హనీ రోజ్‌ పాన్‌ ఇండియా సినిమా ప్రారంభం.. ఆమె తొలి రెమ్యునరేషన్‌ ఎంతో తెలుసా?

నేడు హనీ రోజ్‌ 'రాహేలు' సినిమా మొదలైంది. ఇది తన మొదటి పాన్‌ ఇండియా సినిమా. ఈ ప్రాజెక్టు తన జీవితంలో మరో మెట్టు ఎక్కేందుకు దోహదపడుతుందని పూజా కార్యక్రమంలో ఆమె తెలిపింది.

ఏ వేదికపైనైనా రాణిలా కనిపించే నటి హనీ రోజ్. ఆమెకు అభిమానుల సంఖ్య భారీగానే ఉంది. ‘వీరసింహారెడ్డి’లో బాలకృష్ణకు జోడీగా నటించి మంచి గుర్తింపు తెచ్చుకుంది హనీ రోజ్‌. ఆమెకు మన దేశంలోనే కాదు.. విదేశాల్లో కూడా హనీకి అభిమానులు ఉన్నారు.

ఆమె తెలుగులో పెద్దగా సినిమాలు చేసింది కూడా ఏమీ లేదు కానీ ఒక టాప్‌ హీరోయిన్‌ కంటే ఆమెకే ఎక్కువ ఫ్యాన్స్‌ ఉన్నారు.

ఏదైనా ఆమె ఒక షాపింగ్‌ మాల్‌ ప్రారంభోత్సవానికి హనీ అతిథిగా హాజరైతే చాలా మంది లక్షల రూపాయలు చెల్లిస్తున్నారు.

హనీ రోజ్‌ మలయాళ చిత్రసీమలో 18 ఏళ్లుగా కొనసాగుతున్న విషయం తెలిసిందే. వినయన్ దర్శకత్వంలో వచ్చిన 'బాయ్‌ఫ్రెండ్' సినిమా ఆమెకు తొలి చిత్రం.

హనీ ఆనాటి లుక్‌తో పాటు ప్రేక్షకుల ఆదరణ నేడు చూస్తుంటే ఆమె క్రేజ్‌ అమాంతం పెరిగింది. ఇదంతా ఆమెకు ఒక్కరోజులో రాలేదు. సుమారు 18 ఏళ్ల పాటు కష్టపడితే ఇప్పుడా గుర్తింపు తెచ్చుకుంది.

హనీ రోజన్‌ తొలి రెమ్యునరేషన్‌ను 'బాయ్‌ఫ్రెండ్' సినిమా దర్శకుడు వినయన్‌ అందజేశారు. ఆ సినిమాకు గాను ఆమెకు రూ. 10 వేలు ఇచ్చారు. అదే ఆమె మొదటి సంపాదన అని చెప్పింది.

హనీ లుక్స్‌తో పాటు ఆమె వేషధారణ పట్ల కొందరు సైబర్‌ నేరగాళ్లు ఎన్నో విధాలుగా బాడీ షేమ్‌కు గురిచేశారు. అయనప్పటికీ హనీ ఏ మాత్రం తగ్గలేదు. వాటంన్నిటినీ అదిగమించి జీవితంలో ముందుకు సాగింది.

ప్లాస్టిక్ సర్జరీ వల్లే ఆమెకు ఇంత అందం వచ్చింది అనే ప్రశ్న వచ్చినా.. హనీ వాటన్నింటినీ తుంగలో తొక్కి వెటకారంగా సమాధానం ఇచ్చింది. మలయాళంలో మోహన్‌లాల్‌ నటించిన మాన్‌స్టర్‌ చిత్రం హనీకి చివరి చిత్రం.

బాలయ్య చిత్రం వీరసింహా రెడ్డితో ఆమె తెలుగు ప్రేక్షకులకు మరింత దగ్గరైంది. ఇందులో ఆమె అందరి దృష్టిని ఆకర్షించింది.

హనీ అభిమానులు ఇప్పుడు తన పాన్‌ ఇండియా సినిమా అయిన 'రేచల్' కోసం ఎదురుచూస్తున్నారు. ఇంతకుముందెన్నడూ చూడని హనీ ఇప్పుడు తెరపైకి వచ్చిందనే హింట్ ఇస్తూ పోస్టర్ ఇప్పటికే వైరల్‌గా మారింది.

మలయాళంలో రానున్న ఆ సినిమాను ఆనందిని బాల తెరకెక్కిసున్నారు. ఇటీవల ఈ సినిమా చిత్రీకరణను కేరళలో పూజా కార్యక్రమాలతో ప్రారంభించారు.

ఈ చిత్రం తన సినీ జీవితంలో మైలురాయిగా నిలిచిపోతుందని చెప్పిందామె. పూజకు సంబంధించిన వీడియోను తాజాగా తన సామాజిక మాధ్యమాల వేదికగా అభిమానులతో పంచుకుంది హనీ రోజ్‌.

హనీ రోజ్‌