నూతన సంవత్సరంలో మాదిగ జాతికి నూతన వెలుగులు

నూతన సంవత్సరంలో మాదిగ జాతికి నూతన వెలుగులు

మదనపల్లె : మాదిగ జాతి ప్రజల ఆరు దశాబ్దాల ఆకాంక్ష, మూడు దశాబ్దాల పోరాటం...వచ్చే కొత్త సంవత్సరంలో నెరవేరనుందని, నూతన సంవత్సరంలో మాదిగ జాతికి నూతన వెలుగులు రానున్నాయని ఎంఆర్‌పీఎస్‌ వ్యవస్థాపక అధ్యక్షుడు మంద కృష్ణమాదిగ అన్నారు. గురువారం పట్టణంలోని చౌడేశ్వరి కల్యాణ మండపంలో ఉమ్మడి చిత్తూరు జిల్లా మాదిగల ఆత్మీయ సమ్మేళనం జరిగింది. కార్యక్రమానికి ముఖ్య అతిథిగా హాజరైన మందకృష్ణ మాదిగ మాట్లాడుతూ... ఎస్సీ వర్గీకరణపై సుప్రీంకోర్టు తీర్పు అనుకూలంగా వచ్చిన నేపథ్యంలో ముఖ్యమంత్రి చంద్రబాబు వారంలోపు కమిషన్‌ వేయనున్నట్లు తెలిపారన్నారు. నెలరోజుల్లోపు నివేదిక వచ్చే అవకాశాలు ఉన్నందున, కొత్త ఏడాదిలో మాదిగల కల సాకారమవుతుందన్నారు. ఎస్సీ రిజర్వేషన్‌ వర్గీకరణ సాధన కోసం జరిగిన పోరాటంలో ఎట్టకేలకు మూడు దశాబ్దాల తర్వాత జాతి గొప్ప విజయాన్ని సాధించిందని వ్యాఖ్యానించారు. కార్యక్రమంలో ఎంఆర్‌పీఎస్‌, ఎంఎస్‌పీ జాతీయ నాయకులు నరేంద్రబాబుమాదిగ, ఎంఈఎఫ్‌ జాతీయ కార్యదర్శి ఓ.వి.రమణ, గంపలశ్రీను, వాసు, రవి, మనోహర్‌, కౌన్సిలర్‌ ప్రసాద్‌బాబు తదితరులు ఉన్నారు.

ఎంఆర్‌పీఎస్‌ వ్యవస్థాపక అధ్యక్షుడు

మంద కృష్ణమాదిగ