అమియో డీజిల్ వేరియంట్... రేటెంతో తెలుసా?

పండుగ సీజన్లో కస్టమర్లను మురిపించేందుకు యూరప్ దిగ్గజ కార్ల తయారీ కంపెనీ ఫోక్స్వాగన్ అమియో డీజిల్ వేరియంట్ను భారత మార్కెట్లోకి ప్రవేశపెట్టింది. ప్రారంభ ధర రూ.6.27 లక్షలుగా కంపెనీ పేర్కొంది. టాప్ వేరియంట్ ధర రూ.9.32 లక్షలుగా(ఎక్స్ షోరూం ఢిల్లీలో) కంపెనీ వెల్లడించింది. హోండా అమేజ్, టాటా జిస్ట్, ఫోర్డ్ ఫిగో ఆస్పైర్, హ్యుందాయ్ అసెంట్లకు గట్టిపోటీగా వచ్చిన ఫోక్స్ వాగన్ అమియో పెట్రోల్ వెర్షన్కు.. తోబుట్టువుగా ఈ డీజిల్ వెర్షన్ ను ఫోక్స్వాగన్ మార్కెట్లోకి తీసుకొచ్చింది. పెట్రోల్ వెర్షన్ మాదిరిగానే ఈ డీజిల్ కారును కూడా మూడు వేరియంట్లలో ఫోక్స్వాగన్ ప్రవేశపెట్టింది.