ముంబై/డెహ్రాడూన్‌: ఉత్తరాఖండ్‌, మహారాష్ట్రలో ఘోర రోడ్డు ప్రమాద ఘటనలు చోటుచేసుకున్నాయి. ఆదివారం రాత్రి జరిగిన రోడ్డు ప్రమాదాల కారణంగా 14 మంది మృతిచెందారు. మరో 20 మందికి పైగా ప్రయాణికులు తీవ్రంగా గాయపడ్డారు. దీంతో, గాయపడిన వారిని ఆసుపత్రికి తరలించి చికిత్స అందిస్తున్నారు.ఉత్తరాఖండ్‌లో ఘోర బస్సు ప్రమాదం జరిగింది. పౌరీ జిల్లాలోని దహల్చోరి ప్రాంతంలో బస్సు అదుపు తప్పి 100 మీటర్ల లోతైన లోయలో పడిపోయింది. ఈ ప్రమాదంలో ఆరుగురు మృతి చెందగా, 16 మంది తీవ్రంగా గాయపడ్డారు. ప్ర‌మాదంపై సమాచారం అందుకున్న రెస్క్యూ టీం ఘటనాస్థలికి చేరుకుని సహాయక చర్యలు చేపట్టింది. గాయపడిన వారిని చికిత్స నిమిత్తం ఆసుపత్రికి తరలించిన‌ట్టు అధికారులు తెలిపారు. ప్రమాదం జరిగిన సమయంలో బస్సులో 22 మంది ప్రయాణికులు ఉన్నట్లు అధికారులు తెలిపారు.VIDEO | Uttarakhand: Five people feared dead as bus meets with an accident in Pauri. More details awaited.(Full video available on PTI Videos - https://t.co/n147TvqRQz) pic.twitter.com/F9RQzVuvpP— Press Trust of India (@PTI_News) January 12, 2025ఈ ప్రమాదంపై ఉత్తరాఖండ్ ముఖ్యమంత్రి పుష్కర్ సింగ్ ధామి విచారం వ్యక్తం చేశారు. మృతుల కుటుంబాలకు ప్రగాఢ సానుభూతి తెలిపారు. గాయపడిన వారు త్వరగా కోలుకోవాలని ఆకాంక్షించారు.మరోవైపు.. మహారాష్ట్రలోని నాసిక్‌లోని ద్వారకా సర్కిల్‌ వద్ద ఆదివారం రాత్రి టెంపో-ట్రక్కు ఢీకొన్న ప్రమాదంలో ఎనిమిది మంది మృతిచెందారు. ఈ ఘటనంఓ మరో ఆరుగురు తీవ్రంగా గాయపడ్డారు. దీంతో, వారిని స్థానిక ఆసుపత్రికి తరలించి చికిత్స అందిస్తున్నారు. ఈ ప్రమాదం జరిగిన సమయంలో టెంపో వాహనంలో 16 మంది ప్రయాణిస్తున్నట్టు పోలీసులు తెలిపారు. వీరంతా పుణ్యక్షేత్రాలు దర్శించుని ఇంటికి వెళ్తున్న సమయంలో ప్రమాదం జరిగినట్టు సమాచారం. #WATCH | Maharashtra | Visuals from the Nashik Mumbai Highway flyover where 6 people lost their lives in an accident between a pickup and a mini truck.5 other people are injured out of which 2 are in critical condition. The injured are being treated at the district hospital:… pic.twitter.com/RIYbwNCxFd— ANI (@ANI) January 12, 2025

నాసిక్‌ త్రయంబకం ఈ రెండింటినీ కలిపి పలుకుతారు. కానీ ఈ రెండింటికీ మధ్య 30 కిలోమీటర్ల దూరం ఉంది. త్రయంబకం జ్యోతిర్లింగం. ఇక్కడ పానవట్టం మీద మూడు చిన్న చిన్న శివలింగాలుంటాయి. నీరు ఊరుతూ ఉంటుంది. ఆ నీటిని చేత్తో తీసి బయట ΄ోస్తుంటారు పూజారులు. ఆ నీరు బ్రహ్మగిరి కొండల్లో నుంచి ఉబికి వస్తున్న గోదావరి నీరని చెబుతారు. త్రయంబకం ఆలయ నిర్మాణం ఒక అద్భుతం. గ్రానైట్‌ రాయిలో చెక్కిన గోపురం, ఆ గోపురంలో చెక్కిన శిల్పాల సౌందర్యం కనువిందు చేస్తుంది. శిల్పకారులకు చేతులెత్తి మొక్కాలనిపిస్తుంది. ఆలయంలో నాలుగు వైపులా ద్వారాలుంటాయి. స్పెషల్‌ దర్శనం కోసం ఆలయ సంస్థానం నిర్వహిస్తున్న దర్శనం కౌంటర్‌ ఉంటుంది. కానీ సమాంతరంగా స్థానికులు అవినీతిని ప్రోత్సహిస్తుంటారు. టికెట్‌ తీసుకోకుండా వాళ్ల చేతికి డబ్బిస్తే మరో ద్వారం నుంచి ఆలయంలో ప్రవేశపెడతారు. ఈ అవినీతిపరులు పర్యాటకులను మిస్‌లీడ్‌ చేస్తూ కౌంటర్‌ దగ్గరకు వెళ్లనివ్వకుండా దారి మళ్లిస్తుంటారు. ఆలయ కౌంటర్‌ నిడివి పెంచితే అవినీతి తగ్గుతుంది, ఆలయ గౌరవం పెరుగుతుంది. ఆలయం లోపల మాత్రం గంభీరమైన వాతావరణం, మనసును శివుడి మీద లగ్నం చేస్తుంది. త్రయంబకేశ్వరుడి దర్శనం తర్వాత ఎదురుగా కనిపిస్తున్న గుట్ట మీద అమ్మవారి ఆలయం ఉంది. త్రయంబకేశ్వరుడి ఆలయం పూర్తిగా నల్లగా ఉంటే అమ్మవారి విగ్రహంతోపాటు ఆలయం నేల నుంచి శిఖరం వరకు మొత్తం పాలరాతి నిర్మాణం. కొండ మీద గోదావరి త్రయంబకం తర్వాత బ్రహ్మగిరి కొండల వైపు సాగాలి. గోదావరి నది పుట్టిన ప్రదేశాన్ని చూడాలంటే నిట్టనిలువుగా ఉన్న కొండను నడిచి ఎక్కాల్సిందే. రెండు కొండల మధ్య ఇరుకు మెట్ల మీద పైకి వెళ్తుంటే నది పాయలు పర్యాటకులను పలకరించడానికి ఎదురు వచ్చినట్లు తల మీదకు జాలువారుతుంటాయి. కర్రసాయంతో కొండ ఎక్కడమే మంచిది. మెట్లెక్కి కొండ మీదకు చేరిన తర్వాత తెలుస్తుంది అది ఒక కొండ కాదని. విశాలంగా విస్తరించిన పశ్చిమ కనుమల శిఖరాల నుంచి ధారలు జలజలమని శబ్దం చేస్తూ కొండల మధ్య విశాలమైన ప్రదేశంలోకి చేరతాయి. అదే గోదావరి కుండ్‌. భక్తులు ఆ నీటిలో పుణ్యస్నానాలు చేస్తుంటారు. గోదావరి పుట్టిన ప్రదేశాన్ని చూసిన తర్వాత తిరుగు ప్రయాణంలో నాసిక్‌లో ఆగాలి. పంచవటి, సీతాగుహ, కాలారామ్‌ మందిర్‌ ప్రధానమైనవి. సీతాగుహలోకి వెళ్లి రావడం ఆసక్తిగా ఉంటుంది. కానీ రద్దీ చాలా ఎక్కువ. క్యూలైన్‌లోనే ఎక్కువ టైమ్‌ అయిపోతుంది. కాలారామ్‌ ఆలయంలో రాముడి విగ్రహం అందంగా ఉంటుంది. ఆలయ నిర్మాణం ఉత్తర దక్షిణాది శైలి సమ్మేళనంగా ఉంటుంది. నాసిక్‌లో నాణేల ముద్రణాలయం ఉంది. ఎత్తైన కాంపౌండ్‌ వాల్‌ను మాత్రమే చూడగలం. టూర్‌ ఆపరేటర్‌ని అడిగితే ఆ రోడ్డులో తీసుకువెళ్తారు. షిరిడీ ప్రయాణంలో నాసిక్, త్రయంబకాలను కలుపుకోవచ్చు. షిరిడీ నుంచి బయలుదేరిన తర్వాత మొదట ముక్తిధామ్‌ వస్తుంది. ఈ పాలరాతి ఆలయంలో కృష్ణుడితోపాటు శివుడు... ఇంకా చాలామంది దేవతల రాజస్థాన్‌ మార్బుల్‌ విగ్రహాలుంటాయి. పన్నెండు జ్యోతిర్లింగాల నమూనాలుంటాయి. త్రయంబకేశ్వరుడిని కూడా చూడవచ్చు. షిరిడీ టూర్‌ ఆపరేటర్‌లు నిర్వహించే కంబైండ్‌ ప్యాకేజ్‌లలో బ్రహ్మగిరి ఉండదు. విడిగా వాహనం మాట్లాడుకోవాలి. కొండ మీదకు ట్రెకింగ్‌ కూడా ఉంటుంది. కాబట్టి ఫ్రీ టైమ్‌ ఎక్కువగా ఉండేలా చూసుకోవాలి. ఇక నాసిక్‌లో సీతాగుహలోకి వెళ్లడం కంటే క్యూలో మనవంతు కోసం వెయిట్‌ చేయడమే కష్టం. ఇక్కడ టోకెన్‌ సిస్టమ్‌ పెడితే బాగుంటుంది. పర్యాటకులు టోకెన్‌ తీసుకుని తమ వంతు వచ్చే వరకు ఎదరుగా ఉన్న ఇతర ఆలయాలు, పంచవటి వృక్షాలను చూస్తూ, తినుబండారాలతో కాలక్షేపం చేయవచ్చు. ఇంత సిస్టమాటిక్‌గా ఏమీ ఉండకపోవడంతో పర్యాటకులే స్వయంగా తమ వెనుక వారికి చెప్పి క్యూ లైన్‌ నుంచి బయటకు వచ్చి టీ స్టాల్‌లో టీ తాగి, స్నాక్స్‌ తిని మళ్లీ క్యూలో చేరుతుంటారు.– వాకా మంజులారెడ్డి, సాక్షి ఫీచర్స్‌ ప్రతినిధి

ముంబై: మహారాష్ట్రలోని నాసిక్ జిల్లాలోని ఆర్టిలరీ సెంటర్‌ విషాదం చోటు చేసుకుంది. ఫైరింగ్ ప్రాక్టీస్ చేస్తున్న సమయంలో ఇండియన్ ఫీల్డ్ గన్ నుంచి షెల్ పేలడంతో ఇద్దరు అగ్నివీరులు మరణించారు. ఈ ఘటన గురువారం మధ్యాహ్నం నాసిక్‌ రోడ్‌ ప్రాంతంలోని ఆర్టిలరీ సెంటర్‌లో జరిగిందని పోలీసు ఉన్నతాధికారులు వెలిపారు. ఈ పేలుడులో అగ్నివీరులు.. గోహిల్ విశ్వరాజ్ సింగ్ (20), సైఫత్ షిత్ (21) మృతి చెందినట్లు తెలిపారు.STORY | Two Agniveers killed as shell explodes during firing practice in #NashikREAD: https://t.co/lPzSFYotFb pic.twitter.com/lBdQhzJcyQ— Press Trust of India (@PTI_News) October 11, 2024క్రెడిట్స్‌: Press Trust of Indiaఅగ్నివీర్‌ల బృందం ఇండియన్ ఫీల్డ్ గన్‌తో కాల్పులు జరుపుతుండగా అందులోని షెల్ ఒకటి పేలిపోయింది. దీంతో ఇద్దరు అగ్ని వీరులు తీవ్ర గాయాలపాలు అయ్యారు. వెంటనే వారిని డియోలాలిలోని ఎంహెచ్‌ ఆస్పత్రికి తరలించారు. అయితే అప్పటికే వారు మృతిచెందనట్లు డాక్టర్లు ప్రకటించారు. హవల్దార్ అజిత్ కుమార్ ఫిర్యాదు మేరకు డియోలాలి క్యాంపు పోలీసులు ఈ ఘటనపై కేసు నమోదు చేసి తదుపరి దర్యాప్తు చేస్తున్నట్లు తెలిపారు.

నాసిక్‌: ముంబయిలో బీఎండబ్ల్యూ కారు ఢీకొట్టి మహిళ మృతి చెందిన ఘటన మరువక ముందే మరో హిట్‌ అండ్‌ రన్‌ ఘటన మహారాష్ట్రలో జరిగింది. నాసిక్‌ నగరంలోని గంగాపూర్‌ రోడ్డులో 36 ఏళ్ల వైశాలి షిండేను వెనుక నుంచి వేగంగా వచ్చిన కారు ఢీకొట్టింది. కారు వేగంగా ఢీకొట్టడంతో ఆమె ఏకంగా 20 మీటర్ల దూరంలో ఎగిరి పడింది. ఈ దృశ్యాలు సీసీ కెమెరాలో నమోదయ్యాయి. ఈ ఘటనలో మహిళ ప్రాణాలు కోల్పోయింది. మహిళను ఢీకొట్టిన అనతరం కారు ఆగకుండా వెళ్లిపోయింది. ఈ మధ్యే ముంబయి నగరంలోని వర్లిలో దంపతులు స్కూటర్‌పై వెళుతుండగా వెనుక నుంచి వేగంగా వచ్చిన బీఎండబ్ల్యూ కారు వారిని ఢీకొట్టింది. ఈ ప్రమాదంలో మహిళ దుర్మరణం పాలయింది. కారు ఢీకొట్టడమే కాకుండా మహిళను ఒకటిన్నర కిలోమీటరు దూరం ఈడ్చుకెళ్లింది. ఈ కేసులో నిందితుడు, అధికార శివసేన నేత కొడుకు అయిన మిహిర్‌షాను మూడు రోజుల తర్వాత అరెస్టు చేశారు. అంతకుముందు ఇదే ఏడాది పుణెలో పోర్షే కారు ఢీకొట్టిన ఘటనలో ఇద్దరు సాఫ్ట్‌వేర్‌ ఇంజినీర్లు మృతిచెందిన ఘటన దేశవ్యాప్తంగా సంచలనం రేపింది.

చిరుతపులి వస్తే పెద్దవాళ్లమే కంగారు పడిపోతాం.. అస్సలు ఏం చేయాలో తోచదు.. కానీ ఒక 12 ఏళ్ల బుడ్డోడు మాత్రం భలే చాకచక్యంగా వ్యవహరించాడు.  అదీ చాలా తాపీగా...దీనికి  సంబంధించిన సీసీటీవీ ఫుటేజీ వైరల్‌ సోషల్‌ మీడియాలో వైరల్‌గా మారింది. సీసీటీవీలో రికార్డైన ఈ ఘటన నాసిక్‌లోని మాలేగావ్‌లో వెలుగుచూసింది. మోహిత్ అహిరే (12)  ఇంటి మెయిన్‌ డోర్‌ తలుపు దగ్గరే ఉన్న సోఫాలో కూర్చుని స్మార్ట్‌ఫోన్‌ మొబైల్ గేమ్‌లో మునిగిపోయాడు. ఇంతలో ఎక్కడినుంచి వచ్చిందో తెలియదుగానీ, నేరుగా ఇంట్లోకి వచ్చేసింది చిరుతపులి. అనూహ్యంగా  మోహిత్‌కి అతి సమీపంనుంచే లోపలికి దర్జాగా ఎంట్రీ ఇచ్చేసింది.  ఇది చూసిన మోహిత్‌ ఏమాత్రం కంగారు పడకుండా అక్కడినుంచి లేచి, బయటికి వచ్చేసి, తలుపు లాక్‌ చేశాడు.  ఈ దృశ్యాలు సీసీటీవలో రికార్డ్‌ అయ్యాయి. అతని రియాక్షన్‌ ఇపుడు ఇంటర్నెట్‌లో ప్రశంసల్ని దక్కించు కుంటోంది. వన్య ప్రాణులు  ఎదురుపడి నపుడు ప్రశాంతంగా ఉండటం, అక్కడినుంచి తప్పించుకోవడం అనే విషయాలను గుర్తు చేసింది. What an amazing presence of mind Mohit Ahire, a 12-year-old boy, locked a leopard inside an office cabin until assistance arrived in Malegaon & the leopard was rescued. Mohit immediately informed his father, who is a security guard, that he trapped a leopard inside the office. pic.twitter.com/FELlOGac1t — Anshul Saxena (@AskAnshul) March 6, 2024 మోహిత్ అహిరే తండ్రి మ్యారేజ్‌ హాల్‌లో సెక్యూరిటీ గార్డుగా పనిచేస్తున్నాడు. ఆఫీస్ క్యాబిన్‌లో కూచుని గేమ్‌ ఆడుకుంటుండగా మంగళవారం ఉదయం 7 గంటల ప్రాంతంలో ఈ ఘటన చోటు చేసుకుంది. ఫారెస్ట్‌ అధికారులు వచ్చేంతవరకు ఆఫీసు క్యాబిన్‌లో దానిని బంధించారు.  ‘‘ముందు దాన్ని చూడగానే షాక్‌ అయ్యా..కానీ, వెంటనే తేరుకుని బైటపడ్డా..తలుపును వేగంగా లాక్ చేశా..’’అంటూ  తన అనుభవాన్ని గుర్తు చేసుకున్నాడు మోహిత్‌  అంతకుముందే సమీప నివాస ప్రాంతంలో చిరుతపులిని గమనించారు స్థానికులు. తరువాత  మ్యారేజ్‌ హాల్‌ యజమానికి ఫిర్యాదు మేరకు పోలీసులు, అటవీశాఖ అధికారులు , అధికారులు వేగంగా స్పందించారు. ఐదేళ్ల మగ చిరుతపులిని బంధించారు. సమీపంలోనే వ్యవసాయ పొలాలు, నది ఉండటం వల్ల ఈ ప్రాంతంలో అప్పుడప్పుడు చిరుతపులులు కనిపిస్తున్నాయని అటవీశాఖ అధికారులు తెలిపారు.

