హైస్కూల్‌ స్థలదాతకు ఘనంగా సత్కారం

హైస్కూల్‌ స్థలదాతకు ఘనంగా సత్కారం

రోలుగుంట : కొమరవోలు జెడ్పీ ఉన్నత పాఠశాల స్థల దాత అయిన గొర్లె ప్రసాదనాయుడును ఆ పాఠశాల ఉపాధ్యాయ సిబ్బంది మంగళవారం ఎంఈవో–2 జగ్గారావుతో కలసి ఘనంగా సన్మానించారు. దివంగత జెడ్పీ చైర్మన్‌ గొర్లె రామ్మూర్తి నాయుడు అప్పటి సర్పంచ్‌ గొర్లె చెల్లమ్మనాయుడు, గ్రామ పెద్దల అభ్యర్థన మేరకు జెడ్పీ ఉన్నత పాఠశాలను మంజూరు చేశారు. ఆ సమయంలో పాఠశాలకు కావాల్సిన స్థల అవసరాన్ని గుర్తించిన గొర్లె ప్రసాదనాయుడు తన సోదరులతో కలసి తన తండ్రి దివంగత మాజీ ఎమ్మెల్యే గొర్లె కృష్ణంనాయుడు పేరున పాఠశాలకు అవసరమైన బోధనా తరగతి గదులు, ఆటస్థలానికి అనువుగా కావాల్సిన స్థలాన్ని ఇచ్చారు. ఈ నేపథ్యంలో పాఠశాల ఉపాధ్యాయ సిబ్బంది స్థలదాతను మంగళవారం శాలువాతో ఘనంగా సన్మానించారు. అనంతరం సన్మాన గ్రహీత పాఠశాలలో లైబ్రెరీ ఏర్పాటు కోసం రూ. 20 వేలు సిబ్బందికి విరాళంగా అందజేశారు. ప్రసాదనాయుడు పెద బొడ్డేపల్లి జెడ్పీ ఉన్నత పాఠశాల హెచ్‌ఎంగా పనిచేస్తూ ఇటీవలే ఉద్యోగ విరమణ చేశారు.