TV
నటికి తప్పిన రోడ్డు ప్రమాదం
లాస్ ఎంజెల్స్: హాలీవుడ్ టీవీ రియాలిటీ షో నటి క్రిస్ జెన్నర్ పెద్ద ప్రమాదం నుంచి బయటపడింది. ఆమె ప్రయాణిస్తున్న కారు మరో కారును ఢీకొట్టింది. అయితే, ఎలాంటి గాయాలు కూడా అవకుండా బయటపడింది. ఈ విషయాన్ని క్రిస్ జెన్నర్ కూతురు కైలీ జెన్నర్ తెలిపింది.
ఈ ప్రమాదం వల్ల తన తల్లికి ఏమీ కాలేదని, కంగారు పడాల్సిన పనిలేదని, తను బానే ఉందంటూ ట్వీట్ చేసింది. తన రోల్స్ రాయస్ కారులో క్రిస్ లాస్ ఎంజెల్స్ లోని కాలబసాస్ రోడ్డులో వెళుతూ 101 ప్రీవే వద్ద ఓ కారును ఢీకొట్టింది. అయితే, ఆ కారు వివరాలుగానీ, ఆ కారులోని డ్రైవర్ పరిస్థితిగానీ ఇంకా తెలియరాలేదు. కారు డ్రైవింగ్ చేస్తున్నప్పుడు క్రిస్ మాత్రమే తన కారులో ఉంది. ఈ ప్రమాదంలో ఆమె కారు ముందు భాగం పూర్తిగా దెబ్బతినగా తన మణికట్టుకు కూడా గాయం అయిందని తెలుస్తోంది.