హిందూ దేవుళ్లలో హనుమంతుని ఉన్న స్థానం గురించి ప్రత్యేకంగా చెప్పాల్సిన అవసరం లేదు. చిన్న పెద్ద తారతమ్యం లేకుండా అంతా హనుమంతుడిని భక్తిగా కొలుస్తారు. అలాంటి హనుమంతుని జన్మస్థలంగా భావించే నాసిక్‌లో అంజనేరి కొండల వద్ద ఉన్న ఆ స్వామి గుడిని సందర్శించడాని భక్తులు ఎన్నో ప్రయాసలు పడి వెళ్లాల్సి వస్తోంది. నిటారుగా ఉన్న ఆ రహదారి వెంబడి వెళ్లాలంటే సుమారు రెండు నుంచి మూడు గంటలు పడుతోంది. దీంతో కేంద్ర ప్రభుత్వం ఈ ఆలయానికి త్వరితగతిన చేరుకునేలా రోప్‌వే నిర్మించాలని నిర్ణయించింది. వచ్చే రెండేళ్లలో బ్రహ్మగిరి ట్రెక్కింగ్‌ పాయింట్‌ నుంచి అంజనేరి కొండల వరకు ఈ రోప్‌ వేని నిర్మించనుంది. ఈ మేరకు కేంద్ర ప్రభుత్వం ఆదేశాల మేరకు నేషనల్‌ హైవేస్‌ అథారిటీ ఆఫ్‌ ఇండియా(ఎన్‌హెచ్‌ఏ1) పర్వరత్మల పథకం కింద ఈ ప్రాజెక్ట్‌కి సంబంధించిన టెండర్లను ఆహ్వానించింది. ఇక హనుమంతుని జన్మస్థలం అయిన అంజనేరి కొండలు వద్ద ఆ స్వామికి సంబంధించిన గుహ తోపాటు అంజనీమాత ఆలయం కూడా ఉంది. వీటిని యాత్రికులు, ట్రెక్కర్లు సందర్శిస్తారు. సుమారు 4 వేల అడుగులకు పైగా ఎత్తులో ఉన్న ఈ ఆలయానికి చేరుకోవాలంటే మూడు పర్వతాలు ఎక్కాలి. ఇక్కడకు 5.7 కి.మీ పొడవున్న రోప్‌వే మూడు పర్వతాల మీదుగా వస్తే పైకి వెళ్లే ప్రయాణం కొన్ని నిమిషాలకు తగ్గిపోతుంది. కాగా, 2024 నాటికి మొత్తం 18 రోప్‌వే ప్రాజెక్టులను కేంద్ర ప్లాన్‌ చేస్తునట్లు సమాచారం.  (చదవండి: కోడి ముందా.. గుడ్డు ముందా? ఎట్టకేలకు సమాధానం ఇచ్చిన శాస్త్రవేత్తలు)

‘నో వాటర్‌ ల్యాండ్‌’ ఇది త్వరలో రాబోతున్న డాక్యుమెంటరీ. మహారాష్ట్రలో నీళ్లు లేని ప్రాంతాలలో బాలికల జీవితం నీళ్లు మోయడంలోనే ఎలా గడిచిపోతున్నదో ఈ డాక్యుమెంటరీ తెలియచేయనుంది. యు.కెలోని స్వచ్ఛంద సంస్థ ‘వెల్స్‌ ఆన్‌ వీల్స్‌’ స్థాపకుడు షాజ్‌ మెమొన్‌ దీనిని నిర్మిస్తుండగా అవార్డ్‌ విన్నింగ్‌ దర్శకుడు సౌమిత్రా సింగ్‌ దర్శకత్వం వహించాడు. నీళ్లు బాలికల బాల్యాన్ని మన దేశంలోని చాలా చోట్లఎలా ధ్వంసం చేస్తున్నాయో ఈ డాక్యుమెంటరీ కళ్లకు కట్టనుంది. మహారాష్ట్రలోని నాసిక్‌ జిల్లాలో దందిచి బరి అనే చిన్న గ్రామం ఉంది. దానికి ‘భార్యలు పారిపోయే ఊరు’ అనే పేరు ఉంది. ఆ ఊరికి కోడళ్లుగా వచ్చిన వారు రెండో రోజున, మూడో రోజున పుట్టింటికి పారిపోతారు. దానికి కారణం ఆ ఊళ్లో నీళ్లు ఉండవు. దూరం వెళ్లి తేవాలి. మిట్టలు పల్లాలు ఎక్కి దిగాలి. గంటల తరబడి నీరు ఊరే వరకు ఆగాలి. ఆ తర్వాత మోయాలి. ఇవన్నీ చేయడం కంటే భర్త లేకుండా బతకడం మేలు అని ఆ ఊరి భార్యలు పారిపోతుంటారు. ఇప్పుడైతే ఆ ఊరికి పిల్లనిచ్చేవారు లేరు. నాసిక్‌ జిల్లాలో నీటి సమస్య అంత తీవ్రం దీని పొరుగునే ఉన్న మరో జిల్లా థానేలో దింగన్‌మల్‌ అనే గ్రామం ఉంది. దీనికి ‘బహు భార్యల ఊరు’ అనే పేరు ఉంది. ఎందుకంటే అక్కడ ఒక్క మగాడు ఇద్దరు లేక ముగ్గురిని వివాహం చేసుకుంటాడు. ఒకరు వంట చేసేందుకు, ఒకరు నీళ్లు మోసేందుకు. ఎందుకంటే ఆ ఊరి నుంచి నీరు తెచ్చుకోవడానికి రోజులో ఆరు గంటలు వెచ్చించాలి. అంతసేపు నీళ్లకే పోతే వంటా గింటా జరిగే చాన్సు లేదు. అందుకని ‘నీటి భార్యలు’ ఇక్కడ ప్రతి ఇంటా ఉంటారు. పెద్ద భార్యే వెతికి ‘నీటి భార్య’ను తెస్తుంది. భర్త తనకు పోషించే శక్తి లేకపోయినా ఇద్దరిని కట్టుకోవాల్సిందే. లేకుంటే బతకడం కష్టం. పెద్దలకే ఇన్ని కష్టాలు ఉంటే మరి ఆడపిల్లల పరిస్థితి ఏమిటి? మహారాష్ట్రలో నీటి కరువు ఉన్న అన్ని ప్రాంతాల్లో నీటి సమస్య బాధిస్తున్నది బాలికలనే. భర్త సంపాదించడానికి వెళ్లాలి కాబట్టి కొడుకులు బాగా చదువుకోవాలి కాబట్టి నీటి బాధ్యత వారికి ఉండవు. తల్లి కాని కుమార్తెగాని నీరు మోయాలి. ‘బడికి వెళ్లి చదువుకోవాలనే మా కలలు కల్లలే అవుతున్నాయి’ అని అక్కడి ఆడపిల్లలు అంటారు. స్కూళ్లలో పేర్లు నమోదు చేసుకున్నా వీరు రోజూ స్కూలుకి వెళ్లడం సాధ్యం కాదు. అరగంట దూరంలో ఉండే బావి నుంచి ఒక బిందెను మోసుకు వస్తారు. అలా నాలుగు బిందెలు తేవాలంటే రెండు గంటల సమయం గడిచిపోతుంది. ఆరు బిందెలకు మూడు గంటలు. నిత్య నరకం 7 సంవత్సరాల బాలికల నుంచి 18 సంవత్సరాల యువతుల వరకు ఈ నీటి మోతకు బానిసలుగా మార్చబడతారు. తల్లిదండ్రులకు వేరే మార్గం కూడా ఉండదు. ముఖ్యంగా వేసవిలో బాలికల కష్టాలు చెప్పనలవి కావు. ‘తల మీద మోయడం వల్ల తల దిమ్ముగా ఉంటుంది. భుజాలు నొప్పి పెడతాయి. ఛాతీలో బరువు. కాళ్లు లాగుతాయి’ అని ఇక్కడి ఆడపిల్లలు చెబుతారు. వేసవిలో ఈ ప్రాంతంలో 40 డిగ్రీల సెల్సియస్‌ ఉష్ణోగ్రత ఉంటుంది. ‘ఆ ఎండలో వెళ్లి నీళ్లు తేవాలంటే చాలాసార్లు ఆడపిల్లలు స్పృహ తప్పి పడిపోతుంటారు. హాస్పిటల్‌లో చేరిస్తే అదో ఖర్చు’ అని తల్లిదండ్రులు వాపోతుంటారు. ఏ సంవత్సరం తీసుకున్నా కనీసం 2000 మంది ఆడపిల్లలు మహారాష్ట్రలో నీళ్లు లేని జిల్లాల్లో స్కూళ్లకు నాగా పెడుతుంటారు. వీరి చదువు ఇలా ఒడిదుడుకుల్లో పడటం వీరి భవిష్యత్తుగా పెద్ద విఘాతంగా మారుతోంది. డాక్యుమెంటరీ అయితే తను ఒక్కడే ఈ పని చేస్తే నీటి సమస్య తీరదు. దేశంలో ఎక్కడెక్కడ నీళ్ల వల్ల ఆడపిల్లలు చదువుకు దూరం అవుతున్నారో ఆ ప్రాంతాలన్నిటినీ గుర్తించి తరుణోపాయాలు ఆలోచించాలని పిలుపునిస్తాడు షాజ్‌. అందుకే ‘నో వాటర్‌ ల్యాండ్‌’ అనే డాక్యుమెంటరీ నిర్మించాడు. దీనికి గతంలో నసీరుద్దీన్‌ షాతో షార్ట్‌ ఫిల్మ్‌ తీసి అవార్డు పొందిన సౌమిత్రా సింగ్‌ దర్శకత్వం వహించాడు. త్వరలో ఈ డాక్యుమెంటరీ ప్రేక్షకుల ముందుకు రానుంది.   l వెల్స్‌ ఆన్‌ వీల్స్‌ యు.కెలో డెంటల్‌ రంగంలో పని చేస్తున్న వ్యాపారవేత్త షాజ్‌ మెమెన్‌ మహారాష్ట్రలో బాలికల నీటి కష్టాలను తగ్గించి వారిని చదువుకు దగ్గర చేర్చాలని నిశ్చయించుకున్నాను. ‘నాకు కూతురు పుట్టాక హటాత్తుగా నాకు ఈ విషయం గుర్తుకు వచ్చింది. నా కూతురు ఉదయాన్నే లేచి నీళ్లకోసం కష్టపడాల్సిన పని లేదు. నేరుగా స్కూల్‌కి వెళ్లిపోయేంత నీటి సౌకర్యం ఇక్కడ ఉంది. కాని భారత్‌లో అలా కాదు. ఆడపిల్లలు నీటి బరువు కింద నలిగిపోతున్నాడు. వారి కోసం ‘వెల్స్‌ ఆన్‌ వీల్స్‌’ అనే సంస్థను స్థాపించాను’ అంటాడు షాజ్‌ మెమెన్‌. ఇతను నేల మీద దొర్లించుకుంటూ (లాక్కుంటూ) వచ్చే నీళ్ల డ్రమ్ముల సరఫరా మహారాష్ట్రలో మొదలెట్టాడు. ఒక్కో డ్రమ్ములో 45 లీటర్ల నీళ్లు పడతాయి. హై క్వాలిటీ ప్లాస్టిక్‌ డ్రమ్ములు కనుక (అవి 7000 కిలోమీటర్ల దూరం లాగినా పాడు కావు) వీటిని సులువుగా లాక్కుంటూ రావచ్చు. మూడు బిందెల నీళ్లు ఈ ఒక్క డ్రమ్ములో పడతాయి కనుక మూడు ట్రిప్పుల కాలం మిగిలి ఆడపిల్లలు ఇప్పుడు స్కూళ్లకు వెళుతున్నారు. నాసిక్‌లోని ఐదు ఊళ్లలో వెల్స్‌ ఆన్‌ వీల్స్‌ పేరుతో నీళ్ల డ్రమ్ముల సరఫరా జరిగింది. 

కష్టాలు అం‍దరికీ వస్తాయి! ఐతే అవి కొందరిని ఉతికి ఆరేస్తాయి. మరికొందరేమో వాటినే ఉతకడంలో రాటుతేలిపోతారు. ఇటువంటి వాళ్లకి ఓడిపోవడం అస్సలు ఇష్టముండదు. ఇప్పుడు మీరు తెలుసుకోబోయే వ్యక్తి ఈ రెండో కోవకి చెందినవాడు. కష్టపడే తత్వం, పట్టుదల కలిగిన ఇటువంటి వారిముందు విధి సైతం తలవంచవల్సిందే! తాజాగా చూపుకోల్పోయిన వృద్ధుడి జీవనపోరాటానికి చెందిన వీడియో ఒకటి నెట్టింట వైరల్‌ అవుతుంది. మొత్తం క్లిప్‌ చూస్తే అతని అంకిత భావం అవగతమౌతుంది. విధి నిర్థాక్షిణ్యంగా చూపుకోల్పోయేలా చేసినప్పటికీ ప్రతిరోజూ తను చేసే పనిని మాత్రం ఆపకుండా చేసుకుపోతున్నాడండీ! దీనిని చూసిన నెటిజన్లు ప్రశంశలతో ముంచెత్తుతున్నారు.  అసలీ వీడియోలో ఏముందంటే.. నాసిక్‌లోని మఖ్‌మలబాద్‌ రోడ్డు పక్కనే ఇతని అరటి చిప్స్‌ దుకాణం ఉంది. మరుగుతున్న నూనెలో అరటి చిప్స్‌ చకచకా వేసి, బాగా వేగాక వాటిని ఒక పెద్ద గరిటెతో పక్కనే ఉన్న బేసిన్‌లో వేస్తాడు. తర్వాత హెల్పర్‌ వాటిని ఉప్పుకారంతో బాగాకలిపి ప్లాస్టిక్‌ కవర్‌లో ప్యాక్‌చేయడం ఈ వీడియోలో కన్పిస్తుంది. దీనికి సంబంధించిన వీడియోను శాన్‌స్కర్‌ స్కేమణి అనే వ్యక్తి ఇన్‌స్టాగ్రామ్‌లో పోస్ట్‌ చేశాడు. ‘ఈ ఓల్డ్‌మాన్‌కి మర్యాద ఇవ్వండి. నాసిక్‌లో మీకు తెలిసిన వారెవరైనా ఉంటే ఈ వృద్ధుడు తయారు చేసిన చిప్స్‌ కొనమని చెప్పండి. ఇలా చేయడం ద్వారా అతనికి తిరిగి చూపును ప్రసాదించడంలో మనమందరం సహాయపడగలం’ అనే కాప్షన్‌ను ఈ పోస్టుకు జోడించాడు. ఈ వీడియో ద్వారా అతని చూపుకోసం విరాళాలు సేకరిస్తున్నాడట కూడా. కాగా ధర్మల్‌ పవర్‌ ప్లాంట్‌లోని వేడి, ఆవిరి కారణంగా అతను చూపు కోల్పోయాడని అధికారిక సమాచారం.  ఈ వీడియో ఇప్పుడు సోషల్‌ మీడియాలో తెగ వైరల్‌ అవుతుంది. ఇప్పటికే 12 లక్షల మంది దీనిని వీక్షించారు. దీనిని చూసిన నెటిజన్లు ఈ వ్యక్తి స్థితిని చూసి చలించిపోతున్నారు. అతని హార్డ్‌ వర్క్‌ను ప్రశంశించకుండా ఉండలేకపోతున్నారు. మీరు కూడా చూడండి!! చదవండి: నెలకు అక్షరాలా రూ. 3 లక్షలు సంపాదిస్తున్న బాతు.. ఎలాగంటే.. View this post on Instagram A post shared by Sanskar Khemani 🐒 (@sanskarkhemani)

