'బాహుబలి', 'ఆర్ఆర్ఆర్' సంగీత దర్శకుడు ఎం.ఎం కీరవాణిని ఆస్కార్‌ అవార్డు ఆలస్యంగానే వచ్చిందని కేంద్ర సమాచార ప్రచార శాఖ మంత్రి ఎల్‌.మురుగన్‌ అన్నారు. నిర్మాత కేటీ కుంజుమన్‌ 1993లో నిర్మించిన చిత్రం జెంటిల్‌మెన్‌. నటుడు అర్జున్‌, మధుబాల జంటగా నటించిన ఈ చిత్రం ద్వారా శంకర్‌ దర్శకుడిగా పరిచయమయ్యారు. ఆ చిత్రం అప్పట్లో సంచల విజయాన్ని సాధించింది. 30 ఏళ్ల తర్వాత ఆ చిత్రానికి సీక్వెల్‌ తీస్తున్నారు. దీనికి గోకుల్‌ కృష్ణ దర్శకుడు. ఆస్కార్‌ అవార్డు గ్రహీత కీరవాణి సంగీతం అందిస్తున్నారు. (ఇదీ చదవండి: ప్రేయసిని పెళ్లాడిన హీరో, ఫోటోలు వైరల్‌)  చేతన్‌ శీను, నయనతార చక్రవర్తి, ప్రియాలాల్‌ హీరోహీరోయిన్‌లుగా నటిస్తున్నారు. ఈచిత్ర ప్రారంభోత్సవ కార్యక్రమం శుక్రవారం ఉదయం చైన్నె ఎగ్మూర్‌లోని రాజా ముత్తయ్య హాల్లో గ్రాండ్ గా నిర్వహించారు. ఈ ఈవెంట్‌లో కేంద్ర సమాచార ప్రచార శాఖ మంత్రి పాల్గొన్నారు. పలువురు సినీ ప్రముఖులు అతిథులుగా పాల్గొన్న ఈ వేదికపై సంగీత దర్శకుడు కీరవాణిని ఘనంగా సత్కరించారు. కేంద్రమంత్రి మురుగన్‌ మాట్లాడుతూ.. తమిళ సినిమా ఇప్పుడు అంతర్జాతీయ స్థాయికి చేరుకుందని అన్నారు.  తమిళ ఇండస్ట్రీ ఇలా పేరు తెచ్చుకోవడంలో ఎంజీఆర్‌, శివాజీ గణేషన్‌ పాత్ర చాలా ఉందని గుర్తుచేసుకున్నారు. నిర్మాత కుంజుమన్‌ మంచి చిత్రాలను నిర్మిస్తున్నారని, సంగీత దర్శకుడు కీరవాణి 33 ఏళ్లుగా సంగీత రంగంలో ఉన్నారని అన్నారు. ఆయనకు ఆస్కార్‌ అవార్డు ఎప్పుడో రావాల్సిందని, ఇప్పుడు కొంచెం ఆలస్యంగా వచ్చిందనే అభిప్రాయాన్ని మురుగన్ వ్యక్తం చేశారు. ఆయన్ని ఆశీర్వదించడానికి తనకు వయస్సు చాలదని చెప్పుకొచ్చారు. జెంటిల్‌మెన్‌ సీక్వెల్‌ చిత్రం ఘనవిజయాన్ని సాధించాలని ఆకాంక్షిస్తున్నట్లు కేంద్ర మంత్రి మురుగన్‌ పేర్కొన్నారు. (ఇదీ చదవండి: జబర్దస్త్‌ ఆర్టిస్ట్‌పై కేసు నమోదు)

