TV
గొలుసులతో కూతుర్ని స్తంభానికి కట్టేసి..
8 ఏళ్ల బాలిక స్కూలు ఎగ్గొట్టినందుకు తల్లి క్రమశిక్షణ పేరుతో అమానుషంగా ప్రవర్తించింది. తల్లి ఆ పాప కాళ్లకు గొలుసులు వేసి, అపార్ట్మెంట్ బయట వీధిలో ఓ స్తంభానికి తాళం వేసి కట్టేసింది. మలేసియా రాజధాని కౌలాలంపూర్లో ఈ దారుణం జరిగింది.
వీధిలో వెళ్తున్న వారు బాలిక దీనస్థితిని చూసి కాపాడేందుకు ప్రయత్నించారు. కాగా కాళ్లకు గొలుసులు వేసి తాళం వేసి ఉండటంతో వీలుకాలేదు. వాళ్లు వెంటనే పోలీసులకు సమాచారం అందించారు. పోలీసులు అక్కడి చేరుకునే వరకు గంటకుపైగా ఆ అమ్మాయి అలాగే ఏడుస్తూ ఉండిపోయింది. స్కూలుకు వెళ్లనందుకు తన తల్లి గొలుసులతో కట్టివేసిందని ఆ పాప పోలీసులకు చెప్పింది. పోలీసులు పాప తల్లిని పిలిపించి తాళం తీయించి విడిపించారు. మరోసారి కూతురి పట్ల ఇలా ప్రవర్తించవద్దని పోలీసులు అమ్మాయి తల్లిని మందలించారు.