ఎత్తు మడులపై మల్చింగ్‌ షీట్‌ పరిచి ఉద్యాన పంటలు పండించడానికి సాధారణంగా ట్రాక్టర్‌కు అనుసంధానం చేసే పరికరాన్ని ఉపయోగిస్తుంటారు. ఎకరానికి 6 నుంచి 8 మంది కూలీల అవసరం ఉంటుంది. ఒక రోజు నుంచి రోజున్నర సమయం పడుతుంది. అయితే, సులువుగా, తక్కువ ఖర్చుతో మల్చింగ్‌ షీట్‌ను పరిచే పరికరాన్ని మహారాష్ట్రలోని నాసిక్‌కు చెందిన యువకుడు రూపొందించారు. కేవలం ఇద్దరు మనుషులతో, 8 గంటల్లోనే ఎకరంలో మల్చింగ్‌ షీట్‌ పరచడానికి ఉపయోగపడే మల్చింగ్‌ పరికరాన్ని యువ ఉపాధ్యాయుడు, రైతు నితిన్‌ ఘలే పాటిల్‌ రూపొందించారు. నాసిక్‌లోని శివాజీ నగర్‌లో గల అభినవ్‌ బాల్‌వికాస్‌ మందిర్‌ పాఠశాలలో నితిన్‌ ఉపాధ్యాయుడుగా పనిచేస్తూనే వ్యవసాయాన్ని మక్కువతో చేస్తుంటారు. గత ఏడాది మే నెలలో తన 7 ఎకరాల భూమిలో టమాటో, మిరప, బంతిపూలను సాగు చేయటం కోసం ఎత్తుమడులపై మల్చింగ్‌ షీట్‌ పరవాలని అనుకున్నాడు. అయితే, కూలీల కొరత వల్ల సాధ్యంకాలేదు. ఆ క్రమంలో మల్చింగ్‌ షీట్‌ పరిచే ప్రక్రియను సులభతరం చేసే పరికరాన్ని తయారు చేసుకునే ప్రయత్నం చేశాడు. తన వద్ద ఉన్న పాత ఇనుము వస్తువులను ఉపయోగించి, సొంత ఆలోచన ప్రకారం వెల్డింగ్‌ చేయించి ఒక పరికరాన్ని రూపొందించాడు. ట్రాక్టర్‌కు అనుసంధానం చేసి దీన్ని ఉపయోగించే ప్రయత్నం చేశాడు. మల్చింగ్‌ షీట్‌ చిరిగిపోతుండటంతో.. ట్రాక్టర్‌ లేకుండా మనుషులు ఈడ్చుకుంటూ వెళ్తూ మల్చింగ్‌ షీట్‌ పరిచేలా మార్పులు చేశాడు. పరికరం అడుగున చక్రాలను అమర్చటంతోపాటు.. పరిచిన షీట్‌పై మట్టి ఎగదోయడానికి వీలుగా రెండు ఇనుప బ్లేడ్లను అమర్చడంతో ఈ పరికరం సిద్ధమైంది. 15 రోజులు కష్టపడి అనేక విధాలుగా మార్పులు చేస్తూ చివరికి విజయం సాధించారు. తన పొలంలో ఉపయోగించడంతోపాటు మరో ఇద్దరు రైతులకు కూడా ఈ పరికరాన్ని ఇచ్చి పరీక్షించానన్నారు నితిన్‌. ‘మా ప్రాంతంలో ఎకరంలో మల్చింగ్‌ షీట్‌ పరచడానికి 12 మంది కూలీలు అవసరం. వారి కూలి, తిండితో కలిపి రూ. 8 వేల వరకు రైతుకు ఖర్చవుతుంది. నేను ఈ పరికరాన్ని రూ. 10 వేలకే తయారుచేసి ఇస్తున్నాను. ఒక్కసారి కొనుక్కుంటే చాలు. ఇద్దరు మనుషులతో దీనితో మల్చింగ్‌ షీట్‌ పరచవచ్చు. ఎకరాన్ని 8 గంటల్లోనే పూర్తి చేయవచ్చు. చిన్న రైతులకు ఇది చాలా బాగా ఉపయోగపడుతోంది. కూలీలతో కూడా పనిలేకుండా రైతు కుటుంబ సభ్యులే దీన్ని ఉపయోగించవచ్చు. సోషల్‌ మీడియా ద్వారా తెలుసుకొని కొద్ది రోజుల్లోనే వంద మంది రైతులు ఇది కావాలన్నారు..’ అని నితిన్‌ (98909 82432) సంతోషంగా చెప్పారు. తన టొమాటో తోటలో నితిన్‌ పాటిల్‌

ముంబై: కరోనా మహమ్మారి రాకతో ప్రపంచం మొత్తం పూర్తిగా అతలాకుతలామయ్యింది. ప్రపంచ వ్యాప్తంగా లక్షల సంఖ్యలో మరణాలు సంభవించాయి. కరోనా సెకండ్‌ వేవ్‌తో మన దేశం కూడా పూర్తిగా కుదేలయ్యింది. కరోనా వైరస్‌ను ఎదుర్కొడానికి వ్యాక్సిన్‌ ఒక్కటే శ్రీ రామ రక్ష..! అని పరిశోధకులు, ప్రపంచ ఆరోగ్య సంస్థ ఇప్పటికే తెలిపారు. కాగా ప్రపంచంలోని పలు దేశాల్లో ఇప్పటికే వ్యాక్సినేషన్‌ ప్రక్రియ మొదలైంది. మన దేశంలో కూడా వ్యాక్సినేషన్‌ ప్రక్రియను కేంద్ర ప్రభుత్వం వేగవంతం చేసింది. వ్యాక్సిన్‌ తీసుకున్నవారికి జ్వరం, జలుబు, ఒళ్లు నొప్పులు వస్తాయనే విషయం తెలిసిందే. కాగా, నాసిక్‌ చెందిన 71 ఏళ్ల అరవింద్‌ సోనార్‌ అనే వ్యక్తి వ్యాక్సిన్‌ తీసుకున్న తరువాత అతడి శరీరం అయస్కాంతంలాగా మారిపోయింది. అరవింద్‌ మమూలుగానే దగ్గరలో ఉన్న ఆసుపత్రిలో కోవిషిల్డ్‌ రెండో డోసును వేయించుకున్నాడు. కొన్ని రోజుల తరువాత అతని శరీరం అయస్కాంతంలాగా మారిపోయింది. అతణ్ని శరీరం ఇనుప వస్తువులను, కాయిన్స్‌ను, చెంచాలను అయస్కాంతంలాగా ఆకర్షించుకుంటుంది. అందుకు సంబంధించిన వీడియో ప్రస్తుతం సోషల్‌మీడియాలో హల్‌చల్‌ చేస్తోంది. ప్రసుత్తం ఈ వీడియో వైరల్‌గా మారింది. నెటిజన్లు ఆ వ్యక్తిని రియల్‌ లైఫ్‌ మ్యాగ్నటో(ఎక్స్‌ మెన్‌ లోని ఒక సూపర్‌ హీరో పాత్ర) అని కామెంట్లు చేస్తున్నారు. ఈ విషయంపై జిల్లా మెడికల్‌ అధికారులు స్సందించారు. ప్రస్తుతం ఈ విషయంపై విచారణ చేస్తున్నామని పేర్కొన్నారు. ఇదిలా ఉండగా.. ఈ విషయంపై  సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సిడిసి) తన వెబ్‌సైట్‌లో వ్యాక్సిన్‌ను తీసుకున్న వారి శరీరం ఎలాంటి అయస్కాంత పదార్థాలుగా మారదని తెలిపింది. కోవిడ్‌-19 టీకాలు తీసుకున్న ప్రదేశంలో ఎలాంటి విద్యుదయస్కాంత క్షేత్రాన్ని ఉత్పత్తి చేయగల పదార్థాలను కలిగి ఉండవని తెలిపారు. కోవిడ్‌-19 టీకాల తయారీలో ఇనుము, నికెల్, కోబాల్ట్, లిథియం, వంటి మిశ్రమాలకు తావులేదని తెలిపింది. అంతేకాకుండా కరోనాను జయించాలంటే వ్యాక్సినేషన్‌ ఒక్కటే సరైన మార్గమని తెలిపింది. ఇలాంటి వార్తలను నమ్మకూడదని సీడీసీ పేర్కొంది. View this post on Instagram A post shared by Bol Bhidu (@bolbhidu) చదవండి: వైరల్‌: మాస్క్‌ పెట్టుకున్నాడు.. మొహం వింతగా మారిపోయిందే!

కరోనా వైరస్‌ మహమ్మారి ఉగ్రరూపం దాల్చిన వేళ మహారాష్ట్రలోని నాసిక్‌లోవున్న డాక్టర్‌ జాకీర్‌ హుస్సేన్‌ మున్సిపల్‌ ఆసుపత్రిలో బుధవారం సంభవించిన ఆక్సిజన్‌ లీక్‌ ఉదంతంలో 24మంది రోగులు మరణించటం ఎంతో విషాదకరం. ఆసుపత్రికున్న స్టోరేజీ ట్యాంక్‌ లీక్‌ కావడంతో ఇంత పెద్ద ప్రమాదం జరిగింది. అయితే ఒక రోగికి సంబంధించిన బంధువు లీక్‌ సంగతిని సిబ్బందికి చెప్పేవరకూ ఎవరూ గమనించలేదంటే అక్కడ పరిస్థితి ఎంత అధ్వానంగా వుందో అర్థమవుతుంది. కోలుకుంటున్నట్టు కనబడిన తన బంధువు హఠాత్తుగా కళ్లు తేలేయడం చూసి ఆక్సిజన్‌ సరఫరా కావడం లేదని గ్రహించిన యువకుడు ఆదరాబాదరాగా పరుగెత్తి సిబ్బందికి విషయాన్ని చెప్పేసరికే అంతా అయిపోయింది. ఉదయం పది గంటల ప్రాంతంలో స్టోరేజీ ట్యాంకుకున్న వాల్వు విరిగి లీక్‌ మొదలుకాగా మధ్యాహ్నానికిగానీ దాన్ని గమనించలేకపోయారు. ఆ సమయానికి పరిస్థితి చేయి దాటి భారీ మొత్తంలో గ్యాస్‌ లీక్‌ కావడంతో వెంటిలేటర్లపై వున్న రోగులకు దాదాపు గంటసేపు ఆక్సిజన్‌ అందకుండా పోయింది. పర్యవసానంగా 24మంది ప్రాణాలు కోల్పోయారు. ఈ ఏడాది మొదట్లో ముంబైలో చిన్న పిల్లల ఆసుపత్రిలో నిప్పురవ్వ రాజుకుని పదిమంది ప్రాణాలు తీసింది. ప్రమాదం జరిగిన సమయానికి అక్కడ వైద్యులుగానీ, నర్సులుగానీ లేరని వెల్లడైంది. ఇప్పుడు జరిగిన ఆక్సిజన్‌ లీక్‌ కూడా అలాంటిదే. స్టోరేజీ ట్యాంకు నుంచి ప్రాణవాయువు సక్రమంగా సరఫరా అవుతున్నదో లేదో ఎప్పటికప్పుడు తనిఖీ చేస్తూ సరిదిద్దవలసిన సిబ్బంది నిర్లక్ష్యంగా వున్నారు. వారిని పర్యవేక్షించాల్సినవారూ నిర్లిప్తంగా వుండిపోయారు. ఎవరో రోగి తాలూకు బంధువులు చెబితే తప్ప ఏదో జరిగిందన్న అనుమానం ఎవరికీ కలగలేదు. ప్రజారోగ్య రంగంలో వున్న ఆసు పత్రుల్లో మౌలిక సదుపాయాలు సక్రమంగా వుండవన్న ఫిర్యాదు చాన్నాళ్లుగా వుంది. అవసరమైన పరికరాలు అందుబాటులో వున్నా వాటిని నిర్వహించటానికి అవసరమైన సిబ్బంది కొరత వుంది. తక్కువమంది సిబ్బంది వుండటం వల్ల వున్నవారిపై పని ఒత్తిడి బహుశా ఎక్కువ వుండొచ్చు. కానీ ఇలాంటి సంక్షోభసమయాల్లో అప్రమత్తంగా వుండి ఎక్కడా లోటుపాట్లు లేకుండా చూడాల్సిన బాధ్యత ఆసుపత్రి నిర్వాహకులకు లేదా? ఒకపక్క రోజురోజుకూ కరోనా కేసులు అడ్డూ ఆపూ లేకుండా పెరుగుతున్నాయి. 24 గంటల్లో దేశవ్యాప్తంగా 3.14 లక్షల కేసులు నమోదుకావడం ప్రపంచ రికార్డు. ఆసుపత్రుల్లో రోగులను చేర్చుకోవడానికి అవసరమైన బెడ్‌లు లేక, వారికి చికిత్స చేసేందుకు తగిన సంఖ్యలో వైద్యులు లేక ప్రస్తుతం పెను సంక్షోభాన్ని ఎదుర్కొనవలసి వస్తోంది. ఇక ఆక్సిజన్‌ గురించి రాష్ట్రాల మధ్య చిచ్చు రగిలింది. అటు బొంబాయి హైకోర్టు, ఇటు ఢిల్లీ హైకోర్టు ఆక్సిజన్‌ సరఫరా అరకొరగా వుండటంపై ఆగ్రహావేశాలు వ్యక్తం చేశాయి. ఆక్సిజన్‌ కొరత ఇంతగా దేశాన్ని వేధిస్తుండగా వున్న నిల్వలను సక్రమంగా వినియోగించలేని స్థితి ఏర్పడటం బాధాకరం. అంతవరకూ కోలుకుంటున్నట్టు కనబడిన వారు... ఒకటి రెండు రోజుల్లో ఆసుపత్రినుంచి క్షేమంగా ఇళ్లకు వెళ్తారనుకున్నవారు కన్నుమూయడం దారుణం. ఇంతకన్నా దారుణమేమంటే... ఆసుపత్రి సిబ్బందిలో ఏ ఒక్కరికీ ఇలాంటి లీకేజీ ఏర్పడితే ఏం చేయాలన్న అంశంలో పెద్దగా అవగాహన లేకపోవడం. అగ్నిమాపక సిబ్బందికి వర్తమానం అందిన వెంటనే వారు రంగంలోకి దిగి గంటలో దాన్ని అదుపు చేయ గలిగారు. కానీ ముందే దాన్ని గమనించి, సరిదిద్దగలిగిన వారుంటే ఇంతమంది ప్రాణాలు కోల్పోయేవారు కాదు. ఆక్సిజన్‌ లీక్‌ పర్యవసానంగా దట్టమైన పొగలు ఆవరించి ఏమీ కనబడక పోవడంతో అగ్నిమాపక సిబ్బంది కష్టపడాల్సివచ్చిందంటున్నారు. మన ప్రజారోగ్య రంగం పరమ నాసిరకంగా వుంటున్నది. ఏదో మేరకు సదుపాయాలున్నాయని భావించేచోట కూడా నిర్వహణ సరిగాలేదు. మన దేశీయోత్పత్తిలో ఆరోగ్య రంగానికి వ్యయమవుతున్నది 4 శాతం. ఇందులో కేంద్ర రాష్ట్ర ప్రభుత్వాల వాటా ఒకటిన్నర శాతమైతే మిగతాదంతా జనం భరించాల్సివస్తోంది. అట్టడుగు ప్రజానీకం సహజంగానే ప్రభుత్వాసుపత్రులను ఆశ్రయిస్తారు. తీరా అక్కడ అడుగడుగునా లోపాలే దర్శనమిస్తాయి. ఆసుపత్రులు ఎలాంటి భవంతుల్లో వుండాలో, అక్కడ భద్రతాపరంగా ఎలాంటి చర్యలు తీసుకోవాలో, వాటి పర్యవేక్షణ ఎలావుండాలో తేటతెల్లం చేసే అంతర్జాతీయ ప్రమాణాలున్నాయి. వాటికి అనుగుణంగా మన ఆసుపత్రులు వుంటున్నాయా లేదా అన్న సంగతిని ఎప్పటికప్పుడు ప్రభుత్వ యంత్రాంగం పర్యవేక్షిస్తున్నప్పుడే అవి సజావుగా వుంటాయి. ఇప్పుడు ప్రమాద ఘటనపై ఎఫ్‌ఐఆర్‌ నమోదైంది. బాధ్యులెవరో నిర్ధారించి చర్యలు కూడా తీసుకుంటారు. కానీ ఇలాంటి సమస్యలు మరెక్కడా తలెత్తకుండా ఒక్క మహారాష్ట్ర ప్రభుత్వమే కాదు... దేశంలోని అన్ని రాష్ట్రాలు ముందస్తు చర్యలు తీసుకోవాలి. అన్ని స్థాయిల్లోనూ ఎప్పటికప్పుడు తనిఖీలు, ఎలాంటి ప్రమాద ఘటనలు చోటుచేసుకునే అవకాశం వున్నదో సిబ్బందికి అవగాహన కలిగించటం, అలాంటి సమయాల్లో వెనువెంటనే చేయాల్సిన పనులేమిటో చెప్పటం ముఖ్యం. కళ్లముందు లోటుపాట్లు కనిపిస్తున్నా ఏం జరగదులే అనే భరోసాతో వుండటం క్షేమం కాదు. ఒకపక్క దేశంలో చాలాచోట్ల ఆక్సిజన్‌ సరఫరా సరిపోక సమస్యలు ఏర్పడుతున్నాయని వార్తలు వస్తుండగా... నాసిక్‌లో ఇలాంటి దుర్ఘటన చోటుచేసుకోవటం విచారకరం. 