ముప్పైఏళ్ల క్రితం అర్జున్‌ హీరోగా శంకర్‌ దర్శకత్వంలో కేటీ కుంజుమోన్‌ నిర్మించిన ‘జెంటిల్‌ మేన్‌’ సంచలన విజయం సాధించింది.  ఆ తర్వాత నిర్మించిన ‘ప్రేమ దేశం’, ‘రక్షకుడు’ వంటివి కూడా భారీ బడ్జెట్‌ చిత్రాలే. చాలా గ్యాప్‌ తర్వాత కుంజుమోన్‌ ‘జెంటిల్‌ మేన్‌ 2’కి శ్రీకారం చుట్టారు. చేతన్‌ శ్రీను హీరోగా గోకుల్‌కృష్ణ దర్శకత్వం వహిస్తున్న ఈ చిత్రం ప్రారంభోత్సవం చెన్నైలో జరిగింది. ఈ వేడుకలో తమిళనాడు సమాచార, ప్రసార, మత్స్య, పశుసంవర్థక, పాడి పరిశ్రమ శాఖా మంత్రి ఎల్‌. మురుగన్‌ ముఖ్య అతిథిగా పాల్గొన్నారు. ఆస్కార్‌ అవార్డ్‌ గ్రహీత ఎంఎం కీరవాణి ఈ చిత్రానికి సంగీతదర్శకుడు. ఈ వేదికపై కీరవాణిని సన్మానించారు కుంజుమోన్‌. ‘‘ప్రతి ఒక్కరూ జెంటిల్‌మేన్‌ అవ్వాలి అనేది ఈ చిత్రం ప్రధానాంశం’’ అన్నారు కుంజుమోన్‌.

Gentleman 2 Movie Producer Kunjumon Announces Second Heroine: 1993లో విడుదలై సంచలన విజయం సాధించిన యాక్షన్‌ కింగ్‌ అర్జున్‌ చిత్రం 'జెంటిల్‌ మేన్'. ప్రస్తుతం ఈ సినిమాకు సీక్వెల్‌గా 'జెంటిల్‌ మేన్‌ 2' రానుంది. ఈ చిత్రాన్ని నిర్మిస్తున్నట్లు ప్రొడ్యూసర్‌ కె.టి. కుంజుమోన్‌ 2020లో ప్రకటించిన విషయం తెలిసిందే. ఈ సినిమాలో హీరోయిన్‌గా ఇటీవల మాలీవుడ్‌ బ్యూటీ నయనతార చక్రవర్తిని ఎంపిక చేశారు. తాజాగా ఈ చిత్రం కోసం మరో హీరోయిన్‌ను సెలెక్ట్‌ చేసినట్లు ప్రొడ్యూసర్‌ కె.టి. కుంజుమోన్‌ సోషల్‌ మీడియా వేదికగా ప్రకటించారు. 'జెంటిల్‌ మేన్‌ 2' మూవీలో మరో హీరోయిన్‌గా ప్రియాలాల్‌ నటించనుందని అధికారికంగా తెలిపారు.  'జెంటిల్‌ మేన్‌ 2' మూవీలో ఇంకా హీరో ఎవరనేది వెల్లడికాలేదు. ప్రముఖ సంగీత దర్శకుడు ఎంఎం కీరవాణి ఈ సినిమాకు సంగీతం అందిచనున్నారు. ఈ సినిమా పాన్‌ ఇండియా చిత్రంగా తెరకెక్కబోతోంది. కాగా ఇదివరకు వచ్చిన 'జెంటిల్‌ మేన్‌' చిత్రానికి డైరెక్టర్‌ శంకర్ దర్శకత్వం వహించారు. మరీ ఈ సీక్వెల్‌ మూవీకి దర్శకత్వ బాధ్యతలు ఎవరికీ అప్పగిస్తారనేది తెలియాల్సి ఉంది. మరిన్ని వివరాలు త్వరలో వెల్లడి కానున్నట్లు సమాచారం.     The enthusiastic @PriyaaLal will be the another lead actress in our Mega movie #Gentleman2#ஜென்டில்மேன்2 #जेंटलमेन2 #ജെന്റിൽമാൻ2 #ಜಂಟಲ್ಮನ್2 #జెంటిల్మాన్2@mmkeeravaani #GentlemanFilmInternational@ajay_64403 @johnsoncinepro @UrsVamsiShekar @PRO_SVenkatesh @Fridaymedia2 pic.twitter.com/3mHPuvQ4jz — K.T.Kunjumon (@KT_Kunjumon) April 13, 2022

