంది. కేవలం పది గంటల్లో ఈ మినీ బస్సుకు అవసరమైన   అన్ని భాగాలను ప్రింట్ చేసేసి ఇస్తుంది. గంట టైమ్‌లో ఈ విడిభాగాలన్నింటినీ అసెంబ్లింగ్ చేసి బస్సును రోడెక్కించవచ్చట! 12 మంది ప్రయాణించేందుకు వీలున్న ఒల్లీ ఒక సెల్ఫ్ డ్రైవర్ మినీబస్సు.
 
 అంటే డ్రైవర్ ఉండడు. ఐబీఎం అభివృద్ధి చేసిన సూపర్ కంప్యూటర్ ‘వాట్సన్’ పుణ్యమా అని ఒల్లీతో మనం ఫ్రెండ్స్‌తో మాట్లాడినట్లే మాట్లాడొచ్చు... ‘‘మధ్యాహ్నం 3.30కి అబిడ్స్ దగ్గర పికప్ చేసుకో’ అని స్మార్ట్‌ఫోన్ అప్లికేషన్ ద్వారా చెప్పేయవచ్చు. ప్రస్తుతానికి ఇది వాషింగ్టన్ డీసీలో మాత్రమే అందుబాటులో ఉంది. త్వరలో లాస్‌వెగాస్, మియామీల్లోనూ సేవలు ప్రారంభించవచ్చునని దీని తయారీదారులైన ‘లోకల్ మోటార్స్’ ప్రతినిధులు అంటున్నారు.


 హైదరాబాద్: తెలుగు యువకుడొకరు అమెరికాలో దారుణ హత్యకు గురయ్యారు. హైదరాబాద్ లోని కుషాయిగూడ ప్రాంతానికి చెందిన సాయికిరణ్(21) అనే యువకుడిని దుండగులు కాల్చి చంపారు. ఫ్లోరిడాలోని మియామి ప్రాంతంలో ఈ దారుణం చోటుచేసుకుంది.
 
 ఐఫోన్ కోసం నల్లజాతీయులు అతడిని హత్య చేసినట్టు కుటుంబ సభ్యులకు సమాచారం అందింది. 45 రోజుల క్రితమే ఉన్నత చదువుల కోసం సాయికిరణ్ అమెరికా వెళ్లాడు. కుమారుడి మరణ వార్తతో సాయికిరణ్  తల్లిదండ్రులు విషాదంలో మునిగిపోయారు.