సాక్షి ముంబై: మహారాష్ట్ర నాసిక్‌లో అత్యంత హృదయ విదారకమైన సంఘటన చోటుచేసుకుంది. ఆసుపత్రిలోని ఆక్సిజన్‌ ట్యాంకుకు లీకేజీ ఏర్పడి ప్రాణవాయువు అందక 24 మంది కోవిడ్‌ రోగులు ప్రాణాలు కోల్పోయారు. నాసిక్‌ మున్సిపల్‌ కార్పొరేషన్‌కు చెందిన జాకీర్‌ హుస్సేన్‌ ఆసుపత్రిలో బుధవారం ఈ దారుణం చోటుచేసుకుంది. దుర్ఘటన జరిగిన సమయంలో ఆసుపత్రిలో 150 మంది ఉండగా... అందులో 11 మంది వెంటిలేటర్‌పై... మిగతా వారు ఆక్సిజన్‌ సపోర్టుపై ఉన్నారు. ఉన్నట్లుండి ఆక్సిజన్‌ సరఫరా నిలిచిపోవడంతో ఆసుపత్రి బెడ్స్‌పై గిలగిల్లాడుతూ ప్రాణాలు వదిలారు ఈ అభాగ్యులు. లీకేజీ జరిగిన కొద్దిసేపట్లోనే 22 మంది మరణించారు. వీరిలో 11 మంది మహిళలు, 11 మంది పురుషులు ఉన్నారు. అనంతరం సాయంత్రం మరో ఇద్దరు చనిపోయినట్లు అధికారులు వెల్లడించారు. మృతుల్లో 34 నుంచి 77 ఏళ్ల వయసు వాళ్లు ఉన్నారని తెలిపారు. బుధవారం 12.30 గంటల ప్రాంతంలో లీకేజీ గుర్తించిన ఆసుపత్రి సిబ్బంది... ప్రత్యామ్నాయ సిలిండర్లను తెప్పించి ఆక్సిజన్‌ సరఫరాను పునరుద్ధరించారు. ఈలోపే ఘోరం జరిగిపోయింది. సీరియస్‌గా ఉన్న పేషెంట్లను మరోచోటికి తరలించేందుకు బ్బంది పరుగులు పెట్టడం, ఏం జరుగుతుందో తెలియక రోగుల బంధువుల అర్తనాదాలతో ఆసుపత్రి ఆవరణలో గందరగోళం నెలకొంది. మృతుల బంధువుల రోదనలు మిన్నంటాయి. ఈ దుర్ఘటనలో మొత్తం 24 మంది చనిపోయారని నాసిక్‌ కలెక్టర్‌ సూరజ్‌ మందారే విలేకరులకు తెలిపారు. దేశవ్యాప్తంగా ఈ సంఘటన తీవ్ర దిగ్భ్రాంతిని కలిగించింది. అసలేమి జరిగింది?  నాసిక్‌లోని మున్సిపల్‌ కార్పొరేషన్‌ ఆసుపత్రి అయిన జాకీర్‌ హుస్సేన్‌ ఆసుపత్రిలో 150 మంది కోవిడ్‌ రోగులు చికిత్స పొందుతున్నారు. ఆసుపత్రి ఆవరణలో 13 కిలో లీటర్ల సామర్థ్యం కలిగిన ఆక్సిజన్‌ ట్యాంకు ఉంది. బుధవారం ఉదయం 10 గంటల ప్రాంతంలో ఆక్సిజన్‌ ట్యాంక్‌ సాకెట్‌ ఒకటి విరిగి లీకేజీ ప్రారంభమైంది. అయితే ట్యాంకర్‌ ద్వారా ట్యాంకులో ఆక్సిజన్‌ నింపుతుండగా ఇది జరిగిందనేది మరో వాదన. ఇది చూస్తుండగానే అధికమైంది. 12.30 ప్రాంతంలో ఆక్సిజన్‌ భారీగా లీకవ్వడం మొదలైంది. దీంతో అందరూ ముందుగా భయాందోళనలకు గురయ్యారు. అనంతరం ఈ లీకేజీని అరికట్టేందుకు ప్రయత్నాలు ప్రారంభమయ్యాయి. కాని లీకేజీ ఆగలేదు. అప్పటికి ట్యాంకులో 25 శాతం మేర మాత్రమే ఆక్సిజన్‌ ఉండగా... లీకేజీతో అది ఇంకా తగ్గిపోయింది. ట్యాంకులో ప్రెషర్‌ తగ్గి... పేషెంట్లకు ఆక్సిజన్‌ అందలేదు. మరోవైపు ఆసుపత్రిలో అరుపులు, కేకలు ప్రారంభమయ్యాయి. అప్పటి వరకు ఆక్సిజన్‌ లీకేజీ కారణంగా ఇటువైపు ఉన్న అందరి దృష్టి ఒక్కసారిగా అటువైపు మళ్లింది. ఆసుపత్రిలో చికిత్స పొందుతున్న అనేక మంది రోగులు ఆక్సిజన్‌ అందక నీటి నుంచి బయటపడ్డ చేప పిల్లల్లా కొట్టుకోసాగారు. అక్కడే ఉన్న వారి కుటుంబసభ్యులు, నర్సులు, వైద్యులు ఈ సంఘటనతో అవాక్కయ్యారు. అందుబాటులో ఉన్న సిలిండర్లతో ఆక్సిజన్‌ అందించేందుకు ప్రయత్నించారు. ఇతర ఆసుపత్రులు నుంచి హుటాహుటిన డ్యూరా సిలిండర్లను తెప్పించారు. ఈ సమయంలో ఆసుపత్రి వర్గాలు కొందరు రోగులకు వేరే ఆసుపత్రికి తరలించే ప్రయత్నాలు కూడా చేపట్టారు. ఆక్సిజన్‌ ట్యాంకు నిర్వహణ బాధ్యతను చూస్తున్న ప్రైవేటు కంపెనీకి సమాచారం ఇచ్చి వారిని పిలిపించారు. ఇలా సుమారు గంటకుపైగా చేసిన ప్రయత్నాలు అనంతరం మధ్యాహ్నం 2 గంటల ప్రాంతంలో లీకేజీని ఆపగలిగారు. కాని అప్పటికే జరగరాని ఘోరం జరిగింది. ఒక్కరు కాదు ఇద్దరు కాదు. ఏకంగా 24 మంది ఆక్సిజన్‌ అందక మృతి చెందారు. ఈ సంఘటన అనంతరం బంధువుల ఆర్తనాదాలు, రోదనలతో ఆ పరిసరాలలో విషాదం అలుముకుంది. మృతుల కుటుంబాలకు రూ.10 లక్షలు అత్యంత విషాదకరమైన ఈ సంఘటన అనంతరం మృతుల కుటుంబీకులకు మహారాష్ట్ర ముఖ్యమంత్రి ఉద్దవ్‌ ఠాక్రే రూ. అయిదు లక్షల చొప్పున పరిహారం ప్రకటించారు. ఈ సంఘటన అత్యంత దురదృష్టకరమైన సంఘటనగా పేర్కొంటూ... ఏం మాట్లాడాలన్నా మాట పెగలడం లేదన్నారు. ముఖ్యంగా ఈ ఘటనకు సంబంథించి అన్ని కోణాల్లో దర్యాప్తు జరిపి దోషులపై చర్యలు తీసుకుంటామన్నారు. ఈ దుర్ఘటనపై విచారణకు ప్రభుత్వం ఏడుగురు సభ్యులతో కమిటీని నియమించింది. మరోవైపు ఈ సంఘటన అనంతరం ఆసుపత్రికి చేరుకున్న నాసిక్‌ జిల్లా ఇంచార్జీ మంత్రి ఛగన్‌ భుజ్‌బల్‌ కూడా మృతుల కుటుంబీకులకు నాసిక్‌ మున్సిపల్‌ కార్పొరేషన్‌ తరఫున రూ. అయిదు లక్షల మద్దతు అందించనున్నట్టు ప్రకటించారు. ఇలా మొత్తం రూ.10 లక్షలు మృతుల కుటుంబీకులకు ఆర్థిక సహాయం అందనుంది.     రాష్ట్రపతి, ప్రధాని దిగ్భ్రాంతి  న్యూఢిల్లీ: ఆక్సిజన్‌ సరఫరాలో ఆటంకాలు ఏర్పడి 24 మంది కోవిడ్‌ రోగులు మృతిచెందడంపై రాష్ట్రపతి రామ్‌నాథ్‌ కోవింద్‌ దిగ్భ్రాంతి వ్యక్తం చేశారు. ఈ దురదృష్టకర ఘటన తనను తీవ్రంగా కలచివేసిందని పేర్కొన్నారు. ప్రధానమంత్రి నరేంద్ర మోదీ కూడా ఈ ప్రమాదంపై తీవ్ర దిగ్భ్రాంతి వ్యక్తం చేశారు. ‘గుండెలను మెలిపెట్టే దురదృష్టకర సంఘటన. తీవ్ర వేదనను కలిగించింది. ఆత్మీయులకు కోల్పోయిన కుటుంబాలకు నా ప్రగాఢ సానుభూతి తెలుపుతున్నాను..’అని మోదీ ట్వీట్‌ చేశారు. హోంమంత్రి అమిత్‌ షా కూడా సంతాపం ప్రకటించారు. మిగిలిన పేషెంట్లు త్వరగా కోలుకోవాలని భగవంతుడిని ప్రార్థిస్తున్నానన్నారు. నిర్లక్ష్యం కారణంగానే.. ఆసుపత్రి నిర్లక్ష్యం కారణంగానే ఈ సంఘటన చోటుచేసుకుందని మృతుల కుటుంబీకులు ఆరోపించారు. 60 ఏళ్ల తన తల్లిని మంగళవారమే ఈ ఆసుపత్రిలో చేర్చించామని, ఆమె వెంటిలేటర్‌పై ఉందని... ఇలా చనిపోవడానికి ఆమెను ఇక్కడ చేర్పించలేదని లీలా సర్కార్‌ అనే మహిళ గుండెలవిసేలా రోదించారు. ఊపిరి ఆడట్లేదని అమ్మ చెప్పగానే... నర్సింగ్‌ సిబ్బందిని పిలిచానని, ఎవరూ పట్టించుకోలేదని వాపోయారు. మరోవైపు తన తమ్ముణ్ని రక్షించుకోలేకపోయానంటూ మరోవ్యక్తి రోదించడం అక్కడున్న వారికి కన్నీళ్లు తెప్పించింది. ఆక్సిజన్‌ సరిగా సరఫరా కావడంలేదని ముందునుంచే తెలుపుతూ వచ్చామని, అయినా ఆసుపత్రి వారు పట్టించుకోలేదని మరి కొందరు వాపోయారు. ఆసుపత్రి నిర్లక్ష్యానికి ఇంత మంది మరణించారని ఆరోపించారు. చదవండి: ప్రశ్నలు సంధించాల్సిన సమయమిది చదవండి: ప్రపంచ విప్లవోద్యమ చుక్కాని లెనిన్‌

సాక్షి,ముంబై: దేశంలో కరోనా మహమ్మారి తీవ్రతతో ఆక్సిజన్‌ సిలిండర్ల కొరత పట్టి పీడిస్తోంది. మహారాష్ట్రలోని పలు నగరాల్లో ఆక్సిజన్ కొరత తీవ్రంగా ఉంది. ఈ క్రమంలో మహారాష్ట్ర నాసిక్‌లోని ఓ ఆసుపత్రి వద్ద  జరిగిన షాకింగ్‌ ఘటన  తీవ్ర విషాదాన్ని నింపింది. ఈ ప్రమాదంలో 22 మంది రోగులు ప్రాణాలు  కోల్పోయారని జిల్లా కలెక్టర్‌ ప్రకటించారు.  ఆక్సిజన్‌  నింపుతుండగా ఆక్సిజన్ ట్యాంక్ అకస్మాత్తుగా లీక్‌ కావడం ప్రారంభమైంది. దీంతో ఆ ప్రాంతమంతా గ్యాస్ వ్యాపించడంతో అక్కడ తీవ్ర భయాందోళన వాతావరణం ఏర్పడింది. అగ్నిమాపక దళ సిబ్బందిని తరలించి పరిస్థితిని అదుపులోకి తెచ్చేందుకు ప్రయత్నిస్తున్నారు. నగరంలోని జాకీర్ హుస్సేన్ ఆసుపత్రిలో బుధవారం ఈ సంఘటన జరిగింది.ఈ పరిణామంతో ఆక్సిజన్ సరఫరా 30 నిమిషాల పాటు నిలిచిపోయింది.  ఫలితంగా ఆక్సిజన్ అవసరమయ్యే 80 మందిలో 31 మంది రోగులను ఇతర ఆసుపత్రులకు తరలించారు. దీనిపై మహారాష్ట్ర ఆరోగ్య మంత్రి డాక్టర్ జాకీర్ హుస్సేన్ స్పందించారు. మరింత సమాచారం సేకరించిన తరువాత ప్రకటన విడుదల చేస్తామని తెలిపారు. (పరిస్థితి చేయిదాటింది.. ప్లీజ్‌.. జాగ్రత్త: ఏడ్చేసిన డాక్టర్‌) The tragedy at a hospital in Nashik because of oxygen tank leakage is heart-wrenching. Anguished by the loss of lives due to it. Condolences to the bereaved families in this sad hour. — Narendra Modi (@narendramodi) April 21, 2021 మృతుల బంధువులకు రాష్ట్ర ప్రభుత్వం రూ.5 లక్షల ఎక్స్‌గ్రేషియా ప్రకటించింది. నాసిక్ సంఘటనపై దర్యాప్తునకు ఉన్నత స్థాయి విచారణకు ఆదేశించినట్టు, ముఖ్యమంత్రి కార్యాలయం (సీఎంఓ) వెల్లడించింది. మరోవైపు నాసిక్‌ విషాదంపై కేంద్ర హోంమంత్రి అమిత్‌షా దిగ్భ్రాంతి వ్యక్తం చేశారు. మృతుల కుటుంబాలకు సానుభూతి ప్రకటించారు. కాగా మహారాష్ట్రలో గత 24 గంటల్లో 58,924 కొత్త కోవిడ్‌-19 కేసులు నమోదయ్యాయని రాష్ట్ర ఆరోగ్య మంత్రిత్వ శాఖ తెలిపింది.  351 మంది మరణించారు. దీంతోమొత్తం కేసులు 38,98,262కు చేరుకోగా, మరణాల సంఖ్య 60,824కు చేరుకుంది. చదవండి : సూపర్ హీరోలకే హీరో: ప్రశంసలు, బంపర్ గిఫ్ట్‌

ముంబై: నాసిక్‌లో ఘోర ప్రమాదం చోటుచేసుకుంది. కారులో మంటలు చెలరేగిన ఘటనలో నేషనలిస్ట్‌ కాంగ్రెస్‌ పార్టీ(ఎన్సీపీ) నేత, వ్యాపారవేత్త సంజయ్‌ షిండే దుర్మరణం చెందారు. డోర్లన్నీ లాక్‌ కావడంతో బయటపడే మార్గం లేక సాయం కోసం అర్థిస్తూ సజీవ దహనమయ్యారు. వివరాలు.. ద్రాక్ష తోటలు సాగుచేస్తున్న సంజయ్‌ షిండే ఎరువులు కొనుగోలు చేసేందుకు మంగళవారం సాయంత్రం పింప్లాగావ్‌కు బయల్దేరారు. ముంబై- ఆగ్రా హైవే గుండా ప్రయాణిస్తున్న సమయంలో షార్ట్‌ సర్య్యూట్‌ కారణంగా కారులో ఒక్కసారిగా మంటలు అంటుకున్నాయి. సెంట్రల్‌ లాకింగ్‌ సిస్టమ్‌ యాక్టివేట్‌ అయిపోయింది. (చదవండి: ఒంటికి నిప్పంటించుకున్న వివాహిత) దీంతో డోర్లన్నీ జామ్‌ అయిపోయాయి. అద్దాలు బద్దలుకొట్టుకుని బయటకు వచ్చేందుకు సంజయ్‌ షిండే ఎంతగా ప్రయత్నించినా ఫలితం లేకుండా పోయింది. ఈ విషయం గురించి ఘటనాస్థలంలో ఉన్న స్థానికులు మాట్లాడుతూ.. కడ్వా నదిపై ఉన్న ఓవర్‌బ్రిడ్జి మీద మంటల్లో కాలిపోతున్న సమయంలో సాయం కోసం ఆయన కేకలు వేశారని, వెంటనే తాము అగ్నిమాపక సిబ్బందికి సమాచారమిచ్చినట్లు తెలిపారు. మంటలార్పేందుకు తాము ప్రయత్నించామని, అయితే అప్పటికే లోపల ఉన్న వ్యక్తి మృతి చెందారని పేర్కొన్నారు. కాగా నాసిక్‌ జిల్లాకు చెందిన సంజయ్‌ షిండే ద్రాక్ష పళ్లను ఎగుమతి చేస్తూ వ్యాపారవేత్తగా ఎదిగారు. ఎన్సీపీలో చేరి రాజకీయ నాయకుడిగా స్థానికంగా గుర్తింపు పొందారు.

