గణిత పరీక్షలో విద్యార్థుల ప్రతిభ

గణిత పరీక్షలో విద్యార్థుల ప్రతిభ

కొత్తగూడెంఅర్బన్‌: పాతకొత్తగూడెంలో పాఠశాలలో బుధవారం గణిత దినోత్సవం ఘనంగా నిర్వహించారు. ప్రతి మండలం నుంచి ఆంగ్ల, తెలుగు మీడియాల నుంచి 136 మంది విద్యార్థులను ఎంపిక చేసి పరీక్షలు నిర్వహించారు. ఈ కార్యక్రమానికి హాజరైన డీఈఓ వెంకటేశ్వరాచారి మాట్లాడుతూ పరీక్షలు విద్యార్థులకు గణితంపై ఆసక్తి పెరిగి భయం తొలగించేందుకు పోటీలు నిర్వహించినట్లు తెలిపారు. అనంతరం విజేతలకు ప్రశంసా పత్రాలు, నగదు బహుమతి అందజేశారు. ఈ కార్యక్రమంలో విద్యాశాఖ ఏసీజీఈ మాధవరావు, ఎంఈఓ ప్రభుదయాళ్‌, టీఎంఎఫ్‌ గౌరవ అధ్యక్షుడు శ్రీనివాస్‌, ఏఎంఓ నాగరాజశేఖర్‌, ప్లానింగ్‌ కో ఆర్డినేటర్‌ సతీష్‌ కుమార్‌, పాఠశాల హెచ్‌ఎం లక్ష్మి, టీఎంఎఫ్‌ రాష్ట్ర బాధ్యులు హరి, సీహెచ్‌ మధుసూదన్‌రావు తదితరులు పాల్గొన్నారు.