Gentleman 2 Movie Heroine Is Nayanthara Chakravarthy: అప్పట్లో యాక్షన్‌ కింగ్‌ అర్జున్‌ హీరోగా వచ్చిన 'జెంటిల్‌మెన్‌' సినిమా సంచలన విజయం సాధించింది. కె.టి. కుంజుమోన్‌ నిర్మాతగా వ్యవహరించిన ఈ చిత్రంతోనే శంకర్‌ దర్శకుడిగా పరిచయమయ్యారు. అనంతరం డైరెక్టర్‌గా శంకర్‌ పేరు ఏ రేంజ్‌లో పాపులర్‌ అయిందో ప్రత్యేకంగా చెప్పనవసరం లేదు. అంతేకాదు 'జెంటిల్‌మెన్‌' సినిమాతో అర్జున్‌కు కూడా మంచి పేరు వచ్చింది. 1993లో విడుదలైన ఈ సినిమాలో అర్జున్‌తోపాటు మధుభాల, శుభశ్రీ ప్రధాన పాత్రల్లో నటించి అలరించారు. ఇప్పటికీ ఈ మూవీ సినీ లవర్స్‌ మదిలో ఎవర్‌గ్రీన్‌ చిత్రం అని చెప్పవచ్చు. జెంటిల్‌మెన్‌ చిత్రం తర్వాత పలు భారీ చిత్రాలను నిర్మించిన నిర్మాత కె.టి. కుంజుమోన్‌ చాలా కాలం గ్యాప్‌ తర్వాత జెంటిల్‌మెన్‌ 2 సినిమా తీస్తున్నట్లు 2020లో ప్రకటించారు.  అప్పటి నుంచి ఈ సినిమాపై ఆసక్తి నెలకొంది. ఈ సినిమాలో మ్యూజిక్ డైరెక్టర్‌గా ఎం.ఎం. కీరవాణిని ప్రకటిస్తూ మీడియా ద్వారా వెల్లడించారు నిర్మాత కుంజుమోన్. తర్వాత ఈ సినిమాలో హీరోయిన్‌ ఎవరనే టాపిక్‌ నడుస్తోంది. మొదట్లో ఈ చిత్రంలో హీరోయిన్‌గా లేడీ సూపర్‌ స్టార్‌ నయనతారను సెలెక్ట్‌ చేసినట్లు పుకార్లు షికార్లు చేశాయి. ప్రస్తుతం వాటన్నింటికి చెక్‌ పెడుతూ హీరోయిన్‌ను వెల్లడించారు నిర్మాత కుంజుమోన్. సోషల్‌ మీడియా వేదికగా 'జెంటిల్‌మెన్‌ 2' చిత్రంలో హీరోయిన్‌ పేరును ప్రకటించారు. ఈ పాన్‌ ఇండియా చిత్రంలో మాలీవుడ్‌ బ్యూటీ నయనతార చక్రవర్తిని కథానాయికగా ఎంపిక చేసినట్లు అధికారికంగా వెల్లడించారు కుంజుమోన్. మాలీవుడ్‌లో ఈ బ్యూటీని బేబీ నయనతార అని కూడా పిలుస్తారట. అయితే ఈ సినిమాకు డైరెక్టర్‌ ఎవరనే విషయం మేకర్స్‌ ఇంకా వెల్లడించలేదు.   Happy to Introduce #NayantharaaChakravarthy as the lead actress in #Gentlemen2#ஜென்டில்மேன்2 #ജെന്റിൽമാൻ2#జెంటిల్మాన్2#ಜಂಟಲ್ಮನ್2@mmkeeravaani #GentlemanFilmInternational@ajay_64403 @johnsoncinepro @UrsVamsiShekar @Fridaymedia2 Another lead actress will be revealed soon pic.twitter.com/2MMkuCHF6N — K.T.Kunjumon (@KT_Kunjumon) March 23, 2022


 నేచురల్ స్టార్ నాని తాజా సినిమా 'జెంటిల్‌మన్' థియేటర్ ట్రైలర్‌ విడుదలైంది. దర్శకుడు ఇంద్రగంటి మోహన్ కృష్ణ శైలికి భిన్నంగా ఉత్కంఠ రేకెత్తించేలా ట్రైలర్ ఉంది. హీరో నాని తనదైన శైలిలో వినోదం పంచడంతో పాటు ఫైట్స్ కూడా చేశాడు. ప్రచార చిత్రంలోని డైలాగులు సినిమాపై మరింత ఆసక్తి పెంచుతున్నాయి.
 