ముంబై: ఏదైనా సాధించాలనే కోరిక ఉండాలే కానీ వయస్సు కేవలం ఒక సంఖ్య మాత్రమే. సోషల్‌ మీడియాలో వైరల్‌ అవుతున్న ఈ 70 ఏళ్ల బామ్మ వీడియోను చూస్తే మీరు కూడా తప్పకుండా అది నిజమేనేమో అని అంటారు. ఈ వీడియోలో ఒక మహిళ నాసిక్‌లో ఏటవాలుగా ఉండే హరిహర్‌ కోటను  70 ఏళ్ల వయసులో ఎక్కి చూపించింది.  ఈ వీడియోని చూసిన వారందరూ ఆమెను ప్రశంసిస్తున్నారు. ఈ వయసులో ఎంతో మందికి ఆదర్శంగా నిలిచారంటూ కీర్తిస్తున్నారు. ఈ వీడియో ప్రస్తుతం సోషల్‌ మీడియాలో వైరల్‌గా నిలుస్తోంది. హరిహర్ కోట నాసిక్ లోని ఇగత్పురి నుంచి 48 కిలోమీటర్ల దూరంలో ఉంటుంది. ఇది రాక్ కట్ మెట్లకు ప్రసిద్ది చెందింది. ఐఎఫ్‌ఎస్‌ ఆఫీసర్‌ సుధా రామన్‌ దీనిపై ట్వీట్‌ చేస్తూ ధృడసంకల్పం ఉండటం వలనే ఆమె ఈ వయసులో కూడా అనుకున్నది సాధించగలిగింది అని చెప్పారు.  At the age of 70 yrs, with her sheer determination she made it. Salutes to that willpower. #Inspired pic.twitter.com/fKkk8e7nw8 — Sudha Ramen IFS 🇮🇳 (@SudhaRamenIFS) October 10, 2020 చదవండి: బెడిసికొట్టిన రసగుల్లా బిర్యానీ; నెటిజన్ల ఫైర్‌

ముంబై:  భారత యుద్ధ విమానాల రహస్యాలను పాకిస్తాన్‌ నిఘా సంస్థ ఇంటర్‌ సర్వీస్‌ ఇంటలిజెన్స్‌కు(ఐఎస్‌ఐ) చేరవేస్తున్న హిందుస్తాన్‌ ఏరోనాటిక్స్‌ లిమిటెడ్‌(హెచ్‌ఏఎల్‌) ఉద్యోగిని అరెస్టు చేసినట్లు మహారాష్ట్ర పోలీసులు తెలిపారు. దీపక్‌ శిర్‌సాత్‌(41)నాసిక్‌లోని హెచ్‌ఏఎల్‌లో అసిస్టెంట్‌ సూపర్‌వైజర్‌గా విధులు నిర్వర్తిస్తూ, సామాజిక మాధ్యమాల ద్వారా పాకిస్తానీ మహిళగా పరిచయం చేసుకున్న వ్యక్తుల ట్రాప్‌లో పడ్డాడు. (చదవండి: రిపబ్లిక్‌ టీవీ సీఎఫ్‌ఓకు సమన్లు) ఈ నేపథ్యంలో ఐఎస్‌ఐతో నిత్యం సంబంధాలు నెరపుతున్నట్టు విశ్వసనీయ సమాచారం అందడంతో, మహారాష్ట్ర యాంటీ టెర్రరిజం స్క్వాడ్‌ నాసిక్‌ యూనిట్‌ అతడిని అదుపులోకి తీసుకున్నట్టు పోలీసులు చెప్పారు. యుద్ధ విమానాల రహస్య  సమాచారాలను పాకిస్తాన్‌కు దీపక్‌ పంపుతున్నట్టు పోలీసులు వెల్లడించారు. అతడి దగ్గర 3 మొబైల్‌ ఫోన్లు, ఐదు సిమ్‌ కార్డులు, రెండు మెమొరీ కార్డులను స్వాధీనం చేసుకున్నారు. కోర్టు అతడికి పదిరోజుల ఏటీఎస్‌ కస్టడీకి అనుమతించింది.

ముంబై: మ‌హారాష్ట్ర‌ నాసిక్‌లోని ఇగ‌త్‌పురి ప్రాంతంలో ఓ గుడిసెలో ఆడ‌ చిరుత‌ నాలుగు పిల్ల‌ల‌కు జ‌న్మ‌నిచ్చింది. మంగ‌ళ‌వారం భూమ్మీద ప‌డ్డ‌ ఈ ప‌సికూన‌లు ఆరోగ్యంగా ఉన్నాయ‌ని అట‌వీ శాఖ అధికారులు తెలిపారు. మ‌రోవైపు అప్పుడే క‌ళ్లు తెరిచి ఈ లోకాన్ని చూస్తున్న చిరుత‌‌ పులి కూన‌లు అటూ ఇటూ తిరుగుతూ ఆడుకుంటున్నాయి. త‌ల్లి మాత్రం అక్క‌డే ఓ మూల‌న కూర్చుని ఉంది. పిల్ల‌లు గుడిసంతా క‌లియ‌దిరుగుతూ పిల్లిపిల్ల‌లా శ‌బ్ధాలు చేస్తున్నాయి. దీనికి సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. (రైల్వే ట్రాక్‌పై చిరుత మృతదేహం) 'పులి పిల్ల‌లే కానీ పిల్లిలా క‌న్పిస్తున్నాయి', 'ఎంత ముద్దొస్తున్నాయో..', 'మీ కుటుంబం అద్భుతంగా ఉంది' అంటూ నెటిజ‌న్లు వారి స్పంద‌న‌ల‌ను తెలియ‌జేస్తున్నారు. 51 సెకండ్ల నిడివి ఉన్న ఈ వీడియోను ఇప్ప‌టివ‌ర‌కు ల‌క్ష మందికి పైగా వీక్షించారు. మ‌రోవైపు వాటిని ఉన్న‌ఫ‌ళంగా అక్క‌డి నుంచి పంపించివేయ‌డానికి అట‌వీ అధికారుల‌కు మ‌న‌సొప్ప‌లేదు. దీంతో త‌ల్లే వాటిని వేరే చోటుకు తీసుకు వెళ్లే స‌మ‌యం కోసం ఎదురు చూస్తున్నారు. కాగా ఇగ‌త్‌పురి ప్రాంతంలో పెద్ద సంఖ్య‌లోనే పులులు ఉన్న‌ట్లు అట‌వీ శాఖ అధికారి గ‌ణేశ్ రావు జోలె పేర్కొన్నారు. (చిరుత కోసం రిస్క్‌, ‘రియల్‌ హీరో’పై ప్రశంసలు)

లక్నో: ఉత్తరప్రదేశ్‌ నాసిక్‌లో ఉన్న ఐటీ సొల్యూషన్స్‌ కంపెనీ, ఈఎస్‌డీఎస్‌ సాఫ్ట్‌వేర్‌ కరోనాను నిర్ధారించే పరికరాన్ని కనిపెట్టింది. ఆర్టిఫిషియల్‌ ఇంటెలిజెన్స్‌ ద్వారా పనిచేసే ఈ పరికరం ఛాతీ ఎక్సరే ద్వారా కరోనాను నిర్థారణ చేయగలుగుతుంది. దీనికి సంబంధించి ఆ కంపెనీ ప్రతినిధులు  మాట్లాడుతూ... తమ టెస్టింగ్‌ టూల్‌ ఐదునిమిషాల్లో కరోనాను నిర్థారించగలదని తెలిపారు. ఇంకా వారు మాట్లాడుతూ ఇది పూర్తిగా కాంటాక్ట్‌ లెస్‌ పరీక్షా విధానమని తెలిపారు. దీనిలో ఛాతి ఎక్స్‌- రే రిపోర్టలను తీసుకొని వాటిని వెబ్‌బ్రౌసర్‌లో అప్‌లోడ్‌ చేయాలని, తరువాత సబ్‌మిట్‌ బటన్‌ నొక్కాలని తెలిపారు. తరువాత వెంటనే అది ఆ వ్యక్తి కరోనాతో బాధపడుతున్నాడో లేదో తెలియజేస్తోందని కంపెనీ ప్రతినిధులు తెలిపారు. (డబ్ల్యూహెచ్‌ఓలో కేంద్ర మంత్రికి కీలక పదవి)  ఈ విధానాన్ని చైనా, ఫ్రాన్స్‌, ఇజ్రాయిల్‌, యూకే లాంటి ఇతర దేశాలు కూడా అనుసరిస్తున్నాయని కూడా కంపెనీ పేర్కొంది. దీని ద్వారా ప్రభుత్వ ఆసుపత్రుల్లో పరీక్షలు చేస్తోన్నామని, ఇప్పటి వరకు 8,500 ఛాతి ఎక్స్‌-రేలను పరీక్షించామని వాటిలో 96 శాతం మంచి ఫలితాలను ఇచ్చాయని తెలిపారు. గవర్నమెంట్‌ ఆసుపత్రుల్లో ఈ పరీక్షలను ఉచితంగా నిర్వహిస్తున్నామని తెలిపారు. కరోనా కేసలు రోజు రోజుకు పెరిగిపోతున్న ఈ నేపథ్యంలో కరోనాను తొందరగా నిర్థారించడానికి ఇది బాగుంటుందని ఈఎస్‌డీఎస్‌ సంస్థ సీఈఓ పియ్యూష్‌ సొమానీ తెలిపారు.  (త్రీస్టార్‌.. తిరుపతి వన్‌)

నాసిక్‌: భూతల స్వర్గం కశ్మీర్‌ను మరోసారి కొత్త బంగారు లోకంగా మార్చేద్దామని ప్రధాని మోదీ ఆకాంక్షించారు. ప్రతి కశ్మీరీని హత్తుకుని, కశ్మీర్‌ను మళ్లీ స్వర్గసీమగా మారుద్దామని  పిలుపునిచ్చారు. మహారాష్ట్ర అసెంబ్లీ ఎన్నికల ప్రచారంలో భాగంగా గురువారం నాసిక్‌లో జరిగిన ఒక బహిరంగ సభలో ప్రసంగించిన మోదీ.. దశాబ్దాల కశ్మీరీ కష్టాలకు గత కాంగ్రెస్‌ ప్రభుత్వాలే కారణమని దుయ్యబట్టారు. కశ్మీర్‌లో హింసను ప్రజ్వరింపజేసేందుకు సరిహద్దులకు ఆవలి నుంచి నిర్విరామ ప్రయత్నాలు కొనసాగుతున్నాయని పాకిస్తాన్‌పై ధ్వజమెత్తారు. ఉగ్రవాదం, హింసల నుంచి కశ్మీర్, లద్దాఖ్‌ ప్రజలను దూరం చేసేందుకు ఆర్టికల్‌ 370 రద్దు నిర్ణయం తీసుకున్నామన్నారు. ‘దశాబ్దాల హింసాత్మక వాతావరణం నుంచి బయటపడాలని యువత, తల్లులు, సోదరీమణులు నిర్ణయించుకున్నారు. వారికి ఉద్యోగాలు, అభివృద్ధి కావాలి. జమ్మూకశ్మీర్, లద్దాఖ్‌లలోని సమస్యలన్నింటినీ పరిష్కరించేందుకు మేం కట్టుబడి ఉన్నాం’ అని మోదీ వివరించారు. దేశంలోని యాభై కోట్ల పాడి పశువులకు టీకాలు వేయించాలని తమ ప్రభుత్వం నిర్ణయిస్తే.. ఇదో రాజకీయ నిర్ణయమని విమర్శిస్తున్నారని, పశువులు ఓట్లు వేయవన్న సంగతి వారు గుర్తుచేసుకోవాలని మోదీ ఎద్దేవా చేశారు. ఛత్రపతి శివాజీ వంశస్తుడు బహూకరించిన తలపాగాతో మోదీ బహిరంగ సభలో పాల్గొన్నారు.   సైనిక అవసరాలను వారు పట్టించుకోలేదు జాతీయ భద్రతపై గత యూపీఏ ప్రభుత్వం కనీస శ్రద్ధ చూపలేదని మోదీ విమర్శించారు. సైనిక బలగాల కోసం 2009లో 1.86 లక్షల బుల్లెట్‌ ప్రూఫ్‌ జాకెట్లు కావాలన్న డిమాండ్‌ను పట్టించుకోలేదని గుర్తు చేశారు. ‘2014లో బీజేపీ నేతృత్వంలోని ప్రభుత్వం కేంద్రంలో అధికారంలోకి వచ్చిన తరువాత మాత్రమే ఆ డిమాండ్‌ నెరవేరింది. అప్పటివరకు సరిహద్దుల్లో మన జవాన్లు అవి లేకుండానే ప్రాణాలొడ్డి విధులు నిర్వర్తించేవారు. అంతేకాదు, ఇప్పుడు భారత్‌లో తయారయ్యే బుల్లెట్‌ప్రూఫ్‌ జాకెట్లు దాదాపు 100 దేశాలకు ఎగుమతి అవుతున్నాయి’ అని మోదీ వివరించారు.   పవార్‌పై విమర్శలు... పాకిస్తాన్‌ అంటే తనకిష్టమన్న ఎన్సీపీ సీనియర్‌ నేత శరద్‌ పవార్‌ వ్యాఖ్యలపై మోదీ ధ్వజమెత్తారు. ‘శరద్‌ పవార్‌కు ఏమైంది? అంతటి సీనియర్‌ నేత పాకిస్తాన్‌ విషయంలో ఇలాంటి వ్యాఖ్యలు చేస్తూంటే బాధగా ఉంది. ఆయనకు పొరుగు దేశమంటే ఇష్టం కావచ్చుగానీ.. ఉగ్రవాదం మూలాలు ఎక్కడున్నాయో అందరికీ తెలుసు’ అని మోదీ వ్యాఖ్యానించారు. జమ్మూ కశ్మీర్‌కు ప్రత్యేక ప్రతిపత్తిని కల్పించే ఆర్టికల్‌ 370ని రద్దు చేయాలన్న కేంద్ర ప్రభుత్వ నిర్ణయానికి ఎన్సీపీతోపాటు ఇతర ప్రతిపక్షాలు సహకరించలేదని, మద్దతుగా నిలవలేదని మోదీ విమర్శించారు. కాంగ్రెస్‌ నేత రాహుల్‌ పేరు ప్రస్తావించకుండానే... కొందరు నేతలు చేస్తున్న వ్యాఖ్యలను భారత వ్యతిరేక శక్తులకు ఊతమిస్తున్న దేశాలు తమకు అనుకూలంగా మార్చుకుంటున్నాయని మోదీ చెప్పారు. రామమందిర నిర్మాణంపై..   మిత్రపక్షం శివసేనపైనా మోదీ విమర్శలు గుప్పించారు. సేన పేరును ప్రస్తావించకుండా.. రామ మందిర నిర్మాణం విషయంలో కొందరు పెద్ద నోరేసుకుని మాట్లాడుతున్నారని, వారంతా  సుప్రీంకోర్టు తీర్పు వచ్చేవరకు సంయమనం పాటించాలన్నారు. న్యాయవ్యవస్థపై నమ్మకముంచాలని చేతులు జోడించి  కోరుతున్నానన్నారు. మందిర నిర్మాణం కోసం ఇంకా ఎన్నాళ్లు ఎదురుచూడాలని, అందుకు కేంద్రం ఓ కొత్త చట్టం రూపొందించాలని తాము చాన్నాళ్లుగా కోరుతున్నామని శివసేన నేత ఉద్ధవ్‌ ఠాక్రే సోమవారం వ్యాఖ్యానించడం తెల్సిందే.

