చైనా టపాసుల ఫ్యాక్టరీలో పేలుళ్లు.. 10 మంది మృతి

చైనా టపాసుల ఫ్యాక్టరీలో పేలుళ్లు.. 10 మంది మృతి

చైనా: చైనాలో ఓ ఫ్యాక్టరీలో పేలుళ్లు చోటుచేసుకొని 10మంది ప్రాణాలుకోల్పోయారు. టపాసుల ఫ్యాక్టరీలో ఈ ఘటన చోటుచేసుకుంది. మీడియా వర్గాలు తెలిపిన ప్రకారం చైనాలోని హెనాన్ ప్రావిన్స్ లోగా ఓ టపాసుల ఫ్యాక్టరీలో అక్కడి కాలమానం ప్రకారం గురువారం ఉదయం 10.48గంటలకు పేలుళ్లు చోటుచేసుకున్నాయి.

దీంతో అక్కడికక్కడే 10మంది ప్రాణాలుకోల్పోగా.. మరో డజనుమందికిపైగా గాయపడ్డారు. వీరిలో ఐదుగురి పరిస్థితి విషమంగా ఉంది. షార్ట్ సర్క్యూట్ వల్లగానీ, రసాయనాల మిశ్రమం కలిపే సమయంలోగానీ ఈ ప్రమాదం చోటుచేసుకుని ఉండొచ్చని అధికారులు చెప్తున్నారు. విచారణ ప్రారంభించారు.