 సినిమాలు చెడగొట్టేసినియ్, వయొలెన్స్ లేకుండా చూడగలిగే లవ్ స్టోరీలు ఎప్పుడొస్తాయో కదా అని నాని చెప్పిన డైలాగ్స్ ఆకట్టుకునేలా ఉన్నాయి. 'నీలో ఈ కోణం కూడా ఉందా, నాకు తెలిసి ఒక్కడే శత్రువు ఉన్నాడు' అని హీరోయిన్ తో చెప్పించి మరింత ఆసక్తి పెంచారు. 'ఫాసింగ్ యువర్ సీట్ బెల్ట్' అని నానితో చెప్పించి ట్రైలర్ ముగించారు. మణిశర్మ మ్యూజిక్ ఆకట్టుకుంది.
 
 ప్రచార చిత్రం ఆదిరిపోయిందని పలువురు కామెంట్ చేశారు. 'జెంటిల్‌మన్' థియేటర్ ట్రైలర్‌ ఫుల్ మస్తుగా ఉందని వెన్నెల కిశోర్ ట్వీట్ చేశాడు. రొమాంటిక్ థ్రిల్లర్ మూవీగా తెరకెక్కిన ఈ సినిమాలో నాని సరసన సురభి, నివేదా థామస్ హీరోయిన్లుగా నటించారు. శ్రీదేవి మూవీస్ అధినేత శివలెంక కృష్ణప్రసాద్ ఈ సినిమాను నిర్మించారు.


 హైదరాబాద్: నాని హీరోగా నటించిన 'జెంటిల్‌మన్' అఫీషియల్ టీజర్ విడుదలైంది. నాని డిఫరెంట్ లుక్ తో కన్పిస్తున్నాడు. యాక్షన్, డాన్స్ సీన్లతో ఇరగదీసినట్టు టీజర్ లో చూపించారు. హీరోయిన్ తో 'కనిపించేంత మంచి వాడు మాత్రం కాదు' అంటూ డైలాగ్ చెప్పించారు. ఈ సినిమాలో నాని హీరోనా, విలనా అంటూ మరింత ఆసక్తి రేకిత్తించారు. అయితే, టాలీవుడ్ భల్లాల దేవుడు రానా మాత్రం.. ''నువ్వు కనిపించే కన్నా చాలా మంచివాడివి. సూపర్బ్ వన్. ఆల్ ద బెస్ట్'' అంటూ ట్వీట్ చేశాడు.
 
 రొమాంటిక్ థ్రిల్లర్ మూవీగా రూపొందుతున్న ఈ సినిమాలో నాని సరసన సురభి, నివేదా థామస్ నటించారు. మోహనకృష్ణ ఇంద్రగంటి దర్శకత్వంలో తెరకెక్కుతున్న ఈ సినిమాను శ్రీదేవి మూవీస్ అధినేత శివలెంక కృష్ణప్రసాద్ నిర్మిస్తున్నారు. మణిశర్మ సంగీతం అందిస్తున్నారు. ఈ చిత్రానికి కథ: డేవిడ్ నాథన్, కెమేరా: పీజీ విందా, ఎడిటింగ్: మార్తాండ్ కె. వెంకటేశ్, కో-డెరైక్టర్: కోట సురేశ్‌కుమార్.
 
 Nuvvu kanipinchae kanna chaala manchi vadivi !! Superb one!! ATB @NameisNani https://t.co/QMpwQFsR6F
 — Rana Daggubati (@RanaDaggubati) 12 May 2016