ముంబై : తేజాస్‌ ఎక్స్‌ప్రెస్‌ విధ్వంసం గుర్తుండే ఉంటుంది. ఆకతాయిలైన ప్రయాణికులు, సీట్లకు ముందున్న ఎల్‌సీడీ స్క్రీన్లను ధ్వంసం చేయగా.. మరికొందరు హెడ్‌ఫోన్లను ఎత్తుకెళ్లారు. వ్యాక్యూమ్‌ టాయిలెట్‌ను కంపు కంపు చేశారు. ఈ సంఘటన ఇంకా మర్చిపోనే లేదు. అప్పుడే ముంబై-నాసిక్‌ పంచవటి ఎక్స్‌ప్రెస్‌లోనూ ఇదే రకమైన విధ్వంసకర వాతావరణం చోటు చేసుకుంది. ఈ రైలు సర్వీసును అప్‌గ్రేడ్‌ చేసిన నాలుగు నెలల్లోనే, ట్రే టేబుల్స్‌ను, కర్టెన్లను చెల్లాచెదురు చేశారు. అంతేకాక కిటికీలను పగులగొట్టారు. హెల్త్‌కు చెందిన రెగ్యులేటర్లను, కుళాయిలను, లగేజ్‌ ర్యాక్‌ల గ్లాస్‌లను ప్రయాణికులు బ్రేక్‌ చేశారు. చెత్తాడబ్బాలను, అద్దాలను ఎత్తుకుపోయారు. రైళ్లలో తరుచూ జరుగుతున్న ఈ సంఘటనలతో, సెంట్రల్‌ రైల్వే ఇప్పటికీ రిఫైర్‌ బిల్లుగా రూ.9 లక్షల మేర ఖర్చు చేసింది.  ప్రయాణికులు వారికి అందిస్తున్న సౌకర్యాలను సరిగ్గా వినియోగించుకోవడం లేదని రైల్వే అధికారులు ఆందోళన వ్యక్తం చేస్తున్నారు. ఇదే విషయంపై ఫిబ్రవరి 7న రైల్వే మంత్రిత్వశాఖ అన్ని జోనల్‌ రైల్వేస్‌కు ఒక లేఖ రాసింది. ఈ విషయాన్ని రైల్వే బోర్డు విచారణ జరుపుతుందని తెలిపింది. గంటకు 200 కిలోమీటర్ల స్పీడుతో, తేజాస్‌ ఎక్స్‌ప్రెస్‌ లాంచ్‌ అయిన సంగతి తెలిసిందే. సెమీ-లగ్జీర ట్రైన్‌ అయిన దీన్ని గోవా నుంచి ప్రారంభించారు. గోవా నుంచి ఇది ముంబైకు ఒక ట్రిప్‌ వేసింది. ఇక అంతే తిరుగు ప్రయాణంలో ప్రయాణికులు ఈ రైలు విండోలను పగలగొట్టారు. హెడ్‌ఫోన్లను దొంగలించారు.  ఈ సంఘటనలతో రైళ్లలో అందిస్తున్న సౌకర్యవంతమైన సర్వీసులను తీసివేయాలని రైల్వే శాఖ భావించింది. అయితే రోజూ ట్రాక్‌లపై చాలామంది ప్రాణాలు తీసుకుంటున్నారని, అలాగని ముంబై సబ్‌అర్బన్‌ సర్వీసులను రైల్వే ఆపివేస్తుందా అని రైల్‌ యాత్రి పరిషద్‌ అధ్యక్షుడు సుభాష్‌ గుప్తా ప్రశ్నించారు. అలాగే పగిలిపోయిన ఎల్‌సీడీ స్క్రీన్లను మొత్తంగా తీసివేయడం కంటే, వాటిని బాగు చేయడం మంచిదని పేర్కొన్నారు. ఒకవేళ ఆ సౌకర్యాలను తీసివేస్తే, టిక్కెట్‌ ఛార్జీలను కూడా తగ్గించాలని ప్రయాణికుల అసోసియేషన్‌ డిమాండ్‌ చేస్తోంది.

సాక్షి, ముంబై : తన తోటలోని మామిడి పళ్లు తింటే కొడుకులు పుడతారంటూ వివాదస్పద వ్యాఖ్యలు చేసిన హిందుత్వ నేత శంబాజీ బిదేకు నాసిక్‌ మున్సిపల్‌ కార్పొరేషన్‌ షోకాజ్‌ నోటీసు జారీ చేసింది. ‘మీ తోటలోని పళ్లు తిని మగ పిల్లల్ని సంతానంగా పొందిన జంట వివరాలు పేర్లతో సహా వెల్లడించాల్సి ఉంటుంది. మీరు చేసిన వ్యాఖ్యలను నిరూపించుకోవాల్సిన ఆవశ్యకత ఉందంటూ’  నోటీసులో పేర్కొంది. కాగా రాయ్‌గఢ్‌లో మరాఠాల యోధుడు చత్రపతి శివాజీ మహారాజ్‌ బంగారు సింహాసనాన్ని ఏర్పాటు చేయాలని డిమాండ్‌ చేస్తూ నాసిక్‌లో ర్యాలీ నిర్వహించిన శంబాజీ.. ‘మామిడి పళ్లలో మంచి పోషకాలుంటాయని, తమ తోట మామిడి పళ్లు తిన్న జంటలకు మగ పిల్లలే పుట్టారని’ వ్యాఖ్యానించారు. ‘ఇప్పటి వరకు ఈ విషయాన్ని నా తల్లికి మినహా ఎవరికి చెప్పలేదు. నాతోటలోని మామిడి పండ్లు తిన్న 150 జంటలకు 180 మంది మగపిల్లలు జన్మించారు. ఎవరికైనా మగపిల్లలు కావాలనిపిస్తే ఈ మామిడి పండ్లు తినండి. సంతానలేమి సమస్యతో బాధపడే దంపతులకు కూడా ఈ మామిడి పండు ఉపయోగపడుతోంది.’  అని శాంబాజీ చెప్పుకొచ్చారు. ఈ వ్యాఖ్యలపై మండిపడిన న్యాయవాది, సామాజిక వేత్త అబా సింగ్‌... మూఢనమ్మకాలను ప్రచారం చేస్తోన్న శంబాజీపై చర్యలు తీసుకోవాలంటూ డిమాండ్‌ చేశారు.

సాక్షి ముంబై: 23 మందితో తీర్థ యాత్రలకు వెళ్లి తిరిగి వస్తున్న మినీ ట్రావెల్‌ బస్సు రోడ్డుపై ఉన్న ఇసుక ట్రక్కును ఢీ కొనడంతో బస్సులో ఉన్న 10 మంది దుర్మరణం చెందారు. మరో 13 మందికి తీవ్రగాయాలయ్యాయి. వీరిలో 9 మంది పరిస్థితి విషమంగా ఉన్నట్లు తెలిసింది.  ఈ ఘటన నాసిక్‌ జిల్లా చాంద్‌వడ్‌ తాలూకా సోగ్రాస్‌ గ్రామం వద్ద గురువారం వేకువ జామున 5.30 గంటల ప్రాంతంలో చోటుచేసుకుంది. మృతుల వివరాలు పూర్తిగా తెలియరాలేదు. మృతి చెందిన వారిలో ఏడుగురు మహిళలు, ఓ బాలుడున్నారు. మరణించిన వారందరూ కల్యాణ్, ఉల్లాస్‌నగర్‌తోపాటు నాసిక్‌ వాసులుగా గుర్తించారు.   తెల్లవారు జామున..  సాయిట్రావెల్స్‌కు చెందిన మినీ బస్సులో డ్రైవర్‌తోపాటు మొత్తం 23 మంది సోమవారం తీర్థయాత్రలకు బయలుదేరారు. మధ్యప్రదేశ్‌లోని ఉజ్జయినీ ఓంకారేశ్వర్‌ పుణ్యక్షేత్రాలను దర్శించుకుని బుధవారం రాత్రి తిరుగు ప్రయాణమయ్యారు. తెల్లవారుజాము వరకు ప్రయాణం సాఫీగానే సాగింది. తెల్లవారుతుండటంతో నిద్రలోనుంచి అçప్పుడప్పుడే కొందరు మేల్కొనసాగారు. అంతలోనే ఊహించని సంఘటన చోటుచేసుకుంది. ఒక్కసారిగా భారీ శబ్దం.. అసలేం జరిగిందో తెలుసుకునేలోపే ఆ పరిసరాలన్నీ రక్తపు మడుగులో ఎర్రగా మారిపోయాయి. క్షతగాత్రుల అర్తనాధాలతో ఆ పరిసరాలన్నీ మారుమోగాయి. ఇలా సూర్యోదయం చూడకముందే ఘటనా స్థలంలోనే ఐదుగురు విగత జీవులయ్యారు. ప్రమాద సమాచారం అందుకున్న పోలీసులు ఘటనా స్థలానికి చేరుకున్నారు. స్థానికులు, ఇతర వాహన చోదకుల సహాయంతో గాయపడ్డ వారందరినీ స్థానిక ఆసుపత్రులకు తరలించారు. అయితే మరో ఐదుగురు చికిత్స పొందుతూ మరణించారు. మిగిలిన 13 మందిలో తొమ్మిది మంది పరిస్థితి విషమంగా ఉండటంతో నాసిక్‌ జిల్లా ఆసుపత్రికి తరలించారు. వీరిలో ఉల్లాస్‌నగర్‌కు చెందిన మినీ బస్సు డ్రైవర్‌ సంతోష్‌ పిఠలే (38)కూడా ఉన్నారు. అయితే మృతుల వివరాలు ఇంకా తెలియరాలేదు. గాయాలైన వారిలో కాలిదాస్‌ వాసోదా (38) రాధీ రాఠోడ్‌ (40), జమునా చవాన్‌ (70), మంజూ గుజరాతీ (31), ప్రగతీ గుజరాతి (12, కాశిక్‌ ధావ్‌ (14), కల్యాణ్‌ గుజరాత్‌ (60), ధనూ పరమార్‌ (60), వసూదుమయా (54), బ్రిజేష్‌ మల్హోత్రా (20), అజయ్‌ మల్హోత్రా (45), డ్రైవర్‌ సంతోశ్‌ పిఠలేతోపాటు ట్రక్కు క్లీనర్‌ మాలీకిలు ఉన్నారు.  టైర్‌ పగలడంతోనే....?  మినీ బస్సు టైరు పగలడంతోనే ఈ సంఘటన జరిగిందని పోలీసులు ప్రాథమికంగా భావిస్తున్నారు. ఇసుక లోడ్‌తో వెళ్తున్న ట్రక్కు మొరాయించడంతో రోడ్డు పక్కన నిలిపి మరమ్మతులు చేయసాగారు. అయితే అంతలోనే వేగంగా వస్తున్న మినీ బస్సు ట్రక్కును ఢీ కొట్టింది. టైర్‌ పగలడంతో మినీ బస్సుపై డ్రైవర్‌ నియంత్రణ కోల్పోయాడని దీంతోనే ట్రక్కును ఢీ కొట్టిందని తెలిసింది. దీంతో దైవ దర్శనానికి వెళ్లి.. చివరికి మృత్యు ఒడిలోకే వెళ్లిపోయారు. పోలీసులు కేసు నమోదు చేసుకుని దర్యాప్తు ప్రారంభించారు. 


 - ఐదేళ్ల చిన్నారిపై తండ్రి అత్యాచారం
 - కొడుకును కాపాడేందుకు మనవరాల్ని చంపిన నానమ్మ
 నాసిక్‌: ఐదేళ్ల పసిమొగ్గను కన్నతండ్రే చిదిమేశాడు. ఈ విషయం బయటికి తెలిస్తే పరువుపోతుందని నానమ్మే ఆ పాపను చంపేసింది. మహారాష్ట్రలోని నాసిక్‌లో చోటుచేసుకున్న ఈ దారుణ సంఘటన గురించి పోలీసులు తెలిపిన వివరాలిలాఉన్నాయి..
 
 సచిన్‌ షిండే అనే వ్యక్తి కుటుంబంతో కలిసి నాసిక్‌ సమీప జవులేక్‌వాని గ్రామంలో నివసిస్తున్నాడు. శుక్రవారం రాత్రి ఇంట్లో డ్యూటీ నుంచి తిరిగొచ్చిన అతను.. ఐదేళ్ల కూతురిపై అత్యాచారానికి ఒడిగట్టాడు. సచిన్‌ ఈ దారుణానికి పాల్పడుతుండగా అతని తల్లి అనుసాయా చూసింది. మృగాన్ని అడ్డుకొని, పాపను కాపాడాల్సిందిపోయి ఆమె మరింత రాక్షసంగా ఆలోచించింది. కూతుర్ని రేప్‌ చేశాడని తెలిస్తే సచిన్‌ను పోలీసులు పట్టుకెళతారని భయపడి.. మనవరాలి గొంతు నులిమి చంపేసింది! ఆ సమయంలో సచిన్‌ భార్య ఇంట్లో లేదు.
 
 పాప శవాన్ని తీసుకెళ్లి సమీపంలోని ఓ స్కూల్‌ గోడ వద్ద పడేసింది అనుసాయా. అనంతరం పోలీస్‌ స్టేషన్‌కు వెళ్లి, తన మనవరాలిని ఎవరో కిడ్నాప్‌చేసి, హత్యచేశారని తప్పుడుకేసు పెట్టింది. రంగంలోకి దిగిన పోలీసులు డాగ్‌ స్క్వాడ్‌తోపాటు పాప మృతదేహా వద్దకు వెళ్లరు. వాసన పసిగట్టిన పోలీసు జాగిలాలు షిండే ఇంటివైపునకు పరుగెత్తాయి. దీంతో పోలీసులకు అనుమానాలు మొదలయ్యాయి..
 
 సచిన్‌, అతని తల్లి అనుసాయాలను అదుపులోకి తీసుకుని విచారించగా నేరాన్ని అంగీకరించారని, సచిన్‌పై అత్యాచారం, పోక్సో చట్టంకింద, అనుసాయాపై హత్యానేరంకింద కేసులు నమోదుచేసి రిమాండ్‌కు తరలించామని డీఎస్పీ దేవిదాస్‌ పాటిల్‌ మీడియాకు చెప్పారు.


 నాసిక్‌లో భారీ వర్షాలు.. పొంగుతున్న గోదావరి
 
  నాసిక్/న్యూఢిల్లీ : ఎడతెగని వర్షాలతో మహారాష్ట్రలోని నాసిక్ జిల్లా అతలాకుతలమవుతోంది. జిల్లాలోని వివిధ ప్రాంతాల్లో కలిపి ఆదివారం ఉదయం 8 నుంచి సాయంత్రం 5 గంటల మధ్య 99.1 సెం.మీ వర్షపాతం నమోదైంది. కేవలం 9 గంటల్లోనే ఇంత వర్షం పడడంతో గోదావరి నదిలో వరద మొదలై  జనజీవనం స్తంభించిపోయింది. గోదావరి తీరంలో నిలిపిఉంచిన మూడు కార్లు వరదలో కొట్టుకుపోయాయి. ఈ వర్షాలకు నాసిక్ నగరానికి ప్రధాన తాగునీటి వనరైన గంగాపూర్ ఆనకట్ట 23 శాతం నిండింది. కరువు కారణంగా మేలో వట్టిపోయిన చారిత్రాత్మక రామ్‌కుండ్ ఆనకట్ట కూడా ఇప్పుడు పూర్తిగా నిండి పొంగిపొర్లుతోంది. నాసర్ది నదిలోనూ ప్రవాహం పెరిగింది. రాబోయే 24 గంటల్లో నాసిక్‌లో భారీ వర్షాలు కురిసే అవకాశం ఉందని భారత వాతావరణ విభాగం  తెలిపింది. మధ్యప్రదేశ్‌లో కొన్ని రోజులుగా కురుస్తున్న వర్షాలకు మృతుల సంఖ్య 15కు పెరిగింది.
 
  దేశంలోని 89 శాతం ప్రాంతాల్లో సాధారణ, అధిక వర్షపాతాలు నమోదయ్యాయి. గుజరాత్‌లోని అధిక భాగాలు, సిక్కిం మినహా మిగతా ఈశాన్య రాష్ట్రాలన్నీ లోటు వర్షపాతాన్ని చవిచూశాయి. దేశం మొత్తం మీద జూన్1 నుంచి జూలై 10 మధ్యలో 25.4 సెం.మీ వర్షపాతం నమోదైంది. దేశంలో 26 శాతం ప్రాంతాల్లో అధిక, 63 శాతం ప్రాంతాల్లో సాధారణ, 11 శాతం ప్రాంతాల్లో లోటు వర్షపాతాలు నమోదయ్యాయి.


