పొట్టి బట్టలేసుకునే వాళ్లు చావాల్సిందేనంటూ..

పొట్టి బట్టలేసుకునే వాళ్లు చావాల్సిందేనంటూ..

ఇస్తాంబుల్: పొట్టి దుస్తులు వేసుకొని వచ్చిందని ఓ యువకుడు బస్సులో ఓ యువతిపై దాడి చేశాడు. పిడిగుద్దులు కురిపించి కాళ్లతో తన్నాడు. ఈ ఘటన ఇస్తాంబుల్లో చోటుచేసుకుంది. దాడికి పాల్పడిన ఆ వ్యక్తిని ఉస్కుదార్ అనే చోట అరెస్టు చేశారు. 'పొట్టి దుస్తులు వేసుకునేవాళ్లంతా తప్పక చచ్చిపోవాల్సిందే' అని గట్టిగా అరుస్తూ ఆగ్రహంతో ఊగిపోతూ నర్సుగా పనిచేస్తున్న యువతి ముఖంపై చేతితో పంచ్లమీద పంచ్లు ఇచ్చి గాయపరిచాడు.

ఆ మహిళ బట్టలు వేసుకునే విధానం చూసి తనకు కోపం వచ్చిందని, ఆమె దుస్తులు సరైన విధంగా లేవని పోలీసులకు తెలిపాడు. అందుకే తాను ఆగ్రహానికి లోనై అలా ప్రవర్తించానని వివరించాడు. ఈ దాడికి పాల్పడిన ఆ యువకుడు ఓ కంపెనీలో సెక్యూరిటీ గార్డులా పనిచేస్తున్నాడు. టర్కీలో మహిళలపై ఇలాంటి దాడులు జరగడం ఇటీవల సర్వసాధారణంగా మారాయి. భర్తలు కూడా కొట్టి చంపుతుండటంవంటి ఘటనలు కూడా చోటుచేసుకుంటున్నాయి.