కారు బోల్తా.. తప్పిన ప్రమాదం

కారు బోల్తా.. తప్పిన ప్రమాదం

వీరబల్లి : మండలంలో సోమవరం పంచాయతీలో పుత్తావాండ్లపల్లి వైపు నుంచి రాగిమానిదిన్నెపల్లె మార్గమధ్యంలో వంటిల్లు ఆంజనేయస్వామి గుడి క్రాస్‌ వద్ద కారు అదుపు తప్పి బోల్తా పడింది. అయితే ఇందులో ప్రయాణిస్తున్న ఏడుగురిలో ఎవరికీ గాయాలు కాకపోవడంతో అందరూ ఊపిరి పీల్చుకున్నారు. వివరాలిలా.. రాగిమానిదిన్నెపల్లికి చెందిన సంఘంవాళ్లపల్లి పంచాయతీ సర్పంచ్‌ సిబ్యాల రామాంజనేయులు తన కుటుంబ సభ్యులతో కలిసి ఆదివారం రాత్రి 8 గంటల సమయంలో ఇంటికి వెళ్తుండగా ఈ ప్రమాదం జరిగింది. విషయం తెలుసుకున్న బంధువులు, స్నేహితులు సంఘటనా స్థలానికి చేరుకొని సర్పంచ్‌, ఆయన కుటుంబ సభ్యులను కారునుంచి బయటకు తీసి క్షేమంగా ఇంటికి చేర్చారు.