 ♦ రూ. 3 కోట్ల విలువైన బంగారం స్వాధీనం
 ♦ హరిద్వార్‌లో పట్టుబడిన నిందితుడు
 ♦ రూ.15.70 కోట్ల బంగారు బిస్కెట్ల
 ♦ దోపిడీ కేసులో పురోగతి
  
  థానే : గత ఏప్రిల్‌లో నాసిక్‌లో జరిగిన భారీ దోపిడీ కేసులో నిందితులను పోలీసులు పట్టుకున్నారు. దాదాపు రూ.15.70 కోట్ల విలువైన బంగారు బిస్కెట్లు దోపిడీ చేసిన కేసులో హరిద్వార్‌కు చెందిన ఓ వ్యక్తిని అదుపులోకి తీసుకున్నట్లు పోలీసులు తెలిపారు. దీంతో ఈ దోపిడీ కేసు త్వరలో పరిష్కారమవుతుందని చెప్పా రు. ‘నిందితుడిపై సెక్షన్ 397 సెక్షన్ 398 కింద కేసు నమోదు చేశాం.  2015 ఏప్రిల్ 25న శిర్పూర్ గోల్డ్ రిఫైనరీ నుంచి సిక్‌వెల్ లాజిస్టిక్స్ కంపెనీకి వాహ నంలో మొత్తం బాంగారు తరలిస్తుండగా, నాసిక్ వద్ద బాంబే-ఆగ్రా రహదారిపై ఐదుగురు కారులో వచ్చారు.
 
 రివాల్వర్లతో బెదిరించి మొత్తం  రూ.15.70 కోట్ల విలువైన 58 కిలోల బంగారు దోపిడీ చేశారు’ అని థానే జాయింట్ కమిషనర్ వీవీ లక్ష్మినారాయణ తెలిపారు. నిందితుల కోసం ఎం పీలోని భోపాల్, యూపీలోని అజాం గఢ్, గుజరాత్‌లోని సూరత్, నేపాల్ బోర్డర్‌లోని సునియోలిలో గాలించి నట్లు పేర్కొన్నారు. అయితే దుండగులు చేయితిరిగిన  నేరస్తులు కావడంతో ఇన్నాళ్లు దొరకలేదని తెలి పారు. నింది తులు పలు సిమ్ కార్డులు మార్చారని, 100 నుంచి 150 కిలోమీటర్ల వరకు పనిచేసే సెల్యూలార్ ఫోన్లు కూడా వాడారని చెప్పారు.
 
 అయితే పట్టుబడిన నిందితుడు హరి ద్వార్‌లో కొన్ని వస్తువుల కొన్నట్లు థానే పోలీసులకు సమాచారం అందిందని, వెంటనే పథకం ప్రకారం మాటు వేసిన తమ సిబ్బంది నిందితుడిని అరెస్టు చేసి రూ. 3 కోట్ల విలువైన బంగారు బిస్కెట్లు స్వాధీనం చేసుకున్నామని చెప్పారు. అలాగే రూ. 12.5 లక్షల నగదు, 14 లక్షల విలువైన కారు, ఐ ఫోన్, టీవీ, రివాల్వర్, నేపాల్ కరె న్సీ, కొన్ని పత్రాలు జప్తు చేసినట్లు పేర్కొన్నారు.


 ముంబై: ఎన్నికలొచ్చాయంటేచాలు ఓటర్ల దష్టిలో పడేందుకు అభ్యర్థులు రకరకాల జిమ్మిక్కులు చేస్తుంటారు. కొందరు భారీగా జనాన్ని సేకరిస్తారు. మరికొందరు బ్యానర్లు, పోస్టర్లు, కటౌట్లు, ప్రవేశ ద్వారాలను పెద్దసంఖ్యలో ఏర్పాటు చేస్తారు. ఇలా చేస్తే ఓటర్లను బాగా ఆకట్టుకోవచ్చని వారు భావిస్తుంటారు. అయితే  నాసిక్‌లో ఓ అభ్యర్థి నామినేషన్ దాఖలు చేసే సమయంలో డిపాజిట్ రూపంలో చెల్లించాల్సిన 12,500 వేల రూపాయల నగదును ఏకంగా చిల్లర నాణేల రూపంలో చెల్లించి అందరినీ ఆకట్టుకున్నాడు. వాటిని లెక్కించేందుకు సంబంధిత అధికారులకు దాదాపు మూడు గంటల సమయం పట్టింది.
 
  తొలివిడతలో  లోక్‌సభకు జరిగే ఎన్నికలకు నామినేషన్ వేయడానికి  శనివారం చివరి రోజు.  నాసిక్‌లోని ఓ నియోజక వర్గం నుంచి బహుజన్ స్వరాజ్య మహాసంఘ్ పార్టీ అభ్యర్థి ప్రమోద్ నాథేకర్ శనివారం నామినేషన్ దాఖలు చేశారు. అధికారులకు చుక్కలు చూపించారు. ఎన్నికల నిబంధనల ప్రకారం జనరల్ కోటా నుంచి పోటీ చేసేవారు  రూ.25 వేలు, రిజర్వేషన్ కోటా నుంచి పోటీచేసే వారు రూ.12,500 డిపాజిట్ చెల్లించాలి.  ప్రమోద్ రూ.12,500  చిల్లర నాణేలను జిల్లా అధికారి కార్యాలయంలో సమర్పించారు. 5,954 నాణేలతో మూటగట్టిన సంచిని చూసిన అధికారులు ఒక్కసారిగా ఆశ్చర్యానికి గురయ్యారు. చిల్లర తీసుకోకూడదనే నిబంధన ఏదీ లేదు. అందువల్ల అధికారులు ఆ చిల్లరను తీసుకోక తప్పలేదు. అందులో రూపాయి మొదలుకుని రూ.10 వరకు అన్ని చిల్లర నాణేలు ఉన్నాయి.  గతంలో వచ్చిన ‘గల్లీత్ గోంధల్ ఢిల్లీత్ ముజ్రా’ అనే చిత్రంలో  చిల్లర నాణేలు సమర్పించి ఆ అభ్యర్థి ఓటర్లను ఆకట్టుకున్నారు. ఈ చిత్రంలో చూపించిన విధంగానే ప్రమోద్ చిల్లర నాణేలు సమర్పించి ఉండొచ్చని భావిస్తున్నారు.
 
 కాగా చిల్లర లెక్కింపు పూర్తయ్యేంత వరకు మిగతా అభ్యర్థులు నామినేషన్లు దాఖలు చేయలేకపోయారు.
  
 ప్రమోద్ సమర్పించిన చిల్లర నాణేలు:
  రూపాయి నాణేలు - 2,500
  రెండు రూపాయల నాణేలు - 2,500
  ఐదు రూపాయల నాణేలు - 908
  పది రూపాయల నాణేలు - 46


 సాక్షి, ముంబై: నగరంలో హత్యకు గురైన ఎస్తేర్ అనూహ్య కేసులో నిందితుడైన చంద్రబాన్ సానప్ అలియాస్ చౌక్యాకు బ్రెయిన్ మాపింగ్‌తోపాటు వివిధ పరీక్షలు నిర్వహించేందుకు పోలీసులు సిద్ధమవుతున్నారు. నిందితుడు పట్టుబడినప్పటికీ అనేక విషయాలపై ఇంకా స్పష్టత రావల్సి ఉందన్న పోలీసులు ఆధారాలు సేకరించే పనిలో నిమగ్నమయ్యారు. ‘నిందితునికి తొందర్లోనే డీఎన్‌ఎ, బ్రేన్ మాపింగ్‌తోపాటు నార్కో అనాలిసెస్, పుంసత్వ పరీక్షలు నిర్వహిస్తాం. నిందితుడు చంద్రబాన్క్త్ర, గోర్ల నమూనాలు తీసుకున్నాం. ఫొరెన్సిక్ లాబ్‌కు పంపాం. అత్యాచారానికి ప్రయత్నించినట్టు తెలువడంతో అసలేమి జరిగిందనే విషయమై అన్ని కోణాల్లో వివరాలు రాబట్టేందుకు ప్రయత్నిస్తున్నాం. ఇందులో భాగంగానే నిందితునికి పుంసత్వ పరీక్షలు కూడా నిర్వహిస్తున్నాం. అనూహ్య దుస్తులు, కళ్లద్దాలు, మరో రెండు టీ-షర్ట్‌లను కూడా డీఎన్‌ఏ పరీక్షల కోసం పంపించామ’ని  ముంబై క్రైమ్ బ్రాంచి డీసీపీ అంబాదాస్ పోటే ‘సాక్షి’కి తెలిపారు.
 
  ముమ్మరంగా ల్యాప్‌టాప్ కోసం గాలింపు...
  ఎస్తేర్ అనూహ్య ల్యాప్‌టాప్ ఆచూకీ ఇంతవరకు తెలియలేదు. నిందితుడు ల్యాప్‌టాప్‌ను అంబివలి, షాహాడ్ మద్యలో క్రీక్ (నదీ)లో పడేసినట్టు పోలీసులకు నిందితుడు తెలిపాడు. గజ ఈతగాళ్లతో సహయంతో పోలీసులు ల్యాప్‌టాప్ కోసం గాలిస్తున్నారు.  క్రైమ్ బ్రాంచి ఏసీపీ ప్రఫుల్ భోస్లే నేతృత్వంలోని 20 మంది అధికారులు, 85 మంది పోలీసుల బృందాలు పరిసరాలన్ని జల్లెడ పడుతున్నాయి. అయినప్పటికీ ల్యాప్‌టాప్ లభించకపోవడంతో నిందితున్ని తీసుకుని టీట్‌వాలా నుంచి ఖడవలి ప్రయాణం చేసి అక్కడి పరిసరాలను కూడా పర్యవేక్షించేందుకు పోలీసులు సిద్ధమవుతున్నారు.
 
 క్రైమ్ బ్రాంచి ఇప్పటివరకు ఎస్తేర్ అనూహ్య దస్తులు, బ్యాగ్ ఇతర వస్తువులను కనుగొంది. మరోవైపు చంద్రబాన్ వినియోగిస్తున్న సెల్‌ఫోన్ కూడా దొంగతనం చేసిందని తెలిసింది. గతేడాది వినాయకచవితి ఉత్సవాలలో గ్రాంట్‌రోడ్డులో ఈ సెల్‌ఫోన్ చోరీ చేసినట్టు తెలిసింది. ఇదిలాఉండగా హత్య చేసిన అనంతరం  చంద్రబాన్ నాసిక్ త్రయంబకేశ్వర్‌లో కాలసర్పయాగం, ఇతర పూజలు చేసినట్టు తెలిపాడు. దీనిపై పూజలు నిర్వహించిన బ్రహ్మణుల వాంగ్ములాన్ని కూడా పోలీసులు సేకరించారు.
 
  పూజలు నిర్వహించే సమయంలో చంద్రబాన్ తీవ్ర భయాందోళనలతో ఉన్నట్టు బ్రహ్మణులు తెలిపినట్టు తెలిసింది.
 
  రేపటితో ముగియనున్న గడువు...
  అనూహ్య హత్య కేసులో అరెస్టు చేసిన నిందితుని పోలీసు కస్టడీ గడవు శనివారంతో ముగియనుంది. అదేరోజు నిందితున్ని ముంబై సీఎస్‌టీ సమీపంలోని ఖిల్లా కోర్టులో హాజరుపరచనున్నారు. నిందితుడిని విచారించేందుకు మరిన్ని రోజులు కస్టడీకి ఇవ్వాలని కోర్టును కోరాలని పోలీసులు నిర్ణయించారు.


  నాసిక్: నాసిక్ లోక్‌సభ స్థానం నుంచి శివసేన తరఫున బరిలోకి దిగుతున్న హేమంత్ గాడ్సేతో పాటు స్థానిక నాయకులపై ఎన్నికల కోడ్ ఉల్లంఘన కేసు నమోదైంది. తమ అనుమతి తీసుకోకుండా గాడ్సేకు స్వాగతం పలికేం దుకు సేన జిల్లా అధ్యక్షుడు విజయ్ కరంజ్‌కార్ ఆధ్వర్యంలో 150 మంది కార్యకర్తలతో ద్విచక్ర వాహన, కారు ర్యాలీ నిర్వహించారని పోలీ సులు తెలిపారు.
  
  నాసిక్ నుంచి గాడ్సే అభ్యర్థిత్వాన్ని శివసేన పార్టీ అధ్యక్షుడు ఉద్ధవ్ ఠాక్రే ప్రకటించిన అనంతరం ఎప్పుడు రద్దీగా ఉండే ముంబై-అగ్రా జాతీయ రహదారికి సమీపంలోని నగర పత్రాడి-పాటా ప్రాంతంలో కరంజ్‌కార్‌తో పాటు ఇతరులు ర్యాలీ నిర్వహించారని వివరించారు. వీరిపై ఐపీసీ 188 సెక్షన్, ముంబై పోలీసు చట్టం 135 సెక్షన్ తదితర సెక్షన్‌ల కింద కేసు నమోదుచేశామన్నారు.
  


 నాసిక్: రాష్ర్టంలో రెండు వేర్వేరు ప్రాంతాల్లో జరిగిన రోడ్డు ప్రమాదాల్లో 54 మంది గాయపడ్డారు. నాసిక్‌లోని చంద్వాడ్ తాలూకా సమీపంలో ముంబై-అగ్రా జాతీయ రహదారిపై ట్యాంకర్‌ను బుధవారం రాత్రి బస్సు ఢీకొంది. ఈ ఘటనలో 46 మంది హోంగార్డులు గాయపడ్డారు. వచ్చే వారం అసెంబ్లీ ఎన్నికలు జరగనున్న మధ్యప్రదేశ్‌లో విధులు నిర్వహించేందుకు వీరంతా ఓ ప్రైవేట్ బస్సులో వెళుతుండగా ఈ ప్రమాదం చోటుచేసుకుందని పోలీసులు తెలిపారు. క్షతగాత్రులను చంద్వాడ్‌లోని గ్రామీణ ఆస్పత్రిలో చేర్పించామని వివరించారు. అలాగే పుణేలో మద్యం సేవించిన ఓ వ్యక్తి నడిపిన కారు అదుపుతప్పింది. రద్దీగా ఉండే జంగ్లీ మహారాజ్ రోడ్డు పక్కనున్న దుకాణాలు, పలు వాహనాలపైకి దూసుకెళ్లింది.
  
  ఈ ఘటనలో ఎనిమిది మంది గాయపడ్డారని పోలీసులు తెలిపారు. పార్క్ చేసిన ఆటోలు, జ్యూస్ స్టాల్‌పైకి కారును తీసుకెళ్లిన మహేశ్ సర్దేశాయ్ సిటీ ట్రాన్స్‌పోర్టు బస్సు టెర్మినస్ సమీపంలోని ఓ ద్విచక్ర వాహనాన్ని ఢీకొట్టాడని చెప్పారు. ఈ అలజడితో ఒక్కసారిగా స్థానికులు రోడ్ల వెంట పరుగులు తీశారన్నారు. కొందరు మహేశ్‌ను పట్టుకొని చితకబాది తమకు అప్పగించారని తెలిపారు. బ్రెత్ అనలైజర్ టెస్టు ద్వారా మహేశ్ మద్యం సేవించాడని నిర్ధారణ అయ్యిందన్నారు. కాగా, 2012లో ఆర్టీసీ డ్రైవర్ సంతోష్ మానే నిర్లక్ష్య డ్రైవింగ్‌తో  స్వర్‌గేట్‌లో తొమ్మిది మరణించిన సంగతి తెలిసిందే.


 మహారాష్ట్రలోని నాసిక్ సమీపంలో శుక్రవారం తెల్లవారుజామున రైలు ప్రమాదం జరిగింది. నాసిక్కు దగ్గరలో ఉన్న ఘోటి అనే ప్రాంతం వద్ద మంగళ ఎక్స్ప్రెస్ పట్టాలు తప్పింది. ఆరు బోగీలు పట్టాలు తప్పినట్లు తెలుస్తోంది. కేరళలోని ఎర్నాకులం నుంచి హజ్రత్ నిజాముద్దీన్ వెళ్తున్న ఈ రైలు పట్టాలు తప్పింది.  
 
 ఈ ప్రమాదంలో ఐదుగురు మరణించగా సుమారు 50 మందికి గాయాలయ్యాయి. క్షతగాత్రులను సమీపంలోని ఆస్పత్రికి తరలించి చికిత్సలు అందిస్తున్నారు. రైలు ఎందుకు పట్టాలు తప్పిందన్న విషయం ఇంకా తెలియరాలేదు. మరిన్ని వివరాలు ఇంకా అందాల్సి ఉంది.


 నాసిక్:  టోకు మార్కెట్‌లో ధరల పెరుగుదల ప్రభావం చిల్లర మార్కెట్‌పై పడింది. కిలో ఉల్లిపాయలను చిల్లర వ్యాపారులు రూ. 65కి విక్రయిస్తున్నారు. దీంతో సామాన్యులు తీవ్ర ఇబ్బందులకు గురవుతున్నారు. మరోవైపు దీపావళి తర్వాత టోకు మార్కెట్‌కు ఉల్లిపాయ ల రాక కూడా బాగా తగ్గింది. గతవారం కిలో ఉల్లిపాయలు రూ.50 పలికిన సంగతి విది తమే. గడిచిన తొమ్మిదిరోజుల వ్యవధిలో జిల్లాలోని లసల్గావ్‌లోని వ్యవసాయ మార్కెట్‌లో ఉల్లిపాయల ధరలు రూ. 56 శాతంమేర పెరి గాయి. గత నెల 31వ తేదీన క్వింటాల్ ఉల్లిపాయలు రూ. 3,200గా ఉండగా అది ఈ నెల ఎనిమిది నాటికి రూ.5,000లకు చేరుకుంది. ఇందుకు కారణం ఈ మార్కెట్‌కు ఉల్లిపాయల రాక గణనీయంగా తగ్గిపోవడమే.
  


