మారేడుమిల్లిలో టూరిజం చెక్‌పోస్టు

మారేడుమిల్లిలో టూరిజం చెక్‌పోస్టు

మారేడుమిల్లి: జిల్లాలో ఎకో టూరిజంను మరింతగా అభివృద్ధి చేసి, గిరిజనులను భాగస్వాములను చేస్తామని అటవీశాఖ పీసీసీఎఫ్‌ చిరంజీవి చౌదరి తెలిపారు. మారేడుమిల్లిలో ఏర్పాటు చేసిన పర్యాటక చెక్‌పోస్టును సోమవారం ఆయన ప్రారంభించారు. ఈ సందర్భంగా మాట్లాడుతూ ఏజెన్సీ ప్రాంతానికి వచ్చిన పర్యాటకులు ప్లాస్టిక్‌ సామగ్రి, పాలిథిన్‌ కవర్లు వినియోగించరాదని తెలిపారు. పర్యాటకులు టోల్‌గేట్‌ రుసుం చెల్లించాలన్నారు. దీని ద్వారా వచ్చే ఆదాయంతో పర్యాటకాభివృద్ధికి మరింత కృషి చేసేందుకు అవకాశం ఉంటుందని చెప్పారు. ఈ కార్యక్రమంలో రాజమహేంద్రవరం సీసీఎఫ్‌ బి.ఎం.ఎన్‌.మూర్తి, డీఎఫ్‌వో రవీంద్రనాథ్‌రెడ్డి, రంపచోడవరం సబ్‌ డీఎఫ్‌వో పి.అనూష, మారేడుమిల్లి రేంజర్‌ ఎం.ఏడుకొండలు, సీబీఈటీ రేంజర్‌ దావీదు, ఎఫ్‌ఎస్‌వో పట్టాభి తదితరులు పాల్గొన్నారు.