రాజ్యాంగాన్ని గౌరవించాలి

రాజ్యాంగాన్ని గౌరవించాలి

ఆదిలాబాద్‌టౌన్‌: భారత రాజ్యాంగాన్ని ప్రతి ఒక్కరూ గౌరవించాలని అదనపు కలెక్టర్‌ శ్యామలాదేవి అన్నారు. జిల్లా కేంద్రంలోని ప్రభుత్వ ఆర్ట్స్‌ అండ్‌ కామర్స్‌ డిగ్రీ కళాశాలలో మంగళవారం ఏర్పాటు చేసిన రాజ్యాంగ దినోత్సవ కార్యక్రమంలో పాల్గొన్నారు. ఈ సందర్భంగా ఆమె మాట్లాడుతూ, ప్రతి ఒక్కరూ హక్కులతో పాటు బాధ్యతలు నిర్వర్తించాలని సూచించారు. అనంతరం రాజ్యాంగాన్ని కాపాడుతామని ప్రతిజ్ఞ చేశారు. అంతకుముందు రాజ్యాంగ నిర్మాత డాక్టర్‌ బీఆర్‌ అంబేద్కర్‌ చిత్రపటానికి పూలమాలలు వేసి నివాళులర్పించారు. కార్యక్రమంలో ప్రిన్సిపాల్‌ అతీఖ్‌ బేగం, వైస్‌ ప్రిన్సిపాల్‌ రఘు, ఎన్‌సీసీ కేర్‌టేకర్‌ చంద్రకాంత్‌, ప్రోగ్రాం అధికారులు యాఖుబ్‌ అలీ, పృథ్విరాజ్‌, గోపాల్‌, ముబారక్‌, శ్రీనివాస్‌, విద్యార్థులు పాల్గొన్నారు.

రాజ్యాంగ దినోత్సవ ప్రతిజ్ఞ

కై లాస్‌నగర్‌: భారత రాజ్యాంగ దినోత్సవాన్ని కలెక్టరేట్‌లో మంగళవారం ఘనంగా నిర్వహించారు. అదనపు కలెక్టర్‌ శ్యామలాదేవి హాజరై ఉద్యోగులు, సిబ్బందితో ప్రతిజ్ఞ చేయించారు. జిల్లా ప్రజలకు రాజ్యాంగ దినోత్సవ శుభాకాంక్షలు తెలిపారు.