 సాక్షి, ముంబై: విద్యార్థులకు శుభవార్త!. ప్రభుత్వం నుంచి నిధులు పొందుతున్న పాఠశాల, కళాశాలల్లో ఇప్పటిదాకా విద్యార్థినులకు మాత్రమే 12వ తరగతి వరకు ఉచిత విద్యా సౌకర్యం కల్పించారు. అయితే ఇప్పుడు విద్యార్థులకు కూడా ఆ సౌకర్యం కల్పించాలని రాష్ట్ర ప్రభుత్వం యోచిస్తోందని విద్యాశాఖ మంత్రి రాజేంద్ర దర్డా తెలిపారు. దీనిపై వచ్చే ఆరు నెలల్లోగా అధికారిక ప్రకటన చేసే అవకాశముందన్నారు. నాసిక్‌లో జరిగిన ఓ కార్యక్రమాన్ని రాజేం ద్ర దర్డా ప్రారంభించారు. ఈ సందర్భంగా ఆయన మాట్లాడుతూ అభివృద్ధి జరగాలంటే చదువు ఎంతో తోడ్పడుతుందన్నారు. ఈ విషయాన్ని దృష్టిలో ఉంచుకొని ప్రతి ఒక్కరికి విద్య అందాలని, ఇందు కోసం రాష్ట్ర ప్రభుత్వం కొన్ని ముఖ్యమైన నిర్ణయా లు తీసుకొంటోందన్నారు. అనేక చోట్ల విద్యార్థులు మధ్యలోనే చదువులు ఆపేస్తున్నారని, దీంతో వారి సంఖ్య తగ్గుతుందని తెలిపారు. దీనికి కారణం ఆర్థిక సమస్యేనన్నారు.
 అందుకే కనీసం 12వ తరగతి వరకు విద్యార్థులకు ఉచిత విద్య అందించేందుకు ప్రయత్నిస్తున్నామని తెలిపారు. ప్రధానోపాధ్యాయుల వేతనాలు పెంచాలంటూ రాష్ట్రవ్యాప్తంగా డిమాండ్లు వస్తున్నాయని, దీనిపై కూడా ప్రభుత్వం అనుకూలంగా యోచిస్తోందన్నారు. ఈ సంవత్స రం ఏప్రిల్ ఒకటి నుంచి రూ.266 కోట్ల వేతనేతర నిధులను తొందరలో ఉపాధ్యాయులకు చేరవేస్తామని వెల్లడించారు. పాఠశాలలో పౌష్టిక ఆహారం బాధ్యతలు ప్రధానోపాధ్యాయులపై నెట్టేస్తున్నారని విలేకరులడిగిన ప్రశ్నకు రాజేంద్ర సమాధానమిస్తూ ఈ సమస్యను సమన్వయంగా పరిష్కరిస్తామని హామీ ఇచ్చారు.


  నాసిక్: జలాశయాల నుంచి నీటి విడుదల విషయంలో మహారాష్ట్ర పొరుగు రాష్ట్రాలతోనేకాదు సొంత రాష్ట్రంలోనే సమస్యలను ఎదుర్కొంటోంది. నాసిక్ జిల్లాలోని జలాశయాల నుంచి మరాఠ్వాడాకు నీటిని విడుదల చేస్తామంటూ జలవనరులశాఖ మంత్రి సునీల్ తట్కరే ఇటీవల చేసిన వ్యాఖ్యలు ఇప్పుడు రాష్ట్రంలో పెద్ద దుమారమే రేపుతున్నాయి. నాసిక్ మున్సిపల్ కార్పొరేషన్‌లో అధికారంలో ఉన్న మహారాష్ట్ర నవనిర్మాణ సేన నేతలేగాకుండా సొంత పార్టీ ఎన్సీపీ నుంచే తట్కరే విమర్శలను ఎదుర్కొంటున్నారు. ఎమ్మెన్నెస్ నేతల నుంచి హెచ్చరికల రూపంలో ప్రతిఘటనలు ఎదురవుతుండగా ఛగన్ భుజ్‌బల్‌కు సన్నిహితులుగా చెప్పుకునే ఎన్సీపీ నేతలు కూడా తట్కరే వ్యాఖ్యలపై మండిపడుతున్నారు. ఇటీవల ఔరంగాబాద్‌లో జరిగిన ఓ కార్యక్రమంలో పాల్గొన్న తట్కరే మరాఠ్వాడాలోని జయక్‌వాడి జలాశయానికి నాసిక్ జిల్లాలోని జలాశయాల నుంచి నీటిని విడుదల చేస్తామని ప్రకటించారు. అయితే నాసిక్ జిల్లాలోని జలాశయాల నుంచి ఒక్క బొట్టు నీటిని కూడా జయక్‌వాడి డ్యాంకు మళ్లించనీయబోమని జిల్లా నేతలు హెచ్చరిస్తున్నారు.
  
   ‘ఒక్క బొట్టు నీటిని కూడా నాసిక్ జలాశయాల నుంచి జయక్‌వాడి డ్యాంకు మళ్లించనీయం. ఒకవేళ అలా జరిగితే ఎంతకైనా తెగిస్తామ’ని ఎన్సీపీ ఎమ్మెల్సీ జయంత్ జాదవ్ గురువారం హెచ్చరించారు. అక్రమంగా నీటిని తరలిస్తే చూస్తూ ఊరుకోమని ఎన్సీపీకి చెందిన మరో నేత ప్రకటించారు. జిల్లాలోని జలాశయాలు ఎండిపోతుంటూ ఎలా చూస్తూ ఊరుకుంటామని ప్రశ్నించారు. ఇక ఎమ్మెన్నెస్ ఎమ్మెల్యే ఉత్తమ్‌రావ్ ధిక్లే మాట్లాడుతూ... ‘నీటి తరలింపు విషయంలో మా అభిప్రాయాలను పక్కనబెడితే తీవ్ర పరిణామాలను ఎదుర్కోవాల్సి ఉంటుంది. రుతుపవనాలు సకాలంలో రావడంతో ఈ సంవత్సరం రాష్ట్రవ్యాప్తంగా వర్షాలు విస్తారంగానే కురిశాయి. జయక్‌వాడి జలాశయంలో కూడా సరిపడినంత నీటి నిల్వలున్నాయి. అయినప్పటికీ నాసిక్ జిల్లాలోని జలాశయాల నుంచి తరలించాల్సిన అవసరమేముంది? జిల్లాలో రెండు భారీ పరిశ్రమల  కారిడార్‌లు ఉన్నాయి. వాటికి నీటి అవసరం ఎంతో ఉంటుంది. ఉన్న నీటిని పక్క జిల్లాలకు తరలిస్తే ఆ పరిశ్రమలు మూతపడాల్సిన పరిస్థితి నెలకొంటుంది. ఈ పరిశ్రమల మనుగడను ప్రశ్నార్థకం చేస్తూ నీటిని మళ్లించడానికి ప్రయత్నించడం న్యాయమనిపించుకోదు. దీనిని ఎమ్మెన్నెస్ తీవ్రంగా వ్యతిరేకిస్తోంది.
  
   అయినప్పటికీ ప్రభుత్వం ముందుకే వెళ్లాలనుకుంటే మా నుంచి ప్రతిఘటన ఎదుర్కొనేందుకు సిద్ధంగా ఉండాల’ని హెచ్చరించారు. ఇదిలాఉండగా సునీల్ తట్కరే చేసిన వ్యాఖ్యలపై వివిధ పార్టీల అభిప్రాయాలను తెలుసుకునేందుకు నవంబర్ 2న అఖిలపక్ష భేటి జరుగనుంది. జిల్లాలోని గంగాపూర్, దార్నా జలాశయాలు 99 శాతం నిండాయి. మిగతా జలాశయాల్లో కూడా దాదాపుగా సరిపడా నీటి నిల్వలే ఉన్నాయి. ఈ పరిస్థితుల్లో మరాఠ్వాడకు ప్రాణాధారంగా భావించే జయక్‌వాడి జలాశయానికి నీటిని తరలించేందుకు జిల్లా నేతలు అంగీకరిస్తారా? లేదా? అనే విషయంలో శనివారం ఓ స్పష్టత వచ్చే అవకాశముంది. ఈ విషయమై జిల్లాకు చెందిన ఎన్సీపీ నేత ఒకరు మాట్లాడుతూ... ‘ఈ విషయంలో పార్టీని, ప్రభుత్వాన్ని పక్కనపెట్టి జిల్లా వాసుల ప్రయోజనాలకే ప్రాధాన్యతనిస్తామ’న్నారు.


 నాసిక్: స్థానిక పారిశ్రామికవేత్త ఒకరు కారుకు మంటలు అంటుకోవడంతో సజీవ దహనమయ్యారు.  స్థానిక పారిశ్రామిక వేత్త రిచర్డ్ మార్షల్ డిసౌజా ఉత్తర మహారాష్ట్ర గోవర్ధనే గ్రామం సమీపంలో మారుతి 800 కారులో వస్తుండగా హఠాత్తుగా మంటలు అంటుకున్నాయి. అంగవైకల్యం వలన ఆయన కారును ఆధునీకరించి బ్రెక్, క్లచ్ చేతితోనే ఉపయోగిస్తారు. మంటులో చుట్టుముట్టడంతో కారు నుంచి బయటకు రాలేక అందులోనే సజీవంగా దాహనమయ్యాడని తెలిసింది.
  
 సీ అండ్ ఎం ఫార్మింగ్ కంపెనీకి డిసౌజా వ్యవస్థాపకుడే కాక చెర్మైన్‌గా వ్యవహరిస్తున్నారు. కారులో మంటలు ఎలా చెలరేగాయనే విషయంలో ఇంకా అంచనాకు రావాల్సి ఉందని పోలీసు అధికారులంటున్నారు.


 నాసిక్: అంధశ్రద్ధ నిర్మూలన సమితి వ్యవస్థాపకుడు నరేంద్ర దభోల్కర్ హత్య కేసులో నిందితులను త్వరలోనే పట్టుకుంటామని రాష్ర్ట హోం శాఖ మంత్రి ఆర్.ఆర్.పాటిల్ పేర్కొన్నారు. స్థానిక మహారాష్ట్ర పోలీస్ అకాడమీ (ఎంపీఏ) కార్యాలయంలో గురువారం ఆయన మీడియాతో మాట్లాడారు. ‘నరేంద్ర హంతకులను  వీలైనంత త్వరగా పోలీసులు పట్టుకుంటారనే నమ్మకం నాకుంది. ’ అని అన్నారు. సీబీఐతోగానీ లేదా జాతీయ దర్యాప్తు సంస్థ (ఎన్‌ఐఏ)తోగానీ ఈ కేసు విచారణ జరిపించాలంటూ మృతుడి కుటుంబసభ్యులు డిమాండ్ చేస్తున్నారంటూ మీడియా ఆయన దృష్టికి తీసుకురాగా పై విధంగా స్పందించారు.
  
 ఇటీవల కోర్టుకు తరలిస్తున్న సమయంలో ఇండియన్ ముజాహిదీన్ (ఐఎం) సంస్థ ఉగ్రవాది ఉస్మాని పరారైన ఘటనపై ప్రశ్నించగా ఇద్దరు పోలీసులను సస్పెండ్ చేశామన్నారు. కర్తవ్య నిర్వహణలో పోలీసుల నిర్లక్ష్యం కారణంగానే ఉస్మాని పారిపోగలిగాడన్నారు. బేడీలు వేయరాదని, తాళ్లతో బంధించరాదనే నిబంధనలు పోలీసుల విధులకు ఆటంకంగా పరిణమించాయన్నారు. 12 మంది ఉగ్రవాదులు రాష్ర్టంలోకి ప్రవేశించినట్టు వార్తలొచ్చాయి కదా అని ప్రశ్నించగా అటువంటిదేమీ లేదన్నారు. గూఢచార విభాగం నుంచి ఇప్పటిదాకా 249 హెచ్చరికలొచ్చాయన్నారు. దీంతో దాడులను నిరోధించేందుకు మాల్స్, ఆలయాలు తదితర రద్దీ ప్రదేశాలను తమ శాఖ సిబ్బంది నిశితంగా పరిశీలిస్తున్నారన్నారు. గణేశ్ ఉత్సవాల సమయంలో లాల్‌బాగ్ చా రాజా మండపం వద్ద ఓ మహిళా కానిస్టేబుల్ తోపాటు మరో మహిళకు అవమానం జరగడంపై స్పందిస్తూ సీసీటీవీ కెమెరాలు నమోదుచేసిన దృశ్యాలను తమ శాఖ సిబ్బంది పరిశీలిస్తున్నారన్నారు. నిందితులపై తగు చర్యలు తీసుకుంటామన్నారు.
  
 ప్రత్యేక చట్టం కింద కేసులు
 ఇటీవలికాలంలో భవనాలు కూలిపోవడం, అనేకమంది అమాయకుల ప్రాణాలు గాలిలో కలసిపోవడంపై మీడియా ప్రశ్నించగా సంబంధిత బిల్డర్లపై మహారాష్ర్ట వ్యవస్థీకృత నేరనిరోధక చట్టం (ఎంసీఏసీఏ) కింద కేసులు నమోదు చేస్తామన్నారు.
  
 వందన స్వీకారం
 మహారాష్ట్ర పోలీస్ అకాడమీ (ఎంపీఏ)కి చెందిన 108వ బ్యాచ్ శుక్రవారం ఇక్కడ నిర్వహించిన పాసింగ్ అవుట్ పరేడ్ పాల్గొన్న హోం శాఖ మంత్రి ఆర్.ఆర్.పాటిల్ పోలీసు క్యాడెట్ల నుంచి గౌరవ వందనం స్వీకరించారు. ఈ పరేడ్‌లో 75 మంది మహిళా సిబ్బందితోపాటు 1,544 పోలీసు క్యాడెట్లు పాల్గొన్నారు.


 సాక్షి, ముంబై: శివసైనికులను డబ్బుతో కొనలేరని ఆ పార్టీ కార్యాధ్యక్షుడు ఉద్ధవ్‌ఠాక్రే పేర్కొన్నారు. వారు ప్రాణాలైనా ఇస్తారని, అమ్ముడు పోరంటూ ధీమా వ్యక్తం చేశారు. నాసిక్ జిల్లాలో ఆదివారం ఉదయం జరిగిన పార్టీ కార్యకర్తల మార్గదర్శన శిబిరంలో పాల్గొన్న ఉద్ధవ్ పీడబ్ల్యూడీ మంత్రి ఛగన్ భుజ్‌బల్‌ను లక్ష్యంగా చేసుకొని తనదైన శైలిలో విమర్శనాస్త్రాలు సంధించారు. ‘భుజ్‌బల్ ఎవరినైనా డబ్బుతో కొనవచ్చుననే భ్రమలో ఉన్నారు. శివసైనికులు అవసరమైతే ప్రాణాలైనా ఇస్తారు. అంతేగానీ మీలాగా ఎవరికో అమ్ముడు పోరు. మీరు శివసేన పులులతో వైరం పెంచుకుంటున్నారు.
 
   వచ్చే ఎన్నికల్లో మీకు వారి చేతిలో ఓటమి తప్పదు. ఈ విషయాన్ని భుజ్‌బల్ గుర్తుంచుకోవాలి. టైమ్స్ నౌ వంటి జాతీయ న్యూస్ చానళ్లు నిర్వహించిన సర్వేలో శివసేన అగ్రస్థానంలో ఉందని వెల్లడించా యి. ఇదెంతో సంతోషకరమైన విషయం. వచ్చే లోక్‌సభ ఎన్నికల్లో తప్పకుండా శివసేన పార్టీ 15-17 స్థానాలను కైవసం చేసుకుంటుంది. లోక్‌సభ, అసెంబ్లీ ఎన్నికల్లో భారీ మెజార్టీ స్థానాలు దక్కించుకోవాలంటే ఇప్పటినుంచే పార్టీ కార్యకర్తలు ఆ దిశగా కృషి చేయాలి. అసెంబ్లీ భవనంపై కాషాయ జెండా ఎగురవేయాలని బాల్‌ఠాక్రే కలలుగన్నారు. దానిని సాకారం చేసే బాధ్యత మనందరిపై ఉంద’ని కార్యకర్తలకు ఉద్ధవ్ పిలుపునిచ్చారు.