రాష్ట్ర స్థాయి కబడ్డీ పోటీలకు ఎంపిక

రాష్ట్ర స్థాయి కబడ్డీ పోటీలకు ఎంపిక

తాళ్లపూడి: రాష్ట్ర స్థాయి అండర్‌–19 కబడ్డీ పోటీలకు మండలంలోని వేగేశ్వరపురానికి చెందిన దూపాని మహేష్‌ ఎంపికయ్యాడు. ఇంటర్‌ మొదటి సంవత్సరం ఎంపీసీ చదువుతున్న అతడు ఈ నెల 24న జంగారెడ్డిగూడెం మండలం కామవరపుకోటలో జరిగిన జిల్లా స్థాయి కబడ్డీ పోటీల్లో ప్రతిభ చూపాడు. తద్వారా వచ్చే నెల 3 నుంచి కర్నూలులో జరిగే రాష్ట్ర స్థాయి పోటీలకు ఎంపికయ్యాడు. కబడ్డీలో గత ఏడాది వేగేశ్వరపురం ప్రభుత్వ ఉన్నత పాఠశాల నుంచి కూడా స్టేట్‌ మీట్‌కు ఎంపికై , పతకం సాధించాడు. మహేష్‌ను స్థానిక కరిబండి కళాశాల డైరెక్టర్‌ కరిబండి త్రినాథస్వామి, ప్రిన్సిపాల్‌ పి.మురళి, వైస్‌ ప్రిన్సిపాల్‌ డి.మాధవరావు, అధ్యాపకులు అభినందించారు.