నాటుసారా, కర్ణాటక మద్యం స్వాధీనం

నాటుసారా, కర్ణాటక మద్యం స్వాధీనం

మదనపల్లె : మదనపల్లె ప్రొహిబిషన్‌, ఎకై ్సజ్‌ స్టేషన్‌ పరిధిలో నిర్వహించిన దాడుల్లో నాటుసారా, కర్ణాటక మద్యం స్వాధీనం చేసుకుని ఇద్దరు నిందితులను అరెస్ట్‌ చేసి రిమాండ్‌కు పంపినట్లు సీఐ భీమలింగ తెలిపారు. శుక్రవారం ఆయన మీడియాతో మాట్లాడుతూ మదనపల్లె మండలం మాలేపాడు క్రాస్‌లో రూట్‌వాచ్‌ నిర్వహిస్తుండగా, నారమాకులతండాకు చెందిన బుక్కే రవినాయక్‌ను అరెస్ట్‌ చేసి 190 లీటర్ల నాటుసారా, తరలిస్తున్న ద్విచక్రవాహనాన్ని స్వాధీనం చేసుకున్నామన్నారు. నిందితుడు ఇచ్చిన సమాచారం మేరకు.. సారా కొనుగోలు చేస్తున్న నక్కలదిన్నె తండాకు చెందిన బుక్కే పద్మావతిని ఇదే కేసులో రెండో ముద్దాయిగా చేర్చామన్నారు. నిందితురాలు పరారీలో ఉండటంతో గాలిస్తున్నట్లు తెలిపారు. కురబలకోట మండలం తెట్టు గ్రామంలో కర్ణాటక మద్యం విక్రయిస్తున్న జి.అనూరాధను అరెస్ట్‌చేసి, 76 టెట్రా ప్యాకెట్లను స్వాఽధీనం చేసుకున్నామన్నారు. అరెస్ట్‌చేసి రిమాండ్‌కు తరలించామన్నారు. దాడుల్లో ఎస్‌ఐలు డార్కస్‌, జబీవుల్లా, హెడ్‌కానిస్టేబుళ్లు రంగానాయక్‌, మహమ్మద్‌అలీ, కానిస్టేబుళ్లు మణి, మధు, వెంకటేష్‌లు పాల్గొన్నారు.