![కార్ల షోరూంలో దొంగల హల్చల్](https://www.sakshi.com/styles/webp/s3/article_images/2024/08/24/23atpc70c-110011_mr-1724485785-0.jpg.webp?itok=os7rdbWb)
● మూడు రోజుల కిందట సోములదొడ్డి సమీపంలో ఘటన
రాప్తాడు రూరల్: కత్తులు చేతబట్టిన ఇద్దరు దొంగలు అనంతపురం నగర శివారులోని ఓ కార్ల షోరూంలో అర్ధరాత్రి హల్చల్ చేయడం కలకలం రేపుతోంది. మూడు రోజుల కిందట జరిగిన ఈ ఘటన ఆలస్యంగా వెలుగు చూసింది. ఇందుకు సంబంధించిన సీసీ కెమెరా పుటేజీలు సోషల్ మీడియాలో వైరల్ అవుతున్నాయి. అనంతపురం రూరల్ మండలం సోములదొడ్డి సమీపంలోని నెక్సా షోరూంలో అర్ధరాత్రి ఇద్దరు దొంగలు ప్రవేశించి కలియ తిరిగారు. చేతుల్లో కత్తులు పట్టుకుని వివిధ గదుల్లో సోదాలు చేశారు. కత్తుల లాంటి ఆయుధాలు పట్టుకుని రావడం చూస్తుంటే పొరబాటున ఎవరైనా ఉంటే హతమార్చేందుకు కూడా వెనుకాడరనే అభిప్రాయాలు వ్యక్తమయ్యాయి. అయితే ఈ ఘటనపై పోలీసులకు ఎలాంటి ఫిర్యాదు అందలేదు. దొంగలకు నగదు, విలువైన వస్తువులేవీ దొరకపోవడంతోనే షోరూం నిర్వాహకులు పోలీసులకు ఫిర్యాదు చేయలేదని తెలిసింది.
Comments
Please login to add a commentAdd a comment