స్కూల్ బస్సు బోల్తా: 30 మంది విద్యార్థులకు గాయాలు

మహబూబ్నగర్ జిల్లా పెబ్బెరు మండలం శ్రీరంగాపూర్ గ్రామ సమీపంలో శుక్రవారం ఉదయం విద్యార్థులతో వెళ్తున్న ప్రైవేట్ స్కూల్ బస్సు బోల్తా పడింది. ఆ ఘటనలో 30 మంది విద్యార్థులు గాయపడ్డారు. దాంతో రహదారిపై వెళ్తున్న వాహనదారులు, స్థానికులు వెంటనే స్పందించి బొల్తా పడిన బస్సులోంచి విద్యార్థులను బయటకు తీసి, 108 కు సమాచారం అందించారు. 

దాంతో విద్యార్థులను ప్రభుత్వ ఆసుపత్రికి తరలించారు. విద్యార్థులకు స్వల్పంగానే గాయాలయ్యాయని వైద్యులు వెల్లడించారు. అయితే ఎదురుగా వస్తున్న వాహనాన్ని తప్పించే క్రమంలో స్కూల్ బస్సు బోల్తా పడిందని స్థానికులు తెలిపారు. పోలీసులు సంఘటన స్థలానికి చేరుకుని స్కూల్ బస్సును రహదారిపై నుంచి పక్కకు తప్పించారు.