గేల్‌ను ఇంటర్వ్యూ చేసిన కోహ్లీ

 

మ్యాచ్‌ అనంతరం కోహ్లీ, గేల్‌ను సరదాగా ఇంటర్వ్యూ చేశాడు. మైక్‌ అందుకున్న కోహ్లీ ‘నాతో ఓపెనింగ్‌ భాగస్వామ్యం పంచుకోవడం ఎలా ఉందన్నాడు. నువ్వు (కోహ్లీ) ఓ గొప్ప ఆటగాడివని,చాల పరుగులు చేసిన వీరుడివని, నీతో భాగస్వామ్యం​ పంచుకోవడం గొప్ప అనుభూతిగా ఉందని గేల్‌ బదులిచ్చాడు. నీవు కేరీర్‌లో మరిన్ని పరుగులు చేయాలని మనస్పూర్తిగా కొరుకుంటున్నాని వ్యాఖ్యానించాడు’. ఈ సమాధానంతో ఇద్దరి మధ్య నవ్వులు పూసాయి. 150 స్ట్రైక్‌ రేట్‌తో 16 సెంచరీలతో గేల్‌ 10 వేల పరుగులు చేయడం సంతోషంగా ఉందని కోహ్లీ తెలిపాడు. వెంటనే గేల్‌ 16 కాదు 18 సెంచరీలని కోహ్లీకి గుర్తు చేశాడు. టీ20ల్లో 10 వేల పరుగులు కొట్టిన తొలి బ్యాట్స్‌ మన్‌ గా నిలవడం నాకు దక్కిన అరుదైన గౌరవంగా భావిస్తున్నా. నాకు మద్దతుగా నిలిచిన అభిమానుల, ఫ్రాంచైజీలకు ధన్యవాదాలు. మున్ముందు కూడా నా ఆటతో అభిమానులకు అలరించేందుకు ప్రయత్నిస్తాన’ని క్రిస్‌ గేల్‌ చెప్పాడు. తనదైన శైలిలోనే ఆడతానని, భవిషత్తులో మరిన్ని వేల పరుగులు సాధిస్తానని విశ్వాసం వ్యక్తం చేశాడు. కోహ్లీని ఉద్దేశించి మీరంతా నాకు ప్రత్యేకమని గేల్‌ అభిప్రాయపడ్డాడు.