టీడీపీ ఎమ్మెల్యే చింతమనేని వీరంగం

టీడీపీ ఎమ్మెల్యే చింతమనేని వీరంగం

ఏలూరు : వివాదాలకు కేరాఫ్ అడ్రస్గా మారిన ప్రభుత్వ విప్, పశ్చిమ గోదావరి జిల్లా దెందులూరు ఎమ్మెల్యే చింతమనేని ప్రభాకర్ మళ్లీ తన ప్రతాపం చూపించారు. ప్రభుత్వ ఉద్యోగులపై తరచూ దాడులకు పాల్పడే ఆయన మరోసారి తన నోటికి పని చెప్పారు. తాజాగా అటవీ శాఖ అధికారి వినోద్ కుమార్ను ఫోన్లో అసభ్యంగా దూషించారు. నువ్వో... నేనో తేల్చుకుందామంటూ ఎమ్మెల్యే చింతమనేని సవాల్ విసిరారు. రహదారి పనులను అడ్డుకుంటే సహించేది లేదంటూ ఆయన బెదిరింపులకు పాల్పడ్డారు.

కాగా ఎమ్మెల్యే చింతమనేని కొల్లేరు ప్రాంతంలో అటవీశాఖ నిబంధనలకు విరుద్ధంగా రహదారిని నిర్మించారు. దీనిపై ప్రశ్నించిన అధికారులపై గతంలోనే దాడులకు దిగిన విషయం తెలిసిందే. ఈ ఘటనకు సంబంధించి ఎమ్మెల్యేపై కేసు కూడా నమోదు అయింది. కాగా గతంలో ఇసుక అక్రమ తవ్వకాలను అడ్డుకునేందుకు వెళ్లిన కృష్ణాజిల్లా ముసునూరు ఎమ్మార్వో డి.వనజాక్షిపై చింతమనేని ప్రభాకర్తో పాటు ఆయన అనుచరులు దాడి చేశారు. ఈ సంఘటన రాష్ట్రవ్యాప్తంగా సంచలనం సృష్టించిన విషయం తెలిసిందే.