ఓటర్ల సంఖ్య ఆధారంగా పోలింగ్‌ కేంద్రాలు

ఓటర్ల సంఖ్య ఆధారంగా పోలింగ్‌ కేంద్రాలు

చుంచుపల్లి: త్వరలో జరగను న్న గ్రామపంచాయతీల ఎన్నికలకు జిల్లాలో ముందస్తుగా అన్ని ఏర్పాట్లు చేపడుతున్నట్లు జిల్లా పంచాయతీ అధికారి వి.చంద్రమౌళి తెలిపారు. మంగళవారం గ్రామాల్లో పోలింగ్‌ కేంద్రాల ఏర్పాటు, ప్రచురణ, ఎన్నికల నియమావళిపై వివిధ రాజకీయ పార్టీలకు చెందిన నాయకులతో ఐడీఓసీలో ఆయన సమావేశం నిర్వహించారు. కార్యక్రమానికి డీఆర్‌డీఓ విద్యాచందన, జెడ్పీసీఈఓ నాగలక్ష్మి హాజరయ్యారు. డీపీఓ మాట్లాడుతూ.. పంచాయతీ ఎన్నికల ప్రక్రియకు జిల్లాలో చేపట్టబోతున్న ఏర్పాట్లను ఆయన వివరించారు. గ్రామాల పరిధిలో ఓటర్ల జాబితాల ఆధారంగా ఎలాంటి ఇబ్బందులు కలగకుండా పోలింగ్‌ స్టేషన్లను ఏర్పాటు చేస్తున్నట్లు తెలిపారు. పోలింగ్‌ స్టేషన్ల ముసాయిదా జాబితా షెడ్యూల్‌ ప్రకా రం ప్రకటించనున్నట్లు చెప్పారు. మండల స్థాయిలో సంబంధిత ఎంపీడీఓల ద్వారా రాజకీయ పార్టీల ప్రతినిధులతో ఈ నెల 12న సమావేశం నిర్వహించనున్నట్లు పేర్కొన్నారు. ప్రకటించిన పోలింగ్‌ స్టేషన్లలో ఏవైనా అభ్యంతరాలు ఉంటే 12 వరకు తెలియజేయాలన్నారు. పోలింగ్‌ కేంద్రాల తుది జాబితా ఈ నెల 17న ప్రచురిస్తామని స్పష్టం చేశారు. జిల్లాలోని 479 గ్రామపంచాయతీలు, 4,232వార్డుల్లో ఎన్నికల నియ మావళి ప్రకారం ప్రజలకు అందుబాటులో పోలింగ్‌ స్టేషన్లను ఉంచుతామని, రాజకీయ పార్టీలు ఎన్నికల నియమావళిని పాటించి త్వరలో జరగనున్న గ్రామపంచాయతీ ఎన్నికలకు సహకరించాలని కోరారు. సమావేశంలో పలు పార్టీల నాయకులు సలిగంటి శ్రీనివాస్‌, గౌని నాగేశ్వరరావు, సంకుబాపన అనుదీప్‌, అన్నవరపు సత్యనారాయణ, జి.మల్లికార్జున్‌రావు, నోముల రమేశ, లక్ష్మణ్‌ అగర్వాల్‌ హాజరయ్యారు.